Morgunblaðið - 16.07.2014, Blaðsíða 13

FRÉTTIR 13Innlent
MORGUNBLAÐIÐ MIÐVIKUDAGUR 16. JÚLÍ 2014
Viku eftir brunann í Skeifunni 11 í
Reykjavík hefur verslunin Griffill
gert upp við alla birgja sem áttu
vörur í versluninni. Var það gert í
samvinnu við tryggingafélagið VÍS.
Ingþór Ásgeirsson, fram-
kvæmdastjóri verslunarsviðs Penn-
ans, sem á og rekur Griffil, segir í
fréttatilkynningu að tjónið hafi ver-
ið gríðarlegt, enda stóð ekkert eft-
ir. „Við ákváðum hins vegar að það
fyrsta sem við myndum gera væri
að bæta þeim birgjum sem áttu
vörur hjá okkur tjón sitt og hefjast
síðan handa við uppbyggingu.“
Síðasta greiðsla til birgja var
innt af hendi á föstudaginn, innan
við viku eftir brunann.
Húsnæði Griffils í Skeifunni 11
brann til grunna í eldsvoðanum sem
varð 6. júlí. Unnið er að því að finna
nýtt hús fyrir verslunina, sem mun
meðal annars hýsa skiptibókamark-
að fyrir námsmenn. Tilkynnt verð-
ur um nýtt húsnæði á næstunni.
Griffill
gerði upp
við birgja
 Leitað að nýju
húsi fyrir verslunina
Morgunblaðið/Ómar
Rústir Húsnæði Griffils í Skeifunni
brann til grunna í eldsvoðanum.
„Við erum ósköp ánægð með þessa
viðurkenningu. Það er mat þess sam-
félags sem vinnur að alzheimerrann-
sóknum að uppgötvun okkar sé mik-
ilvægasta framlagið á sviði rann-
sókna um alzheimersjúkdóma um
nokkurra ára skeið og þykir okkur
afar vænt um það,“ segir Kári Stef-
ánsson, forstjóri Íslenskrar erfða-
greiningar.
Kári veitti í gær viðtöku Inge
Grundke-Iqbal-verðlaunum banda-
rísku Alzheimersamtakanna fyrir
alzheimerrannsóknir íslenskra vís-
indamanna. Kári varð þar með fyrst-
ur manna til að hljóta þessa viður-
kenningu sem samtökin hafa hug á
að veita í framtíðinni fyrir mikilvæg-
ustu rannsóknir um orsakir sjúk-
dómsins.
Vísindamenn Íslenskrar erfða-
greiningar, í samstarfi við lækna á
Landspítalanum, uppgötvuðu erfða-
breytileika sem talinn er veita öfluga
vörn gegn alzheimersjúkdómnum.
Skýrt var frá niðurstöðunum í grein
sem birtist í vísindatímaritinu Nat-
ure í júlímánuði árið 2012.
„Þetta er að mörgu leyti ekki frá-
brugðið því sem var í barnaskóla,
þegar maður vann heimavinnu sína
almennilega og fékk stjörnu í bókina
sína. Maður hafði alltaf svolítið gam-
an af því,“ segir Kári og hlær dátt.
Hann segir viðurkenninguna stað-
festingu á mikilvægi þessa merka
framlags íslensku vísindamannanna.
„Ég held að það sé ekki nokkur vafi á
því að við sem stofnun höfum lagt
meira af mörkum til rannsókna í
mannerfðafræðum en nokkurs stað-
ar í heiminum.“ kij@mbl.is
Mikilvægasta framlagið
Morgunblaðið/Kristinn
Vísindi Vísindamenn Íslenskrar erfðagreiningar komu að uppgötvuninni.
 Kári Stefánsson verðlaunaður fyrir alzheimerrannsóknir
Árlegir Reykhóladagar verða að
þessu sinni haldnir um aðra helgi,
24.-27. júlí. Byggðadagarnir hefjast
síðdegis á fimmtudegi og þá um
kvöldið verður hljómsveitin Spaðar
með miðnæturtónleika á Báta- og
hlunnindasýningunni á Reykhólum.
Á föstudeginum verður kassabíla-
rall, spurningakeppni og þrauta-
braut hverfanna á Reykhólum, en
þau keppa jafnframt í því hvaða
hverfi er best skreytt á hátíðinni.
Opið hús verður í saltverksmiðjunni.
Á laugardeginum verður m.a.
keppt í þarabolta, dráttarvélaakstri
og -fimi, markaður verður á staðnum
og fjárrekstur og rúningur upp á
gamla mátann. Grillpartí verður fyr-
ir yngri kynslóðina síðdegis og veisla
í íþróttahúsinu og dansleikur um
kvöldið.
Á sunnudeginum verður vatna-
boltafjör í Grettislaug og léttmessa í
Reykhólakirkju.
Árlegir Reyk-
hóladagar um
aðra helgi