Morgunblaðið - 18.12.2013, Qupperneq 4

4 FRÉTTIRInnlent
MORGUNBLAÐIÐ MIÐVIKUDAGUR 18. DESEMBER 2013
Opið: Mán - Fim 11:00 - 18:00
Fös 10:00 - 18:30 & Lau 11:00 - 16:00
Hátíðarkörfur
Ostabúðarinnar
eftir þínu höfði
Við erum byrjuð að taka á móti
pöntunum í síma 562 2772,
ostabudin@ostabudin.is
og á ostabudin.is
Hringdu núna og pantaðu
Björn Jóhann Björnsson
bjb@mbl.is
„Þórhallur Ólafsson fyrir hönd
Neyðarlínunnar ohf. hefur fengið
heimild til skipulagsgerðar við
Laufafell vegna byggingar á vatns-
aflsvirkjun til reksturs fjarskipta-
stöðvar þeirra við Laufafell.“
Þannig er komist að orði í fund-
argerð Rangárþings ytra á síðasta
hreppsnefndarfundi þar sem erindi
Neyðarlínunnar var tekið fyrir og
samþykkt, með fyrirvara um sam-
þykki Skipulagsstofnunar og um-
sagnir landeigenda og fleiri aðila.
Í samtali við Morgunblaðið tek-
ur Þórhallur strax fram að ekki sé
um stóra virkjun að ræða, enda sé
vatnsaflsvirkjun ekki rétta orðið fyr-
ir þá litlu rafstöð sem til stendur að
setja upp við Laufafell. Neyðarlínan
er með samskonar áform við Bláfell
og hefur fengið heimild Bláskóga-
byggðar til að reisa litla vatnsafls-
stöð, eins og því er betur lýst.
„Við erum að hætta allri notkun
á dísilrafstöðvum til að knýja okkar
fjarskiptastöðvar áfram og það er í
anda okkar umhverfisstefnu,“ segir
Þórhallur, en að hans sögn er um lít-
il, færanleg mannvirki að ræða. Vatn
verður tekið úr læk við Laufafell og
leitt í rafstöðina sem mun framleiða
5kW fyrir fjarskiptamastrið.
„Við gerum þetta til að losna við
mengun og hávaða og flutning á olíu
um viðkvæm svæði,“ segir hann en
Neyðarlínan er einnig með áform
um að setja upp litlar vindmyllur og
sólarsellur á næsta ári til að knýja
fjarskiptakerfið. Þórhallur segir
þetta mun hagkvæmari kosti.
Neyðarlínan hyggst reisa
tvær vatnsaflsvirkjanir
Morgunblaðið/Júlíus
Neyðarlínan Frá stjórnstöð
Neyðarlínunnar í Skógarhlíð.
 Rafstöðvar fyr-
ir fjarskiptasenda
Rúnar Pálmason
runarp@mbl.is
Tíðarfarið tekur augljóslega alls ekk-
ert tillit til útsvarsgreiðenda í
Reykjavík.
Snjókoma og él, hríðarhraglandi
og tilheyrandi hláka þess á milli hafa
valdið því að borgin hefur á þessu ári
þurft að verja hátt í 500 milljónum til
snjómoksturs, tvöfalt hærri fjárhæð
en gert var ráð fyrir að moksturinn
myndi kosta. Í fyrra varð heildar-
kostnaður tæplega 600 milljónir en
gert var ráð fyrir 232 milljónum.
„Þetta er kostnaðarliður sem er mjög
erfitt að áætla,“ segir Guðjóna Björk
Sigurðardóttir, skrifstofustjóri á
þeirri skrifstofu borgarinnar sem sér
um rekstur og umhirðu borgarlands-
ins.
Í gær höfðu reikningar upp á 425
milljónir borist á skrifstofuna en
fleiri voru í pípunum. Frá því í sept-
ember hefur moksturinn kostað 120
milljónir.
Senda alla út aftur
Þegar snjóar sendir borgin af stað
níu snjóruðningstæki, ellefu drátt-
arvélar og allt að 30-40 gröfur eða
aðrar vinnuvélar. Verktakar sjá al-
farið um mokstur á götum en vél-
unum sem fara um göngu- og hjóla-
stíga og moka af bílastæðum
stofnana er ýmist stýrt af borgar-
starfsmönnum eða starfsmönnum
verktaka.
Götum og stígum er skipt upp eftir
forgangsflokkum og eru leiðirnar
rauðar, bláar, grænar og loks hvítar.
Mokstri á rauðum leiðum á að vera
lokið fyrir kl. sjö, á þeim grænu fyrir
klukkan átta, síðan er farið í grænu
leiðirnar og svo koll af kolli.
Þegar mikið snjóar er ekki víst að
hægt sé að moka nema einungis á
forgangsleiðum, segir Guðjóna.
Hægt er að sjá á Borgarvefsjánni
hvernig götur og stígar raðast í for-
gangsflokka.
Snjómoksturstækin eru öll búin
gps-sendum og því getur borgin
fylgst með hvernig moksturinn geng-
ur. Þessar upplýsingar eru einnig að-
gengilegar á Borgarvefsjánni fyrir
hluta borgarinnar en fljótlega verður
hægt að sjá hvernig mokstur gengur
fyrir sig í allri borginni.
Guðjóna segir að borgin hafi á síð-
ustu árum aukið áherslu á snjó-
mokstur. Með kaupum á sjö nýjum
dráttarvélum sem notaðar eru til að
moka göngu- og hjólastíga hafi verið
hægt að auka afköstin um 30%. Þá sé
lögð rík áhersla á að halda helstu
hjólaleiðum opnum, enda sé það
stefna borgarinnar að íbúar geti hjól-
að í vinnuna og heim aftur.
Starfsmenn borgarinnar leggja
mat á hvenær þörf er á mokstri. Oft
lendir borgin í því að vera nýbúin að
moka þegar aftur skella á él og senda
verður allan mannskapinn aftur út.
Aðspurð segir Guðjóna að borgin
hafi í vetur fengið góð viðbrögð frá
borgarbúum þótt hún fái að sjálf-
sögðu einnig ábendingar um eitthvað
sem betur má fara. „Við fögnum
ábendingum og reynum að bregðast
strax við þeim,“ segir hún.
Rauður, blár
og grænn ráða
ruðningsröðinni
 Fylgjast með á Borgarvefsjánni
 Leggja meiri áherslu á hjólaleiðir
Morgunblaðið/RAX
Útsvar Í fyrra varði borgin 600
milljónum í snjómokstur.
Gatan liggur (mis-)greið
» Vegagerðin sér um mokstur
á þjóðvegum á þéttbýli, t.d. á
Miklubraut, Kringlumýrar-
braut, Gullinbrú og Hallsvegi.
» Borgin sér um aðra vegi og
götur og alla göngu- og hjóla-
stíga.
» Rauðir stígar (forgangs-
stígar) eru 200 km, bláir stígar
eru 150 km og aðrir stígar 350
km.
Páll Magnússon útvarpsstjóri
sagði í bréfi til samstarfs-
manna í gær, þar sem hann til-
kynnti starfslok sín, að þrátt
fyrir illnauðsynlegar
niðurskurðaraðgerðir skilji
hann stoltur við Ríkisútvarpið.
„Samkvæmt öllum þeim
mælikvörðum sem við notum
til að meta stöðu RÚV hefur
hún sjaldan verið sterkari en
nú. Það gildir jafnt um al-
mennt viðhorf þjóðarinnar til
RÚV, traust á stofnuninni sam-
anborið við aðrar stofnanir
samfélagsins, traust á frétta-
stofu RÚV samanborið við aðra
fjölmiðla, vinsældir meðal
þjóðarinnar mældar í áhorfi og
hlustun og loks rekstr-
arstöðu félagsins,“
segir í bréfinu.
Ekki náðist
samband við Pál í
gær til að
spyrja nánar
um ástæður
starfsloka
hans.
Skilur stoltur
við RÚV
PÁLL MAGNÚSSON
Helgi Bjarnason
Una Sighvatsdóttir
Formaður stjórnar Ríkisútvarpsins
segir að í ákvörðun stjórnarinnar um
að auglýsa starf útvarpsstjóra laust
til umsóknar felist ekki vantraust á
núverandi útvarpsstjóra. Samkomu-
lag varð á milli formanns og Páls
Magnússonar útvarpsstjóra um að
hann léti af störfum í gær. Páll telur
sig ekki njóta nægilegs trausts í
stjórn Ríkisútvarpsins til að gegna
stöðunni áfram með árangursríkum
hætti á erfiðum tímum.
Ný lög um Ríkisútvarpið tóku gildi
í vor. Þar var meðal annars kveðið á
um að eftirleiðis skuli ráða í starf út-
varpsstjóra til fimm ára í senn. Til
þessa hefur ráðningin verið ótíma-
bundin.
Stjórn Ríkisútvarpsins hefði getað
ráðið Pál Magnússon til fimm ára.
„Stjórnin mat það svo, og það var af-
gerandi afstaða innan stjórnar, að
þetta væri ákvörðun af þeirri stærð-
argráðu að óhjákvæmilegt væri að
gera 5 ára ráðningarsamning að
loknu umsagnarferli,“ segir Ingvi
Hrafn Óskarsson, formaður stjórnar.
Formleg ákvörðun um auglýsingu
stöðunnar verður væntanlega tekin á
stjórnarfundi á morgun en Ingvi
gerði Páli grein fyrir henni í fyrradag.
Páll tilkynnti starfslok sín í gær.
„Stjórn lýsir ekki yfir neinu van-
trausti á Pál Magnússon. Slík afstaða
er ekki forsenda þeirrar ákvörðunar
að auglýsa stöðuna,“ segir Ingvi
Hrafn þegar hann er spurður að því
hvort Páll hafi notið trausts.
Varð að grípa til aðgerða
Ólga hefur verið í kringum Ríkis-
útvarpið að undanförnu eftir að
ákveðið var að segja upp fjölda starfs-
manna vegna minni fjárveitinga og
var framganga útvarpsstjóra við upp-
sagnirnar sérstaklega gagnrýnd. Í til-
kynningu stjórnarinnar í gær eru Páli
þökkuð vel unnin störf við erfiðar að-
stæður. Ekki fékkst uppgefið hverra
kjara útvarpsstjóri nýtur eftir starfs-
lok, samkvæmt ráðningarsamningi.
Illugi Gunnarsson menntamálaráð-
herra sagði í samtali við mbl sjónvarp
að ekki hefði verið nægt traust á milli
stjórnar og útvarpsstjóra og eðlilegt
að bregðast við því. Hann taldi niður-
stöðuna ekki áfellisdóm yfir útvarps-
stjóra eða gerðum hans en fyrst skort
hefði upp á traust hefði orðið að grípa
til aðgerða.
Á stjórnarfundinum á fimmtudag
verður ákveðið hvort settur verði út-
varpsstjóri tímabundið, þar til nýr
verður ráðinn. Framkvæmdastjórn
félagsins sinnir daglegri stjórn þang-
að til. Í tilkynningu stjórnarinnar er
tekið fram að vandað verði til verka
við ráðningarferlið: „Meginmarkmið-
ið okkar er að tryggja almenna og
breiða sátt um Ríkisútvarpið og
það er sameiginlegt verkefni
okkar að búa svo um hnúta að
hér sé rekið öflugt og metnað-
arfullt Ríkisútvarp sem við
getum öll verið stolt af.“
Morgunblaðið/Eggert
Mótmæli Gustað hefur um Ríkisútvarpið að undanförnu, meðal annars verið efnt til mótmæla við Útvarpshúsið.
Segja auglýsingu
ekki þýða vantraust
 Páll Magnússon taldi sig ekki njóta nægilegs trausts
Páll
Magnússon