Morgunblaðið - 06.01.2014, Síða 15

FRÉTTIR 15Viðskipti | Atvinnulif
MORGUNBLAÐIÐ MÁNUDAGUR 6. JANÚAR 2014
Útsalan er hafin
v/Laugalæk • sími 553 3755
V M - F É L A G V É L S T J Ó R A O G M Á L M T Æ K N I M A N N A
STÓRHÖFÐA 25 - 110 REYKJAVÍK - 575 9800 - WWW.VM.IS
Nánari upplýsingar á heimasíðu VM, www.vm.is.
Kynningarfundir vegna nýgerðs
kjarasamnings á almennum vinnumarkaði
verða haldnir á eftirtöldum stöðum:
REYKJAVÍK
Fimmtudaginn 9. janúar kl. 20:00
að Stórhöfða 25 - 3. hæð
Fundurinn verður sendur út
gegnum fjarfundarbúnað.
Þeir sem vilja fylgjast með
fundinum sendi beiðni þar um
ásamt símanúmeri á gudnig@
vm.is. Hægt verður að senda
inn fyrirspurnir á gudnig@vm.is
á meðan fundi stendur.
AKUREYRI
Mánudagur 13. janúar kl: 20:00
að Skipagötu 14, 5. hæð
SELFOSS
Þriðjudaginn 14. janúar kl. 20:00
að Hótel Selfoss
FÉLAGSFUNDIR VM
Framvirkir samningar með gull
með afhendingartíma í febrúar
hækkuðu um 2% á markaðinum í
New York í liðinni viku. Á föstu-
dag bætti gullið við sig um 1,1% og
endaði únsan í 1.238,60 dölum.
MarketWatch leitaði álits ým-
issa markaðssérfræðinga á þróun
gullverðs og höfðu þeir sumir m.a.
á orði að fjárfestar væru mögulega
efins um að hlutabréfamarkaður-
inn mundi halda áfram á jafnkröf-
tugri siglingu og hann hefur verið.
Eins og Morgunblaðið hefur
greint frá var mikil hækkun á
bandaríska hlutabréfamarkaðinum
árið 2013 en gull veiktist töluvert á
sama tíma. Þá eiga almennir kaup-
endur, sér í lagi á Kínamarkaði, að
hafa sætt lago í ljósi verðlækkana
og keypt gull í föstu formi sem
einnig hjálpar til að hækka heims-
markaðsverð. ai@mbl.is
AFP
Sveiflur Eftir mikla lækkun árið 2013 hækkaði gullúnsan í vikunni sem leið.
Gullgrafari í Kólumbíu tekur sér stundarhvíld frá streðinu í námunum.
Gull byrjar árið vel
Kanadíski snjallsímaframleiðandinn
BlackBerry hefur lagt fram kæru
fyrir dómstóli í San Francisco þar
sem tæknifyrirtækið Typo Products
er sakað um brot á einkaleyfum og
höfundarvarinni hönnun í eigu kær-
anda. Typo Products var stofnað af
sjónvarps- og útvarpsstjörnunni
Ryan Seacrest, sem þekktastur er
fyrir að stjórna hæfileikakeppninni
vinsælu American Idol.
Deilt um hulstur
Typo hyggst selja allsérstakt
hulstur utan um iPhone-snjallsím-
ann frá Apple, og er það þetta
hulstur sem BlackBerry segir að
byggist á stolinni hönnun. Hulstrið
hefur að geyma agnarsmátt lykla-
borð sem þykir svipa töluvert til
smályklaborðanna sem einkenna
marga síma frá BlackBerry, s.s.
Q10-símann sem kom á markað í
fyrra.
Talsmaður Typo tjáði Bloomberg
að fyrirtækið teldi ásakanir Black-
Berry ekki eiga við rök að styðjast
og að Typo myndi halda uppi vörn-
um af fullum krafti.
Eins og Morgunblaðið hefur áður
greint frá hafa síðustu ár ekki
gengið svo vel hjá BlackBerry, sem
áður hét Research In Motion. Hafa
snjallsímar frá framleiðendum á
borð við Apple og símar sem keyra
á Android-stýrikerfinu saxað mjög
á markaðshlutdeild BlackBerry,
sem á sínum tíma var leiðandi
framleiðandi en seldi aðeins 1,7% af
snjallsímum á heimsvísu á síðasta
ári.
ai@mbl.is
BlackBerry höfðar mál
á hendur Ryan Seacrest
 Saka fyrirtækið Typo Products, sem Seacrest stofnaði, um að
hafa stolið hönnuninni á nýstárlegu iPhone-hulstri með lyklaborði
EPA
Deilur Höuðstöðvar BlackBerry. Þeim þykir á sér brotið með hönnun Typo Products.
Ryan Seacrest
Eins? Hulstrið sem
um er deilt bætir
litlu lyklaborði við
snjallsíma Apple.
Taívanski snallsímaframleiðandinn
HTC var rekinn með tapi á síðasta árs-
fjórðungi, að því er fram kemur í nýút-
gefnu ársfjórðungsuppgjöri. Er þetta
annar fjórðungurinn í röð sem HTC
skilar tapi.
Bloomberg greinir frá að fyrirtækið
hafi tapað 1,56 milljörðum taívanskra
dollara á fjórðunginum, jafnvirði um 6
milljarða króna eða 52 milljóna dala.
Þrátt fyrir tapreksturin var frammi-
staða HTC nokkuð umfram væntingar
markaðsgreinenda sem höfðu, skv.
könnun Bloomberg, reiknað með tapi
upp á 1,72 milljarða Taívandollara.
Sala á símtækjum HTC hefur geng-
ið brösuglega upp á síðkastið og mark-
aðslutdeild fyrirtækisins farið minnk-
andi í níu fjórðunga samfleytt. Dugði
það ekki til að snúa þróuninni við þeg-
ar HTC gerði nýlega hollywood-
stjörnuna Robert Downey Jr. að tals-
manni sínum og gerði stóran
sölusamning við kínverskt farsíma-
fyrirtæki.
Sölutekjur HTC námu 42,9 millj-
örðum Taívandollara á liðnum fjórð-
ungi en 43 milljörðum á fjórðunginum
þar á undan.
ai@mbl.is
HTC áfram rekið með tapi
EPA
Barátta Höfuðstöðvar HTC í Taí-
peí. Reksturinn gengur brösuglega.