Morgunblaðið - 06.01.2014, Qupperneq 16

16 FRÉTTIRErlent
MORGUNBLAÐIÐ MÁNUDAGUR 6. JANÚAR 2014
CRONUT
Opnunartími Dalvegi:
Mánudaga til föstudaga frá 6:00 til 18:00
laugardaga frá 6:00 til 17:00
sunnudaga frá 7:00 til 17:00
Frá Bandaríkjunum til Evrópu og nú
hjá Reyni Bakara í Kópavoginum!
CRONUT er snilldar blanda af Crossant og Donut.
Nýbakaður og fylltur með vanillufyllingu
Dalvegi 4 - 201 Kópavogur
Hamraborg 14 - 200 Kópavogur
Sími: 564 4700
Yfir 30.000 afrískir hælisleitendur, sem komu
ólöglega til Ísraels um Egyptaland, mótmæltu í
Tel Aviv í gær þeirri afstöðu þarlendra stjórn-
valda að veita þeim ekki stöðu flóttamanna. Þá
kölluðu þeir eftir því að lög, sem heimila að ólög-
legum innflytjendum sé haldið í allt að ár án rétt-
arhalda, væru felld úr gildi. Hinn strangtrúaði
þingmaður Eli Yishai, fyrrverandi innanrík-
isráðherra Ísrael, fordæmdi mótmælin og sagði
þau til marks um að ísraelsk yfirvöld þyrftu að
grípa til allra ráða til að koma aðkomufólkinu aft-
ur til síns heima.
Afrískir hælisleitendur mótmæltu í Tel Aviv
AFP
Hólmfríður Gísladóttir
holmfridur@mbl.is
„Íraskar hersveitir undirbúa meiri-
háttar árás í Fallujah,“ sagði hátt-
settur íraskur embættismaður í
samtali við fréttastofu AFP í gær en
borgin féll í hendur uppreisnar-
mönnum tengdum Al Kaída-hryðju-
verkasamtökunum á laugardag.
Liðsmenn uppreisnarsamtakanna
Islamic State of Iraq and the Levant,
ISIL, hafa jafnframt tekið yfir hluta
Ramadi, höfuðborgar Anbar-fylkis,
en þetta er í fyrsta sinn sem upp-
reisnarmenn ná völdum í stórborg-
um Írak frá því í átökunum sem
brutust út þegar Bandaríkjamenn
réðust inn í landið 2003.
Embættismaðurinn sagði að her-
sveitir Íraksstjórnar hefðu tekið sér
stöðu á borgarjaðri Fallujah og
myndu ráðast til atlögu gegn hryðju-
verkamönnunum eftir að almennir
borgarar hefðu fengið tækifæri til að
leita skjóls. John Kerry, utanríkis-
ráðherra Bandaríkjanna, sagði að
Bandaríkin myndu styðja Íraksher í
baráttu sinni en það kæmi ekki til
greina að senda bandaríska her-
menn til aðstoðar. Hann sagði
stjórnvöld í Washington afar ugg-
andi yfir stöðu mála.
Íraski hershöfðinginn Ali Ghaidan
Majeed sagði í samtali við AFP að
hersveitir hans hefðu drepið ellefu
uppreisnarmenn frá Afganistan og
ýmsum arabaríkjum á þjóðveginum
milli Fallujah og Bagdad. Hann við-
urkenndi að hermálayfirvöld hefðu
ekki skýra sýn á stöðu mála í borg-
inni en sagði að íbúar ætti að búa sig
undir það sem væri í vændum, og
vísaði þar til yfirvofandi árásar.
Alls létu 160 manns lífið í átökum í
Anbar á föstudag og laugardag og er
þetta mesta mannfall í fylkinu í mörg
ár. Það reyndist Bandaríkjamönnum
erfiður vígvöllur eftir innrásina 2003
en nærri þriðjungur bandarískra
hermanna sem létust í Írak féll í An-
bar.
Bardagar brutust út í nágrenni
Ramadi 30. desember síðastliðinn,
þegar öryggissveitir hugðust tæma
mótmælabúðir súnní-araba. Átökin
breiddust út til Fallujah og þegar
sveitirnar neyddust til að hörfa úr
borgunum tveimur tóku uppreisnar-
menn þar völdin.
Uppreisnarmenn ná völdum
 Íraski herinn undirbjó árás gegn uppreisnarmönnum í Fallujah í gær  Náðu
Fallujah og hluta Ramadi á sitt vald á laugardag  Bandaríkjamenn veita aðstoð
Ekkert lát varð á
átökum í Suður-
Súdan yfir helgina
en þá funduðu
samninganefndir
stjórnvalda og
uppreisnarmanna
í Addis Ababa í
Eþíópíu. Til stóð
að hefja formlegar
vopnahlésviðræður í gær en þrátt
fyrir fund Tabans Dengs, leiðtoga
samninganefndar uppreisnarmanna,
og Nhials Dengs Nhials, leiðtoga
samninganefndar stjórnvalda, ríkti
biðstaða í málinu fram eftir degi.
Upplýsingamálaráðherra Suður-
Súdans, Michael Makuei, sagði í gær
að beðið væri eftir viðræðuramma frá
Þróunarsamvinnustofnun Austur-
Afríku, IGAD, en það sem stóð í vegi
viðræðnanna var m.a. sú krafa upp-
reisnarmanna og alþjóðasamfélags-
ins að stjórnvöld slepptu ellefu sam-
starfsmönnum uppreisnarleiðtogans
Rieks Machars úr haldi.
Formlegar
viðræður
tefjast
Taban Deng
Um 62% Spán-
verja vilja að Ju-
an Carlos Spán-
arkonungur segi
af sér og rétt tæp-
lega helmingur
segist styðja kon-
ungsveldið, sam-
kvæmt nýrri
skoðanakönnun
sem birt var í gær. 66% sögðust já-
kvæðir í garð krónprinsins, Felipe,
og 56% sögðust hafa trú á því að
hann gæti bætt ímynd konungsfjöl-
skyldunnar, sem þykir hafa beðið
hnekki, m.a. vegna kostnaðarsamrar
veiðiferðar sem Juan Carlos fór til
Botswana árið 2012, á sama tíma og
efnahagur Spánar var í rúst. Kon-
ungurinn hefur átt við heilsufars-
vanda að stríða en talsmenn hans
hafa neitað því að hann hafi íhugað
að segja af sér.
Vilja afsögn
konungsins
Juan Carlos
Indverjum tókst í gær í fyrsta sinn
að skjóta á loft innlendri lág-
hitaknúinni eldflaug og koma
tveggja tonna fjarskiptahnetti á
sporbraut í um 36 þúsund kíló-
metra fjarlægð frá jörðinni. Dr. K.
Radhakrishnan, formaður ind-
versku geimrannsóknastofnunar-
innar, sagði starfsmenn stofnunar-
innar hafa lagt hjarta og sál í að
undirbúa þessa stóru stund en Ind-
land er nú komið í hóp örfárra ríkja
sem ráða yfir tækninni til að senda
þyngri gervihnetti út í geim.
Lághitaeldflaugar eru knúnar
með ofur-kældu fljótandi eldsneyti
en það hefur tekið inverska vís-
indamenn fjölda ára að þróa lág-
hitavélar, eftir
að tilraunir Ind-
verja til að flytja
tæknina inn frá
Rússlandi 1992
fóru út um þúfur
vegna andstöðu
Bandaríkja-
manna.
Viðleitni Ind-
verja hefur mátt
þola ýmis bak-
slög, s.s. árið 2010 þegar eldflaug
sprakk skömmu eftir flugtak. Þá
hafa þeir sætt gagnrýni fyrir að
eyða stórum fjárhæðum í eld-
flaugaáætlun á sama tíma og stór
hluti landsmanna býr við fátækt.
INDLAND
Tókst að skjóta á loft lághitaeldflaug
Fjölgun eldri mæðra og mæðra í
yfirþyngd hefur aukið álagið á
enskum ljósmæðrum, að sögn RCM,
samtaka og stéttarfélags ljós-
mæðra. Fæðingar á Englandi voru
700.000 árið 2012 en konum sem
eignuðust börn á fertugsaldri fjölg-
aði um 85% milli áranna 2001 og
2012. Í Skotlandi fjölgaði konum
sem eignuðust börn eftir 44 ára ald-
ur um 165% á sama tímabili.
„Eldri mæður þarfnast meiri að-
stoðar frá ljósmæðrum,“ sagði Lo-
uise Silverton, framkvæmdastjóri
hjá RCM, í samtali við Guardian.
„Þær eiga að sjálfsögðu fullkominn
rétt á allri þeirri viðbótarumönnun
en hún hefur
óneitanlega áhrif
á vinnuálag og
það þarf að end-
urspeglast í
fjölda ljósmæðra
innan opinbera
heilbrigðiskerf-
isins,“ sagði hún.
Samtökin
sögðu einnig að
mæðrum í yfirþyngd hefði fjölgað,
úr 7,6% í 15,6%, milli áranna 1989
og 2007. Þetta þýddi að nærri
50.000 konur hefðu þurft á meira
krefjandi þjónustu að halda á með-
göngu.
BRETLAND
Eldri og þyngri mæður auka álagið