Morgunblaðið - 30.12.2013, Blaðsíða 30

30 ÍSLENDINGAR
MORGUNBLAÐIÐ MÁNUDAGUR 30. DESEMBER 2013
Milli jóla og nýárs er jafnan rólegt yfir öllu og því hef ég oft-ast leyft mér að vera í fríi á afmælisdeginum. Nota þátækifærið til þess að fara í gönguferðir, vera með fjöl-
skyldunni og lesa bækur,“ segir Bjarni Brynjólfsson, upplýs-
ingastjóri Reykjavíkurborgar og ritstjóri Veiðimannsins, sem er
fimmtugur í dag.
Bjarni er Ísfirðingur að uppruna en fór að vestan um tvítugt til
háskólanáms. Var nokkur ár í Bretlandi þar sem hann las fjölmiðla-
fræði. Að námi loknu sneri hann heim og starfaði lengi hjá Fróða,
þar af í tíu ár sem ritstjóri Séð og heyrt en útgáfa þess blaðs hófst
árið 1996. Má segja að þar hafi verið sleginn nýr tónn í íslenskri
blaðamennsku. „Starfið hjá borginni sl. þrjú ár hefur einnig verið
afar lærdómsríkt. Í Ráðhúsinu sér maður veruleikann frá nýrri hlið,
t.d. hvað borgarkerfið er vel skipulagt og hvað hlutirnir ganga
greitt fyrir sig hjá þessu stærsta þjónustufyrirtæki landsins,“ segir
Bjarni sem hefur verið ritstjóri ýmissa tímarita á sínum starfsferli.
Síðan í barnæsku hefur Bjarni verið kappsamur veiðimaður og
rennir á hverju sumri fyrir laxfiska í Hrútu, Laxá í Aðaldal og víðar.
„Svo eigum við fjölskyldan, sem ættuð er frá Vigur í Ísafjarðar-
djúpi, sumarhús þar í eynni sem við köllum Pukru. Reynum alltaf að
vera þar svo sem eina viku á sumri,“ segir Bjarni sem er kvæntur
Ingibjörgu Önnu Arnarsdóttur og eiga þau tvær dætur. sbs@mbl.is
Bjarni Brynjólfsson er 50 ára í dag
Morgunblaðið/Sigurður Bogi
Fimmtugur „Starfið hjá borginni sl. þrjú ár hefur verið afar lær-
dómsríkt,“ segir Bjarni Brynjólfsson, upplýsingastjóri borgarinnar.
Veiðimaðurinn frá
Vigur í Ráðhúsinu
Íslendingar Kjartan Gunnar Kjartansson, islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
80 ára Guðmundur fæddist á Hörgslandi á Síðu í Vestur-
Skaftafellssýslu 30.12. 1933.
Starfsferill: Guðmundur tók rúmlega tvítugur við búrekstr-
inum á Hörgslandi I af afa sínum, Einari Pálssyni, f. 1880, en
Pála, móðir hans, sinnti lengst af verslunarstörfum í útibúi
Verslunarfélags Vestur-Skaftfellinga á staðnum ásamt Má
bróður hans.
Guðmundur og kona hans, Fanney, voru síðan búsett á
Hörgslandi I en brugðu búskap haustið 1969 og fluttu til Hafnarfjarðar þar sem
þau hafa búið síðan.
Guðmundur var fyrstu árin vörubílstjóri hjá útgerðar- og fiskvinnslufyrirtæki á
Langeyri í Hafnarfirði en árið 1975 hóf hann störf hjá Ísal í Straumsvík og starfaði
þar til 30.12. 2003 er hann varð sjötugur.
Maki: Guðmundur kvæntist 30.12. 1958 Fanneyju Óskarsdóttur, f. 2.3. 1938, og
eiga þau því 55 ára brúðkaupsafmæli í dag.
Börn Guðmundar og Fanneyjar: Einar Páll, f. 1958; Óskar Hrafn, f. 1959; Björgvin
Smári, f. 1962; Sigrún Birgitta, f. 1963; Elín Þuríður, f. 1965; Guðmundur Finnur, f.
1969, og Klara Guðrún, f. 1972. Fyrir átti Fanney Sigurð Pétur Sigmundsson, f.
1957, sem Guðmundur gekk í föðurstað. Barnabörn Guðmundar og Fanneyjar eru
26 og barnabörnin eru orðin 11 talsins.
Foreldrar: Pála Katrín Einarsdóttir, f. 26.11. 1909, d. 4.6. 2000, og Björgvin Páls-
son, f. 1.4. 1908, d. 3.4. 1942.
Afmæli
Guðmundur Björgvinsson
P
áll Magnús fæddist í Hve-
ratúni í Laugarási og ólst
þar upp á garðyrkjubýli
foreldra sinna. Hann var
í Reykholtsskóla, stund-
aði nám við Menntaskólann að Laug-
arvatni og lauk þaðan stúdentsprófi
1974.
Páll kenndi við Lýðháskólann í
Skálholti í einn vetur eftir stúdents-
próf, en stundaði síðan nám í ensku
og uppeldisfræði við HÍ og lauk það-
an BA-prófi 1979. Hann kenndi við
Reykholtsskóla 1979-86 og við ML
frá 1986, þar sem hann var líka náms-
ráðgjafi og hefur verið aðstoð-
arskólameistari frá 1999.
Páll sat í sveitastjórn Biskups-
tungnahrepps á árunum 1994-99. Þar
vann hann ekki síst að hreppasamein-
ingum í uppsveitum Árnessýslu: „Það
voru tveir framboðslistar sem komu
að sveitarstjórninni á þessum árum
og í raun tókst ágætissamvinna um
úttekt og kynningu á þeim samein-
ingarkostum sem þá lágu fyrir. Ég
Páll Magnús Skúlason aðstoðarskólameistari ML – 60 ára
Fjölskyldan Páll Magnús og Dröfn, ásamt börnunum tengdabörnum og barnabörnunum.
Kennari úr Laugarási
Hjónin Páll Magnús og Dröfn láta fara vel um sig á kaffihúsi í París.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.isVatnagörðum 12 - 104 Reykjavík - Sími: 588 5151 - Fax: 588 5152 - glerslipun.is
Glerslípun & Speglagerð ehf.
Speglar Flotgler Öryggisgler Hert gler Bílspeglar Sandblástur
Álprófílar Máltöku- og uppsetningaþjónusta
Sjáðu sjálfan þig
í nýju ljósi
Við leggjum metnað okkar
í að bjóða sérhæfðar og
vandaðar lausnir á
baðherbergi. Við bjóðum
upp á sérsmíðaða spegla,
sturtuklefa og sturtuskilrúm.
Þá erum við komnir með
nýja útgáfu af ljósaspeglunum
okkar vinsælu.
Á nýrri heimasíðu okkar
glerslipun.is er gott yfirlit yfir
það sem er í boði. Auk þess
bjóðum við alla velkomna
í Vatnagarða 12 þar sem
fagfólk veitir góða þjónustu
og allar þær upplýsingar sem
þarf.