Morgunblaðið - Sunnudagur - 24.11.2013, Síða 37

24.11. 2013 MORGUNBLAÐIÐ SUNNUDAGUR 37
Það var ekki bara Eiður Smári sem barðist við tárin í
vikunni því Bill Gates, stjórnarformaður Microsoft, hélt
tilfinningaþrunga ræðu á hluthafafundi fyrirtækisins þar
sem hann minntist samstarfs síns og Steve Ballmers sem
mun láta af starfi sem forstjóri Microsoft í næsta mán-
uði.
Tölvurisinn leitar nú logandi ljósi að nýjum manni í
starf Ballmers sem hefur gegnt forstjórastarfinu í 13 ár
og staðið sig gríðarlega vel.
„Það verður erfitt að feta í fótspor fráfarandi for-
stjóra,“ sagði Gates í ræðu sinni og blikkaði til Ballmers
áður en hann tók aftur til máls. „Það eru mikil forréttindi
að leiða þann hæfileikaríka hóp starfsmanna sem við höf-
um,“ sagði Gates og ræskti sig ansi hraustlega við ræðu-
höldin. Hann lagði áherslu á að finna þyrfti rétta mann-
eskju fyrir fyrirtækið sem gæti sinnt því af jafn mikilli
alúð og Ballmer hefði gert.
Tók Gates sér smá tíma áður en hann hélt áfram og
duldist engum að hann var með kökkinn í hálsinum.
Gates endaði ræðuna sína með því að segja að arftakinn
þyrfti að deila þeirri sýn sem þeir Ballmer hefðu á
Microsoft að fyrirtækið ætti að vinna að því að gera
heiminn að betri stað.
BILL GATES STJÓRNARFORMAÐUR MICROSOFT
Barðist við tárin
Bill Gates á hluthafafundinum í vikunni þar sem hann
ræddi leit Microsoft að nýjum forstjóra.
AFP
Hungry Shark-leikurinn er stór-
skemmtilegur hákarlaleikur þar
sem markmiðið er að borða flesta
fiska og sérstök bónusstig eru gefin
fyrir að rífa í sig baðgesti af
mennskum uppruna.
Einfaldur að stjórna en verkefnin
eru svolítið flókin í fyrstu en líkt og
með flesta aðra tölvuleiki kemst
notandinn upp á lagið. Allir byrja
sem lítill hákarl en ef góður árang-
ur næst er hægt að enda með því
að vera hvítháfur.
HUNGRY SHARK
Hákarlastuð í
undirdjúpum
Plumber Classic er komið út fyrir
snjallsíma en þennan leik spiluðu
margir í gamla daga þegar leikirnir
voru einfaldir en góðir. Markmið
leiksins er að raða saman pípum frá
upphafi til enda og láta vatnið kom-
ast hindrunarlaust á áfangastað.
Stórgóður leikur til að gleyma stað
og stund í örlitla stund en eftir því
sem lengra er komist verða borðin
erfiðari og erfiðari. Kostar ekkert
og er til bæði fyrir Android- og
Apple-stýrikerfin.
PLUMBER CLASSIC
Gamli góði
píparinn
Litlum börnum finnst mjög gaman
að stelast í fína snjallsímann hjá
mömmu og pabba en Moms helper,
þó að nafnið sé hálfhallærislegt,
kennir börnum að flokka þvott í lit-
að og hvítt, setja niður blóm og taka
til svo fátt eitt sé nefnt. Þetta er leik-
ur fyrir bæði kyn þó að nafnið bendi
til að þetta sé stúlknaleikur.
Kostar ekki neitt og er aðeins til
fyrir Android-stýrikerfi enda þarf
svolítið stóran skjá til að spila þenn-
an leik.
Leikur sem
kennir
MOMS HELPER
Draumur þeirra sem auglýsa er að aug-
lýsingu þeirra verði deilt svo oft á fés-
bókinni að hún verði nánast að heims-
frétt. Nú er akkúrat ein slík komin í
umferð en það er auglýsing frá fyr-
irtækinu GoldieBlox, sem auglýsir dót
og bækur fyrir stelpur þannig að verk-
fræði heilli þær frekar. Af einhverjum
sökum er verkfræði mikil karlastétt en
89% verkfræðinga heimsins eru karlar.
Því vill GoldieBlox breyta og gerði frá-
bæra auglýsingu undir lagi Beasty Bo-
ys, Girls. Þar kemur verkfræði einmitt
mikið við sögu sem og dót frá fyrirtæk-
inu og brosandi ungar stelpur með ör-
yggisgleraugu. Rúmlega sjö milljónir
manna hafa horft á auglýsinguna frá
fyrirtækinu á youtube.
Markmið GoldieBlox er að hanna og
gera leikföng fyrir stelpur sem eiga að
örva áhuga þeirra á að taka að sér verkfræði sem starf.
Verkfræði beitir vísindalegum aðferðum, sem byggjast
einkum á stærðfræðigreiningu og eðlisfræði, við hönnun,
rannsóknir, verkstjórnun, eftirlit og fleira. Debbie Sterl-
ing, stofnandi GoldieBlox, útskrifaðist einmitt sem verk-
fræðingur fyrir tveimur árum en hún sá að karlar sóttu
frekar í verkfræði af einhverjum sökum. Því vill hún
breyta og gerði því þessa eftirminnilegu auglýsingu.
Stelpur hvattar í verkfræði
Samkvæmt rannsóknum GoldieBlox missa stúlkur
áhuga á vísinda- og tæknileikföngum um átta ára aldur.
iPhone
Opnunartímar:
Smáralind
Virka daga 11-19 | Fimmtudaga 11 - 21 | Laugardaga 11 - 18
Sunnudaga 13 - 18 | Sími 512 1330
fæstíepli.is
iPhone5c
Gefðu lífinu smá lit og skelltu þér á 5c
iPhone5s
Hraðasti iPhone síminn hingað til!
epli.is/iPhone