Morgunblaðið - 27.12.2013, Blaðsíða 16

BAKSVIÐ
Rúnar Pálmason
runarp@mbl.is
Lyftingar, bæði kraftlyftingar og
ólympískar lyftingar, eru í mikilli
sókn um þessar mundir og sérstak-
lega vekur athygli hversu konur eru
orðnar margar í hópi iðkenda. Al-
mennur áhugi á heilsu og hreyfingu
og uppgangur cross-fit er nefnt sem
helstu skýringarnar. En mögulegar
skýringar eru fleiri.
Anna Hulda Ólafsdóttir, sem hef-
ur náð afar góðum árangri í ólymp-
ískum lyftingum, telur að viðhorf
samfélagsins til sterklegra kvenna
hafi breyst – það þyki ekki lengur
hallærislegt eða ljótt að konur séu
sterklegar og vöðvastæltar.
Konur um 30% iðkenda
Lyftingasambandið og Kraftlyft-
ingasambandið eru aðilar að Íþrótta-
og ólympíusambandi Íslands og
samkvæmt samantekt ÍSÍ fjölgaði
iðkendum mest í þessum sam-
böndum á milli áranna 2011 og 2012,
eða um 57% og 51%. Í Lyftinga-
sambandinu voru 459 skráðir iðk-
endur árið 2012 og í Kraftlyftinga-
sambandinu 939. Um 30% iðkenda
eru konur.
Fjölgunin hefur haldið áfram á
árinu 2013.
Innan Lyftingasambandsins er
keppt í ólympískum lyftingum og
keppnisgreinarnar eru tvær; snörun
og jafnhending.
Í cross-fit-líkamsþjálfun eru
stundaðar ólympískar lyftingar og
Lárus Páll Pálsson, formaður Lyft-
ingasambandsins, segir að mikill
áhugi á cross-fit eigi stóran þátt í
fjölgun þeirra sem stunda og keppa í
ólympískum lyftingum. Ólympískar
lyftingar krefjist liðleika og henti
konum því afar vel, því þær séu yfir-
leitt mun liðugri en karlar. Þá séu
lyftingarnar afar hollar fyrir konur
enda hafi verið sýnt fram á að með
lyftingum geti konur komið í veg fyr-
ir beinþynningu, sérstaklega ef þær
virkja allt stoðkerfið, líkt og ólymp-
ísku lyftingarnar geri.
Lagaði akkilesarhælinn
Það segir sína sögu um aukinn
áhuga á íþróttinni að á jólamóti Lyft-
ingasambandsins, sem var haldið í
CrossFit XY-stöðinni í Garðabæ,
tóku 50 manns þátt og er það eitt
fjölmennasta mót sem sambandið
hefur haldið. „Þetta er sport sem
menn vissu varla af fyrir nokkrum
árum,“ segir Lárus Páll.
Anna Hulda Ólafsdóttir var í
landsliðinu í áhaldafimleikum en
hætti að æfa fimleika þegar hún
byrjaði í menntaskóla. Hún hélt sér í
formi í ræktinni en byrjaði að æfa
cross-fit ári eftir að hún eignaðist
sitt fyrsta barn, dóttur, fyrir þremur
árum.
Fimleikaþjálfunin reyndist henni
vel í cross-fit og hún náði fljótt góð-
um árangri en hún fann fljótt að
ólympísku lyftingarnar voru hennar
akkilesarhæll. Hún fór því til besta
kennarans sem völ var á, Gísla Krist-
jánssonar, margfalds Íslandsmeist-
ara. Gísli er enn á toppnum, fertugur
að aldri, og hefur raunar skorað á
yngri keppendur að reyna að ná hon-
um áður en hann verður fimmtugur.
„Eftir það lagði ég meiri áherslu á
lyftingarnar og fann mig fljótt í
þeim. Þú þarft að vera liðugur,
sterkur, með góða samhæfingu og
mikla snerpu í ólympískum lyft-
ingum. Þetta eru þættir sem mér
finnst gaman að fínpússa. Þannig að
ég fór á fullt í þetta, eins og ég gat,
því ég er að gera margt annað,“ seg-
ir hún.
Þetta „annað“ er m.a. að ala upp
dóttur sína með unnusta sínum,
Gunnari Hilmarssyni, stunda dokt-
orsnám í iðnaðarverkfræði við Há-
skóla Íslands og kenna námskeið um
kvik kerfislíkön sem er á meistara-
stigi í verkfræði við HÍ.
Anna Hulda hefur undanfarin ár
verið ein öflugasta konan í ólymp-
ískum lyftingum hér á landi. Hún
segir að samkeppnin sé hörð og hún
þurfi að halda sig við efnið, ætli hún
ekki að missa aðrar konur fram úr
sér.
Hún telur að ástæðan fyrir fjölgun
kvenna í lyftingum almennt tengist
því að hér á landi sé jákvætt viðhorf í
garð sterkra og stæltra kvenna. Við-
horfið hafi breyst frá því hún útskrif-
aðist úr menntaskóla árið 2005. „Þá
áttu stelpur bara að vera rosalega
grannar og sumum finnst það ennþá.
Ég man líka að þegar ég fermdist
vildi ég ekki vera í ermalausu því
mér fannst handleggirnir of stæltir.
Í dag er ég stolt af þessu,“ segir hún.
Átti sterka móður
Anna Hulda segir mikilvægt að
stúlkur sem vilji stunda lyftingar og
verða stæltar hafi fyrirmyndir í sam-
félaginu. Í hennar tilviki hafi móðir
hennar, Guðrún Þórsdóttir, skóla-
stjóri Vinnuskóla Reykjavíkur, sem
lést árið 2010, haft mestu áhrifin.
„Hún var rosalega sterk kona.
Hún hjólaði í vinnuna, úr Breiðholti
og niður í bæ, á hverjum einasta
degi, fór í sjósund allan ársins hring
og var ekkert að hlífa sjálfri sér.
Þetta hafði áhrif á mig,“ segir Anna
Hulda.
Eftir andlát hennar hafi hún
ákveðið láta ekki það sem hana lang-
ar að gera bíða betri tíma. Hluti af
þessu viðhorfi felist í að keppa, alveg
sama þótt hún sé e.t.v. ekki í sínu
besta formi. „Ég ákvað að ég skyldi
kýla á það,“ segir hún.
Og það hefur hún líka gert.
Sterkum fyrirmyndum fjölgar
 Kraftlyftingar og ólympískar lyftingar í mikilli sókn  Iðkendum hefur fjölgað mikið á milli ára
 Telur að viðhorf til sterkra og stæltra kvenna hafi breyst  Konum fjölgar í kraftagreinum
Lárus Páll
Pálsson
Anna Hulda
Ólafsdóttir
Vagnhöfða 11 - 110 Reykjavík - 577 5177 - www.ofnasmidja.is
Vandaðir og vottaðir ofnar
Ofnasmiðja Reykjavíkur
sendir landsmönnum
öllum sínar bestu jóla-
og nýárskveðjur.
Þökkum viðskiptin
á liðnu ári.
16 FRÉTTIRInnlent
MORGUNBLAÐIÐ FÖSTUDAGUR 27. DESEMBER 2013
Perlan • Sími 562 0200 • Fax 56
2 0207 • perlan@perlan.is • ww
w.perlan.is
Gjafabréf
Perlunnar
Góð gjöf við öll
tækifæri
Jólahladbord
í Perlunni
Velkomin á
Fjórir söngvarar ættaðir úr Skaga-
firði heiðra minningu þriggja lát-
inna tónskálda úr firðinum í menn-
ingarhúsinu Miðgarði í Varmahlíð
annað kvöld, laugardagskvöld.
Söngskemmtunin hefst kl. 21.
Það eru þau Ásgeir Eiríksson,
Helga Rós Indriðadóttir, Margrét
S. Stefánsdóttir og Sigurjón Jó-
hannesson sem koma fram ásamt
Gróu Hreinsdóttur píanóleikara og
kalla skemmtunina Þú sem eldinn
átt í hjarta. Flutt verða lög eftir Ey-
þór Stefánsson, Jón Björnsson og
Pétur Sigurðsson.
Lögin á efnisskránni eru við
texta eftir ýmsa kunna höfunda:
Jón Björnsson, Davíð Stefánsson
frá Fagraskógi, Jóhannes úr Kötl-
um, Helga Sæmundsson, Pétur Sig-
urðsson, Friðrik Hansen, Eyþór
Stefánsson, Helga Konráðsson,
Huldu og Jakob Jóhannesson
Smára.
Þú sem eldinn átt
í hjarta í Miðgarði
Sungið og spilað Margrét S. Stef-
ánsdóttir, Ásgeir Eiríksson, Sigurjón
Jóhannesson og Helga Rós Indriða-
dóttir ásamt Gróu Hreinsdóttur.