Morgunblaðið - 18.12.2013, Síða 25
UMRÆÐAN 25
MORGUNBLAÐIÐ MIÐVIKUDAGUR 18. DESEMBER 2013
Ársalir ehf fasteignamiðlun
533 4200 og 892 0667
arsalir@arsalir.is
Engjateigi 5, 105 Rvk
Björgvin Björgvinsson, löggiltur fasteignasali
ÁRSALIR
FASTEIGNAMIÐLUN
533 4200
FASTEIGNASALA
FYRIRTÆKJASALA - LEIGUMIÐLUN
Vantar allar stærðir og gerðir eigna á skrá
.... Hafðu samband
Hugljúfar gjafir
Kimmidoll á Íslandi | Ármúla 38 | Sími 588 5011
Opið alla daga fram að jólum
NATUSKI „Courageous”
My spirit is confident
and resolute
Nú í svartasta
skammdeginu, þegar
myrkrið mæðir móður
jörð, er rétt að minna á
gamalt máltæki sem
segir: „Geta skal þess
sem vel er gert.“
Með því að gera það
er stuðlað að hvatningu
og ánægju í öllu starfi
og samskiptum manna,
meiri samhygð og
bjartsýni á framtíðina.
Þetta vita allir en því miður er
þessi háttur allt of sjaldan tíðkaður
í samfélaginu.
Sú neikvæða umfjöllun sem er
svo algeng hér á landi um menn og
málefni bæði í almennri umræðu
manna á milli og í fjölmiðlum er
niðurdrepandi.
Það er eins og ekkert sé frétt-
næmt nema slys, glæpir og aðrar
slæmar fréttir.
Það er eins og ekkert gott sé að
gerast neins staðar í þjóðfélaginu
sem er alrangt, því víða eru að
gerast góðir hlutir sem ekki er
minnst á.
Sem betur fer eru þó undantekn-
ingar frá þessu og langar mig að
nefna nokkra sem ég tel verðugt
að minna á því allt of sjaldan er
þess getið sem vel er gert.
Þar vil ég fyrst nefna Landann,
þáttinn hans Gísla Einarssonar hjá
RÚV. Þar leitar hann uppi alls-
konar staði og fólk um allt land,
sem er að gera ótrúlegustu hluti af
bjartsýni og dugnaði
sem athyglisvert er
að sjá og kynnast.
Einnig vil ég
minna á Ómar Ragn-
arsson og Stiklurnar
hans.
Og nú í svartasta
skammdeginu þegar
ég var að lesa minn-
ingargrein um látinn
vin þá varð mér
hugsað til þeirrar
sérstöðu að prent-
miðill skuli hafa gert
þetta í tæpa öld og
þá varð þessi vísa til.
Þegar myrkrið mæðir jörð
menn og skepnur líka
þá skal geta um góða gjörð
sem gaman er að flíka
Og það er aðaltilefni þessa pist-
ils, þessi einstaki þáttur í starfsemi
og útgáfu Morgunblaðsins.
Ég held að það sé algjört eins-
dæmi að prentmiðill, ekki aðeins
hér á landi heldur jafnvel um allan
heim, leggi til tvær til átta síður úr
blaði sínu á hverjum virkum degi
til að birta minningagreinar.
Á þessum síðum blaðsins er get-
ið helstu atriða úr ævi þessa látna
einstaklings. Einnig eru þar grein-
ar frá ættingja eða nánum vini um
atriði og annað sem þeir vilja segja
frá.
Þar getur hver sem er komið á
framfæri því sem hann langar til
að segja úr samskiptum hans og
þess látna og kynnum sínum af
honum.
Þetta gerir blaðið öllum að
kostnaðarlausu, þó svo að það
hljóti að vera nokkur kostnaður
fyrir blaðið í efni og vinnu við
þessa framkvæmd.
Að mínu mati er þetta mjög
virðingarvert og vert að geta, því
það er mörgum, ekki síst eldra
fólki, mikils virði að geta fylgst
með því þegar samferðamenn og
kunningjar eru að kveðja þessa til-
veru.
Ég er ekki að mæra Morgun-
blaðið með þessum pistli mínum,
aðeins að benda á að „geta skal
þess sem vel er gert“, því ýmislegt
gott má finna hjá flestum ef að er
gáð.
Að lokum tvær heilræðisvísur.
Eitt orð getur saklausan sárlega meitt.
Eitt orð getur einnig frá átökum sneitt.
Eitt orð getur einnig til illinda leitt.
Eitt orð getur verið svo öflugt og beitt.
Að gefa er athöfn sem öllum er fær.
Að gefa er athöfn er á sérhyggju slær.
Að gefa er athöfn er að hjartanu nær.
Að gefa er athöfn sem öllum er kær.
Athyglisverður þáttur
í útgáfu Morgunblaðsins
Eftir Hafstein
Sigurbjörnsson » Það er mörgum, ekkisíst eldra fólki, mik-
ils virði að geta fylgst
með því þegar sam-
ferðamenn og kunn-
ingjar eru að kveðja
þessa tilveru.
Hafsteinn
Sigurbjörnsson
Höfundur er eldri borgari.