Morgunblaðið - Sunnudagur - 24.11.2013, Síða 39

24.11. 2013 MORGUNBLAÐIÐ SUNNUDAGUR 39
Þ
að er alltaf dálítið djöf-
ullegt þegar martraðir lífs
manns verða að raun-
veruleika … Svona áður
en ég fer lengra vil ég taka það
fram sérstaklega að þessi martröð
er ekki ein af „stóru áföllunum“ í
lífinu en getur engu að síður sett
allt úr skorðum hjá einhleypum
konum á fertugsaldri. Að týna
snyrtibuddunni svona rétt fyrir
mesta kokkteilboðamánuð ársins
er ávísun á vesen svo ekki sé
minnst á hvað það er kostn-
aðarsamt.
Þetta hefði alls ekki verið svona
mikið vesen fyrir áratug. En eftir
að vinnan og móðurhlutverkið fóru
að ryksuga upp allan frítíma,
stressið jókst og áhyggjurnar urðu
meiri þarf konan oft á öllum leyni-
trixunum að halda til þess að geta
hreinlega mætt sjálfri sér í spegl-
inum.
Ég veit ekki alveg hvað þetta er
með mig og martraðir lífs míns en
þeim rignir dálítið yfir mig þessa
dagana. Það er ekki langt síðan hin
martröð lífs míns helltist yfir mig í
bókstaflegri merkingu. Ég hef
lengi óttast það að kveikt yrði á
Vitamix-blandaranum án þess að
lokið væri á. Á dögunum var ég að
útbúa desert fyrir litlu mons-
urnar (syni mína) sem samanstóð
af AB mjólk, döðlu og frosnu
mangói. Eitthvað varð yngri mons-
an óþolinmóð og fannst þetta ekki
ganga nógu hratt fyrir sig og
kveikti á græjunni með þeim af-
leiðingum að allt innihald bland-
arans endaði uppi á eldhúsveggj-
unum hjá okkur … og svo fór þetta
að leka niður á gólf. Ég gleymi
seint skeifunni sem kom á litlu
monsuna þegar hann áttaði sig á
því hvað hann hefði gert … en af
því hann á svo þroskaða og vel inn-
réttaða móður þá setti hún upp
sparibros, tróð sér í bleika gúmmí-
hanska og byrjaði að þrífa (og svo
má ekki gleyma því að hún er mjög
heppin að hafa ekki runnið til í AB
mjólkinni og handleggsbrotnað).
En hvað gera konur þegar
þær týna snyrtibuddunni
sinni? Jú, þær fara inn í bað-
skápana og reyna að finna
eitthvað sem þær geta notað í
staðinn? Jú, jú, ég fann litað dag-
krem, serum og alls konar augn-
skugga og því var ekkert annað í
stöðunni en að klína þessu framan í
sig. Þegar ég var búin að setja
þetta á mig fannst mér ég alveg
vera í toppmálum. Á leiðinni í vinn-
una fór mér að hitna verulega í
kinnunum en ég lét það ekki á mig
fá og keyrði beinustu leið upp í Há-
degismóa. Þegar ég var komin í
vinnuna þurfti ég að fara á snyrt-
inguna eins og gengur og gerist
hjá fólki og álpaðist til að líta í
spegil.
Það var einmitt á því augnabliki
sem sjokkið kom. Serumið hafði
líklega ekki passað við litaða dag-
kremið og svo hafði ég bókstaflega
klínt þessu framan í mig (sem er
ekki vandað). Augnskugginn sem
ég bar á mig með gömlum augn-
skuggapensli hafði séð til þess að
augnskugginn var eiginlega allur
hruninn niður á kinnar. Ég var því
svolítið eins og sebrahestur með
glóðarauga.
Við tóku miklar æfingar við að
reyna að ná þessu af með vatni og
bréfþurrku – sem ég mæli ekkert
sérstaklega með. Þetta versnaði
eiginlega um helming með þeim
gjörningi.
Eftir vinnu fór ég beinustu leið
og keypti Primer, til að fylla upp í
hrukkurnar og léttan frúarfarða,
ferskjulitaðan kinnalit og brún-
brons vatnsheldan blýant sem þol-
ir allt … táraflóð, sundferðir og
allt þar á milli. Það
veitir víst ekki af því
ef martröð-
unum heldur
áfram að rigna
yfir mig. Amen.
martamaria@mbl.is
Ég keypti mér dásamlegt meik frá
By Terry sem fæst í Madison ilm-
húsi til þess að komast út úr húsi.
Martraðir
á færibandi
Maskari frá
Make Up Store.
Eitt af því fyrsta sem
ég keypti var ferskju-
litaður kinnalitur frá
Make Up Store.
Olivia Newton John var alltaf svo
vel máluð á áttunda áratugnum.
Útsölustaðir: Apótek og Heilsuverslanir um allt land.
Háralitir fyrir konur sem velja náttúrulegan
háralit og hárið glansar af heilbrigði
• Inniheldur ekki Paraben, algengasta innihaldsefni
sem veldur ofnæmisáhrifum í háralitun
• Hylur grá hár 100%
• 24 náttúrulegir háralitir
• Hárlýsingarlitur (strípuefni) plasthetta og
hárpinni innifalin
• Náttúrulegar jurtir sem gefa hárinu gljáa og mýkt
• Varanlegur háralitir sem helst fallegur í 3 mánuði
• Ofnæmisprófaður
• Íslenskar leiðbeiningar
Þú færð GO walk skó í
Skór.is, Kringlunni og Smáralind | Steinar Waage, Kringlunni og Smáralind | Intersport, Reykjavík | Dion, Glæsibæ
Skóhöllinni Firði, Hafnarfirði | Versl. Nína, Akranesi | Blómsturvellir, Hellisandi | Heimahornið, Stykkishólmi
Hafnarbúðin, Ísafirði | Skóhúsið, Akureyri | Skóbúð Húsavíkur, Húsavík | Sentrum, Egilstöðum | Lónið, Höfn í
Hornafirði | Skóbúð Selfoss, Selfossi | Axel Ó, Vestmanneyjum | Palóma, Grindavík | Skóbúðin, Keflavík