Morgunblaðið - 29.05.2014, Qupperneq 3

þjófarnir
ÍÞRÓTTIR 3
MORGUNBLAÐIÐ FIMMTUDAGUR 29. MAÍ 2014
Það lítur allt út fyrir að Norðmenn muni
ekki eiga neinn leikmann í ensku úrvals-
deildinni í knattspyrnu á næstu leiktíð og
það yrði þá í fyrsta sinn síðan 1988. Norski
bakvörðurinn Jonathan Parr yfirgaf Crystal
Palace á dögunum og þar með er enginn
Norðmaður á mála hjá ensku úrvalsdeild-
arliði. John Arne Riise og Brede Hangeland
féllu með Fulham úr úrvalsdeildinni og sömu
sögu er að segja um Alexander Tettey sem
fór niður með Norwich.
Árið 1999 voru hvorki fleiri né færri en 28
norskir leikmenn í úrvalsdeildinni og þrír þeirra spiluðu með
Manchester United og unnu þrennuna eftirsóttu með því, Ole
Gunnar Solskjær, Ronny Johnsen og Henning Berg.
gummih@mbl.is
Enginn Norðmaður
Ole Gunnar
Solskjær
Það er óhætt að segja að einvígi Oklahoma
City Thunder og San Antonio Spurs í úrslit-
um vesturhluta NBA-deildarinnar í körfu-
bolta sé jafnt og spennandi. Liðin mætast í
fimmta sinn í kvöld, en fyrir leikinn er staðan
í einvíginu jöfn, 2:2, en vinna þarf fjóra leiki
til að komast í úrslitin um sjálfan NBA-
meistaratitilinn.
Þegar liðin mættust í fyrrinótt hafði Okla-
homa 13 stiga sigur á San Antonio, 105:92
þar sem tvíeykið Russell Westbrook og Kevin
Durant gerðu út af við San Antonio því þeir
skoruðu samanlagt 71 stig fyrir Oklahoma. Westbrook skilaði
40 stigum og Durant bætti við 31 stigi. Á meðan dreifðist stiga-
skor talsvert meira hjá liðinu frá Texas, því Tony Parker og
Boris Diaw voru stigahæstir með 14 stig hvor. thorkell@mbl.is
Allt í sóma hjá Oklahoma
Kevin
Durant
Patrekur Jóhannesson, landsliðsþjálfari Aust-
urríkismanna í handknattleik, verður án
tveggja öflugra leikmanna þegar Austurrík-
ismenn mæta Norðmönnum í umspili um sæti
á HM í Katar á næsta ári. Skytturnar Roland
Schlinger og Max Hermann eru meiddir og
ljóst er að þeir verða ekki með í leikjunum og
er þar skarð fyrir skildi. Fyrri leikur þjóðanna
verður í Vín þann 7. júní og seinni leikurinn í
Bergen viku síðar.
„Ég met þessa rimmu við Norðmenn 50:50.
Norðmenn eru líkamlega sterkir og ég er viss
um að nýi þjálfarinn þeirra, Christian Berge, mun koma með eitt-
hvað nýtt inn í leik liðsins. Norðmenn eru með í sínu liði heims-
klassa sóknarmenn og við vitum að við þurfum að spila okkar
bestu leiki til að komast áfram,“ segir Patrekur. gummih@mbl.is
Tveir úr leik hjá Patta
Patrekur
Jóhannesson
Staða: Miðju/kantmaður
Aldur: 26
Félagslið: Real Madrid
Þegar allir virtust orðnir dauðþreyttir í
úrslitaleik Meistaradeildarinnar á dög-
unum, og komið var fram í framlengingu,
tók Di María allsvakalegan sprett framhjá
þremur varnarmönnum og bjó til markið ör-
lagaríka sem kom Real Madrid yfir. Hann er
þindarlaus, óhemju leikinn með knöttinn og
vanur því að vinna titla. Hann tryggði Argentínu
Ólympíugull árið 2008, eftir sendingu frá Messi,
þegar hann var að stíga sín fyrstu skref með
landsliðinu. Di María er vís til að launa greiðann
núna. Hann átti heilar 17 stoðsendingar í spænsku
deildinni í vetur og getur nú gefið á menn eins og
Messi og Sergio Agüero sem kunna jú að klára
færin sín.
Ángel di María,
Argentínu
Staða: Miðjumaður
Aldur: 21
Félagslið: Juventus
Ef Frakkar ætla að reka af sér slyðruorðið eftir slaka frammistöðu í und-
anförnum stórmótum þá verður þessi 21 árs miðjumaður eflaust í stóru hlut-
verki. Hróður Pogba hefur aukist gífurlega undanfarin tvö ár eftir að hann
kvaddi Sir Alex Ferguson og félaga hjá Manchester United og gekk í raðir
Juventus, sem hann hefur orðið ítalskur meistari með síðustu tvö ár. Pogba
er afar hæfileikaríkur og fjölhæfur miðjumaður, stundum kallaður „kol-
krabbinn“ á Ítalíu vegna sinna löngu skanka sem fullir eru af göldrum. Það
er rétt rúmlega ár síðan Pogba lék sinn fyrsta A-landsleik en á skömmum
tíma hefur hann náð að festa sig í sessi. Leiðin hefur legið hratt upp á við
undanfarin misseri og gæti svo sannarlega gert það áfram í Brasilíu.
Paul Pogba, Frakklandi
Staða: Kantmaður
Aldur: 19
Félagslið: Liverpool
Þegar Steven Gerrard skor-
aði gegn Bandaríkjunum á
HM fyrir fjórum árum var Ra-
heem Sterling að borða pítsu og horfa á leikinn í
sjónvarpinu með félögum sínum. Nú eru þeir sam-
herjar í enska landsliðinu. Sterling er auðvitað ekki
nema 19 ára, og á aðeins 2 A-landsleiki að baki, en
frammistaða hans með Liverpool í vetur gefur til
kynna að hann geti leikið stóra rullu á HM. Hann
var maður leiksins þegar England vann Danmörku
í vináttulandsleik í byrjun mars og lét sérstaklega
til sín taka á seinni hluta tímabilsins með Liver-
pool. Brendan Rodgers hefur sagt að fái Sterl-
ing frelsi til þess á vellinum, í stað þess að vera
niðurnjörvaður í eitthvað leikskipulag, geti
hann slegið í gegn á HM og það eru orð að
sönnu. Margir félaga Sterling úr Liver-
pool-liðinu verða með honum í landslið-
inu og miðað við veturinn má því bú-
ast við mörkum.
Raheem
Sterling,
Englandi
Staða: Framherji
Aldur: 27
Félagslið: PSG
Eðlilega búast margir við miklu af Luis
Suárez á mótinu en markakóngurinn úr
Liverpool er að jafna sig eftir hnéaðgerð
og enn ekki víst að hann geti spilað á
HM. Með Suárez tæpan mæðir enn
meira á Cavani sem þarf að skila mörk-
um í þeim erfiða riðli sem Úrúgvæar
leika í, þar sem barist er við England og
Ítalíu um að komast í 16-liða úrslit. Cav-
ani getur staðið undir því enda stórkost-
legur í að klára færin sín. Eftir þrjú frá-
bær tímabil sem framherji Napoli var
þessi 27 ára markahrókur keyptur fyrir
metupphæð til PSG þar sem hann skor-
aði 16 mörk í 30 deildarleikjum í vetur.
Hann er sjötti dýrasti leikmaður sög-
unnar, og sá dýrasti sem keyptur hefur
verið af félagi sem ekki heitir Real Ma-
drid eða Barcelona.
Edinson Cavani,
Úrúgvæ
Mario Balotelli, Ítalíu
Staða: Framherji
Aldur: 23
Félagslið: AC Milan
Super Mario er búinn að ákveða
hvað hann ætlar að gera við
gullskóinn sem hann fær á
HM. Hann fer í fataskápinn
ásamt öðrum skóm. Þessi
23 ára framherji hefur
sýnt það með Inter,
Manchester City og
AC Milan að hann
kann að skora mögn-
uð mörk og með ár-
unum hefur kapp-
inn, ólíkindatólið sem
hann er, þroskast og
orðið betur í stakk bú-
inn til að gegna lykilhlutverki
í ítalska landsliðinu. Tímabilið
hjá Milan í vetur olli miklum von-
brigðum en Balotelli skoraði 14
mörk. Hann er reynslunni ríkari
eftir fyrsta stórmótið sitt, EM
fyrir tveimur árum, þar sem
hann svaraði gagnrýni
ítölsku þjóðarinnar, eftir
slaka frammistöðu framan
af, með því að skora bæði
mörkin í sigri á Þýska-
landi í undanúrslitum.