Morgunblaðið - 18.12.2013, Side 11
Hárið vex aftur og ef ég
get hjálpað einhverju
barni sem hefur
ekkert hár, þá
vil ég það.
því þegar þessar fórnfúsu stelpur
fóru á hárgreiðslustofu til að láta
klippa hárið. Þær fengu líka að hitta
einstaklinga sem munu njóta góðs af
gjöfum þeirra.
Börn kenna náungakærleika
Móðir Ronju, Assa Cornelis-
dóttir, sem nemur skóiðnhönnun í
Hollandi, segir að hún hafi í fyrstu
verið efins þegar Ronja kom heim
með blað þar sem beðið var um sam-
þykki foreldris. „Mín fyrstu við-
brögð voru: „Nei, ekki láta klippa af
þér fallegu gullnu lokkana.“ En
Ronja mín var fljót að sannfæra mig
og hún útskýrði fyrir mér að hún
vildi svo gjarnan hjálpa öðrum og að
þetta væri ekkert mál af því hárið
hennar myndi vaxa aftur. Mér hlýn-
aði mjög um hjartarætur þegar hún
sagði þetta og sá hvað hún var stað-
föst. Auðvitað samþykkti ég. Ég er
afar stolt af henni. Hún er með gott
hjartalag og hún vill ávallt hjálpa
öðrum. Hún er algjör engill,“
segir Assa og bætir við að lítil
börn geti sannarlega kennt
okkur mikið um náungakær-
leik. „Ég er þakklát fyrir að eiga
dóttur með gullið hjarta, það mætti
vera meira um slíkt í nútímaþjóð-
félagi. Hún er góð fyrirmynd.“
Amma kemur með hangikjöt
Ronja er jólabarn, fædd á að-
fangadegi jóla og verður níu ára í
næstu viku. „Hún átti ekki að fæðast
fyrr en 28. desember, en hún tók sig
til og fæddist klukkan sjö, á kvöld-
matartíma á aðfangadegi. Þetta var
því fjörmikill aðfangadagur og
Ronja er sannarlega besti óvænti
jólapakki sem ég hef á ævinni feng-
ið,“ segir Assa og bætir við að þær
mæðgur muni nú í fyrsta sinn halda
jólin saman í Hollandi. „Hún hefur
alltaf farið heim til Íslands til að
halda upp á afmælið sitt með pabba
sínum, tveimur hálfbræðrum og öðr-
um íslenskum skyldmennum. Við
ætlum að halda í hefðina, halda af-
mælisveislu á afmælisdeginum í há-
deginu, þá verður afmæliskaka og
afmælispakkar, en svo höldum við
jólin klukkan sex þegar kirkjuklukk-
ur hringja og þá opnar hún jólapakk-
ana. Við höldum líka alltaf aðra af-
mælisveislu fyrir vini hennar í júní á
afmælisdegi mínum, þá eru allir
krakkar ennþá í skóla hér í Hollandi
og sumar og sól.“ Ronja segir að jól-
in séu svolítið öðruvísi í Hollandi en
á Íslandi. „Amma ætlar að koma
með hangikjöt frá Íslandi til okkar,
en ég er vön að borða rjúpur heima
hjá pabba á jólunum sem hann skýt-
ur sjálfur. Ég kem til Íslands á ann-
an í jólum og mamma kemur rétt
fyrir áramótin. Svo förum við aftur
til Hollands um miðjan janúar.“
Gjafmildar stelpur Allar saman með síðu lokkana sína við hárkollurekka, rétt fyrir klippingu. Nýklipptar Kátar stelpur sem glaðar gefa hárið sitt til hjálpar öðrum, Ronja lengst til vinstri.
Ronja stolt með
hárið sem klippt
var af henni.
DAGLEGT LÍF 11
MORGUNBLAÐIÐ MIÐVIKUDAGUR 18. DESEMBER 2013