Morgunblaðið - 07.12.2013, Síða 50

50 ÍSLENDINGAR
MORGUNBLAÐIÐ LAUGARDAGUR 7. DESEMBER 2013
Stjórn og stjórnendur Sjómannadagsráðs Reykjavíkur ogHafnarfjarðar og Hrafnistuheimilanna halda litlu jólin sam-eiginleg fyrsta laugardaginn í desember. Nú hittist þannig á
að stjórnarformaðurinn Guðmundur Hallvarðsson, fyrrverandi al-
þingismaður, á jafnframt 71 árs afmæli í dag. „Það verður því tvö-
faldur fagnaður, afmælið og þessi árlegu litlu jól,“ segir hann. Bætir
við að hann hitti börn og barnabörn líka um helgina, þannig að
gleðin verði allsráðandi hjá sér og sínum.
Guðmundur segir að þegar hann var polli hafi honum þótt þetta
óheppilegur tími til þess að eiga afmæli, vildi heldur eiga það að
sumarlagi. „Ég spurði móður mína að þessu, hvernig í ósköpunum
stæði á þessu að ég ætti afmæli þegar væri eiginlega dimmasti dag-
urinn. Þá fékk ég þetta svar: „Þó desember sé dimmur þá dýrðleg á
hann jól.“ Þar með var málið útrætt.“
Oftar en ekki hefur Guðmundur haldið upp á afmælið úti á sjó,
sérstaklega á yngri árum. „Ég var fyrst að heiman þegar ég átti 14
ára afmæli,“ rifjar hann upp. „Ég var messagutti á Arnarfellinu og
á aðfangadag vorum við á Eskifirði eða Reyðarfirði. Messaguttinn
settist við borð með öðrum í áhöfninni en bæði brytinn og kokkurinn
sáu um þjónustuna. En auðvitað var það messaguttans að vaska upp
á eftir.“ steinthor@mbl.is
Guðmundur Hallvarðsson 71 árs
Afmælisbarnið Guðmundur var m.a. háseti á fiskiskipum, flutn-
ingaskipum og varðskipum og stýrimaður á vitaskipinu Árvakri.
Messaguttinn sér
um uppvaskið
Íslendingar Kjartan Gunnar Kjartansson, islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Sauðárkrókur Þórður Pálmar
fæddist 10. febrúar kl. 0.09. Hann
vó 3.645 g og var 52 cm langur.
Foreldrar hans eru Valbjörg Pálm-
arsdóttir og Birgir Örn Hreins-
son.
Nýr borgari
Þessar ungu dömur, Selma Nattsha
Guðmundsdóttir, Sonja Nattha Guð-
mundsdóttir og Vilborg Díana Jóns-
dóttir, héldu tombólu við verslun Hag-
kaups á Akureyri. Þær söfnuðu 6.000
kr. sem þær færðu Rauða krossinum.
Hlutavelta
J
órunn fæddist í Reykjavík
7.12. 1918 og ólst þar upp,
á Laufásvegi 35, þar sem
hún var búsett lengst af.
Jórunn lauk stúdentsprófi
frá MR 1937, nam píanóleik, fyrst
hjá móður sinni og Páli Ísólfssyni og
síðar hjá Árna Kristjánssyni, lauk
prófi frá Tónlistarskólanum í
Reykjavík sautján ára, stundaði nám
í fiðluleik hjá Þórarni Guðmunds-
syni, stundaði nám í píanóleik við
Tónlistarháskólann í Berlín 1937-39,
við Juilliard tónlistarháskólann í
New York með áherslu á tónsmíðar
1943-45 og var síðar í framhaldsnámi
í píanóleik í Vínarborg í tvo vetur.
Jórunn er í hópi virtustu og af-
kastamestu tónskálda þjóðarinnar.
Hún hefur auk þess oft komið fram
sem einleikari. Þá starfaði hún við
Söngskólann í Reykjavík í rúm tutt-
ugu ár.
Tónverk Jórunnar eru m.a. hljóm-
sveitarverk, kammerverk, kórverk,
einsöngslög, verk fyrir ballett, leik-
hús og kvikmynd. Hún hefur útsett
mörg þjóðlög en útsetningar hennar
á þulum eru brautryðjandaverk.
Ballettinn Eldur mun vera fyrsta ís-
Jórunn Viðar tónskáld – 95 ára
Morgunblaðið/Golli
Við píanóið Tónskáldið heima í stofu á Laufásvegi 35 þar sem hún ólst upp og átti heima þar til fyrir skemmstu.
Tónskáld af reykvískri
leikara- og tónlistarætt
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is