Morgunblaðið - 27.12.2013, Blaðsíða 20

Setur Teikning af gistiheimilinu sem fyrirhugað er að rísi á Skógum.
 Eigendur Reykjavik Backpackers stefna á opnun nýs hót-
els á Skógum  Vetrarferðamennska sterkari en hún var
Veturinn orðinn væn-
legri fyrir ferðaþjónustu
Morgunblaðið/Rósa Braga
Praktískir „Aukin áhersla lággjaldaflugfélaga á ferðir til Íslands hefur bætt aðgengið fyrir sparsama ferðamenn
sem eru einmitt að leita að þessari tegund gistingar,“ segir Björk um markaðinn fyrir farfuglaheimili.
Ásgeir Ingvarsson
ai@mbl.is
Það var árið 2009, í miðri kreppu, að
hópur ungra vina tók sig til og opn-
aði lítið farfuglaheimili á miðjum
Laugaveginum. Reykjavik Back-
packers sló fljótlega í gegn og er
smám saman að verða að litlu ferða-
þjónustuveldi, með útibú á Akureyri
og nýtt hótel á Skógum á teikniborð-
inu.
Björk Kristjánsdóttir er fram-
kvæmdastjóri Reykjavík Backpack-
ers og segir frá því hvernig, í hálf-
gerðu bríaríi, það gerðist að ein hæð
á Laugavegi 28 – beint á móti
Brynju – varð að gistiheimili sem
loks tók yfir allt húsið. „Við fórum þá
leið að gera sjálf allt það sem við gát-
um, og munduðum hér hamra og
pensla eins og fagmenn. Fljótlega
eftir að hafa opnað gistirými á efri
hæðum hússins losnaði allt rýmið í
húsinu svo við opnuðum á jarðhæð-
inni upplýsingamiðstöð fyrir ferða-
menn og bar. Nú í ár var svo haldið
áfram þegar við endurinnréttuðum
barinn okkar, sem heitir nú Bunk
bar, og opnuðum veitingastaðinn
Cava í kjallara hússins,“ útskýrir
Björk.
Að sögn Bjarkar var greinilega
gat á markaðinum þegar Reykjavik
Backpackers bættist við flóruna. Þá
voru aðeins tvö önnur farfuglaheim-
ili í Reykjavík en síðan þá hafa fleiri
bæst við. „Erfitt er að segja til um
hvort markaðurinn sé að mettast.
Aukin áhersla lággjaldaflugfélaga á
ferðir til Íslands hefur bætt aðgeng-
ið fyrir sparsama ferðamenn sem
eru einmitt að leita að þessari teg-
und gistingar.“
Árið 2012 var opnað annað Back-
packers-gistiheimili á Íslandi, á Ak-
ureyri. „Þar var farin svipuð leið og
við opnun Reykjavík Backpackers
en við gerðum þar upp friðað hús í
Hafnarstræti og opnuðum farfugla-
heimili, bar og veitingastað.“
Ferðamannamiðstöð á Skógum
Ásamt Björk eru það Torfi G.
Yngvason, Jón Heiðar Andrésson,
Halldór Hafsteinsson og Davíð Más-
son sem standa að félaginu sem á og
rekur Reykjavik Backpackers. Enn
heldur fyrirtækið áfram að vaxa og
er nýjasta verkefnið jafnframt það
stærsta: bygging nýs farfuglaheim-
ilis á Skógum.
„Í samstarfi við Hilmar Þór Krist-
insson höfum við sótt um lóð til að
byggja miðstöð fyrir ferðamenn á
þessum fjölsótta stað,“ segir Björk.
„Straumur ferðamanna liggur í
miklum og auknum mæli á Suður-
land og við gerum ráð fyrir að starf-
semi sem þessi geti verið mikil lyfti-
stöng fyrir svæðið. Skógar eru
virkilega fallegur viðkomustaður og
munum við passa upp á að haga
starfseminni og yfirbyggingu þannig
að svæðið geti notið sín sem best.
Við bárum upp hugmynd við for-
svarsmenn Rangárþings eystra, sem
mjög vel var tekið í, og nú er unnið
að uppfærslu á skipulagi svæðisins.
Á svona stað er ákaflega mikilvægt
að bjóða upp á þjónustu við alla
ferðamenn sem á svæðið koma og út
á það gengur okkar hugmynd.“
Það er af sem áður var að íslensk
hótel standi meira og minna auð yfir
háveturinn. Ekki þarf að leita langt
aftur til að finna tímabil þar sem
margir gististaðir í Reykjavík voru
hreinlega lokaðir á jólum því gestir
voru of fáir. Björk segir aðsókn
ferðamanna hafa tekið miklum
breytingum og vetrarferðamennska
styrkist með hverju árinu. Þessi jól-
in er t.d. fjöldi gesta á Reykjavik
Backpackers. „Í takt við fjölgun
ferðamanna hafa þjónustufyrirtækin
tekið við sér. Hér áður fyrr var þjón-
usta takmörkuð á þessum tíma og
framboð afþreyingar yfir hátíðarnar
lítið. Í dag er fjöldi verslana og veit-
ingastaða opinn í kringum hátíðirnar
og margt um að vera fyrir erlenda
gesti. Veturinn almennt er orðinn
mun vænlegri fyrir ferðaþjónustuna,
menningarviðburðir á borð við Ice-
land Airwaves laða gesti til landsins
og æ fleiri leggja leið sína hingað til
að berja norðurljósin augum.“
Viðskipti | Atvinnulíf
MORGUNBLAÐIÐ FÖSTUDAGUR 27. DESEMBER 2013
Munið að
slökkva á
kertunum
Slökkvilið
höfuborgasvæðisins
Staðsetjið kerti ekki
nálægt opnum
glugga þar sem
vindur getur sveiflað
gluggatjöldum
í kertalogann
Reykjavik Backpackers getur hýst
96 gesti í 20 herbergjum. Velja má
um einstaklings- og paraherbergi
eða deila stóru sameiginlegu
svefnrými með ókunnugum. Björk
segir marga ferðalanga einmitt
sækja í farfugaheimili ekki aðeins
vegna lágs verðs heldur vegna
tækifærisins til að kynnast nýju
fólki og eignast nýja vini á ferða-
lögum sínum.
En er ekki erfitt að halda góðri
stjórn á gestunum þegar ungu og
ævintýragjörnu fólki er safnað
saman undir einu þaki, jafnvel
mörgum saman inni í einu og sama
herberginu? Eru ekki bakpoka-
ferðalangar uppátækjasöm ólík-
indatól og núningur á milli gesta?
„Ég hef starfað í ferðaþjónustu-
geiranum um langt skeið, m.a.
sem leiðsögumaður, og ég er ekki
frá því að bakpokaferðalangar séu
rjóminn af ferðamönnum,“ segir
Björk. „Ferðamenn sem gista á far-
fuglaheimilum eru oftast víðsýnir,
opnir fyrir því að kynnast öðru
fólki og reyna nýja hluti. Þess
vegna gengur fyrirkomulagið vel
upp.“
Víðsýnir og opnir gestir
„BAKPOKAFERÐALANGAR RJÓMINN AF FERÐAMÖNNUM“