Barnablaðið - 18.01.2014, Blaðsíða 6
Nafn: Jason Dagur Þórisson
Aldur: 8 ára
Ég á heima: Í borginni Kielce í Póllandi.
Fjölskyldan mín: Þórir, pabbi minn, Mar-
grét, mamma mín, og litli bróðir
minn, hann Óskar Bragi.
Skóli og bekkur: I Społ-
eczna Szkoła Podstawowa
og bekkurinn minn heitir
2C.
Uppáhaldsnámsgreinar:
Myndmennt og tölvur.
Áhugamálin mín eru:
Fótbolti, fimleikar og að
lesa íslenskar bækur.
Uppáhaldsmaturinn minn hér er: Pítsa með
salami.
Manstu eftir einhverjum sið sem er öðruvísi
í Póllandi en á Íslandi: Í skólanum mínum er
farið í kirkju áður en skólaárið byrjar og jóla-
sveinninn hér heitir Nikulás og gefur börnum í
skóinn 6. desember.
Í sumar... : Fór ég til grísku eyjunnar
Korfu í sólina og síðan í rigning-
una á Íslandi.
Uppáhalds í Póllandi: Að fara
heim með vinum mínum eftir
skóla.
Uppáhalds á Íslandi: Er að leika
við frændsystkini mín og að fá
að fara í Vallaskóla á Selfossi í
vetrarfríinu okkar.
Eitthvað að lokum? Kær kveðja til ömmu og
afa á Íslandi og allra sem ég þekki. Síðan segi
ég: Áfram Ísland á EM þar sem pabbi minn er
að spila.
Krakkakynning
Farið í kirkju áður en skólaárið
byrjar í Póllandi
Jason með pabba sínum,
sem varð Póllandsmeistari
í handbolta með liði sínu.
BARNABLAÐIÐ6
Hjálpaðu Sigursteini snjókarli að nálgast hattinn sinn.
Minni fíla getur verið alveg ótrúlega gott
- enda er oft talað um „fílsminni“ hjá
fólki sem man allt og gleymir engu. Oft
er grínast með að fílar gleymi aldrei en
minni þeirra er án vafa betra en flestra
annarra dýra. Til dæmis er þekkt sagan
af fílnum sem réðst á mann, sem hafði
verið vondur við hann þegar þeir hitstust
síðast. En það hafði verið 32 árum áður!
Ég hef alltaf verið mikill aðdáandi
Hungurleika-bókanna og fyrstu
myndarinnar. Þegar ég frétti af
því að aðalleikararnir myndu
koma hingað til Rómar, til að vera
viðstaddir forsýninguna á Cat-
ching Fire, var ég strax ákveðinn í
að hitta þá. Þegar dagurinn rann
upp, runnu tvær grímur á foreldra
mína, þar sem fólk flykktist að frá
allri Ítalíu. Ég fór nú samt eftir
skóla, klukkan 17, með pabba
mínum að rauða dreglinum. Búið
var að girða af stórt svæði þar
sem hundruð aðdáenda voru búin
að bíða lengi.
Fyrir útsjónasemi pabba
komumst við að girðingu fyrir
utan svæðið og sáum strax að
þangað myndu bílarnir koma fyrst
og hleypa stjörnunum út. Fljótlega
byrjuðu glæsikerrurnar að renna
að. Fyrstur kom Liam Hemsworth,
sem leikur Gale Hawthorne. Hann
gaf mér mína fyrstu eiginhand-
aráritun! Svo gerðust hlutirnir
hratt... Jennifer Lawrence (Katniss
Everdeen) og Josh Hucherson
(Peeta Mellark) komu líka. Ég
náði að segja Josh að ég væri
Íslendingur og hann þakkaði mér
kærlega fyrir að koma! Jennifer
gaf mér síðan líka sína eiginhand-
aráritun - hún hló mikið af því að
ég var svo spenntur. Hún klappaði
mér líka á axlirnar og gaf mér svo
aðra áritun! Það var ekki fyrr en
leikar róuðust að ég áttaði mig á
því að ég var með opin tússpenna
í hendinni í öllum hamagangnum.
Ég hafði óvart tússað svolítið á
ermar lífvarðanna með stjörnun-
um... en þeir voru með þessar fínu
gulu línur á jakkafötunum!
Efni frá lesanda!
Barnablaðinu barst meðfylgjandi frásögn af því
þegar Hinrik Leonard Ingólfsson (11 ára) hitti
stjörnurnar úr Hunger Games í Róm. Takk Hinrik.
Hitti stjörnurnar
úr Hunger Games
Völundarhús
Ótrúlegt
minni