Barnablaðið - 19.07.2014, Blaðsíða 4
BARNABLAÐIÐ4
Hvað lærir maður á sirkusnámskeiði?
Sóllilja: Maður lærir til dæmis
loftfimleika og að juggla.
Tinna: Og allt svona trúðadæmi.
Kristín: Og að labba á línu, svona
jafnvægisatriði.
Hvað er skemmtilegast við
sirkusnámskeið?
Kristín: Mér fannst skemmtilegast í
lýrunni. Það er svona hringur í loftinu
og maður á að hanga í honum og gera
pósur.
Tinna: Mér fannst skemmtilegast í
lýrunni og að juggla. Ég jugglaði bara
með klúta og ég var með þrjá. Fyrst
lærðum við að juggla með einn klút og
svo tvo og svo þrjá. Ég kann ekki enn
að juggla með fjóra klúta.
Sóllilja: Mér fannst lýran og silkið
skemmtilegast. Þá hangir silkiefni úr
loftinu og þú átt að klifra upp í það og
gera pósur þar.
Hvar voru þið á þessu
sirkusnámskeiði?
Allar: Í Ármannsheimilinu.
Hvað er erfiðast við að læra
sirkuslistir?
Kristín: Mér fannst erfiðast á
jafnvægiskúlunni.
Tinna: Já, jafnvægiskúlan var erfiðust.
Sóllilja: Mér fannst erfiðast að juggla.
Er ekkert hættulegt að vera í sirkus?
Sóllilja: Jú, kasthringirnir eru
hættulegir.
Kristín: Og boltinn sem maður labbar
á.
Tinna: Já maður getur dottið á höfuðið
og fengið kasthringina í höfuðuð.
En jugglið er alls ekki hættulegt því
maður jugglar bara með klúta.
Eru engin ljón eða eldur á
sirkusnámskeiðinu ykkar?
Sóllilja: Nei, en það er einn kennari
sem er að kenna á sirkusnámskeiðinu
sem kann að spúa eldi, hann gerir það
á alvöru sirkussýningum.
Tinna: Hann sagði okkur frá því.
Er ekki hættulegt að spúa eldi?
Tinna: Jú, en ekki þegar maður er
búinn að æfa sig.
Hvaða krakkar fara á svona
sirkusnámskeið?
Sóllilja: Það eru bara krakkar sem
hafa áhuga á sirkus og vilja læra
eitthvað nýtt.
Hver er að kenna á
sirkusnámskeiðinu?
Kristín: Það er fólkið í Sirkus
Íslands, þau eru að ferðast í
kringum landið og sýna.
Sóllilja: Þetta er mjög
skemmtilegt fólk.
Hvað tekur svona námskeið
langan tíma?
Tinna: Þetta er í fjóra klukkutíma
á dag.
Sóllilja: Svo fengum við pásur og
sumir voru þreyttir og sumir ekki.
Stundum eru dýr í sirkus, hvert er
ykkar uppáhaldsdýr?
Kristín: Ég held að það séu ljón og
sæljón.
Tinna: Api.
Sóllilja: Blettatígur, þeir eru
stundum í sirkus.
Af hverju fóruð þið á
sirkusnámskeið?
Sóllilja: Mig langaði bara að læra að
vera í sirkus af því að ég hef alltaf
haft gaman af sirkus.
Kristín: Ég fór af því að mig langar
svolítið að æfa í sirkus.
Tinna: Ég fór út af því að Kristín og
Sóllilja fóru og mamma skráði mig
bara, mig langaði líka að læra að
juggla.
Eruð þið úti eða inni á námskeiðinu?
Sóllilja: Við erum alltaf inni.
Við æfum okkur í júdósalnum í
Ármannsheimilinu.
Eigið þið ykkur einhver önnur
áhugamál fyrir utan sirkus?
Kristín: Sund.
Tinna: Sund og fótbolti, ég hef meiri
áhuga á fótbolta. Ég er í marki.
Sóllilja: Hestar og sund, ég æfi sund
og mig langar að verða hestakona.
Hafið þið farið á sýningu hjá Sirkus
Íslands?
Kristín: Já, ég hef kíkt á eina sýningu
og svo fékk ég að leika í vasaljósinu
sem er í sirkustjaldinu.
Tinna: Já, ég fór á sýningu með
frænku minni og ég þekkti nokkra
sem voru að sýna.
Sóllilja: Ég hef séð tjaldið en ekki
sýningu. Ég ætla að fara á sýningu í
ágúst.
Mynduð þið segja að sirkus væri
íþrótt?
Tinna: Sumt í sirkus er íþrótt.
Sóllilja: Já, ég myndi segja það.
Loftfimleikarnir eru íþrótt.
Kristín: Já, sammála.
En hvað ætlið þið að verða þegar
þið verðið stórar?
Sóllilja: Ég ætla að verða hesta—
kona og bóndi.
Kristín: Mig langar svolítið að vinna
í sirkus og vera bóndi.
Tinna: Ég ætla að verða fótbolta—
heimsmeistari í HM í Brasilíu.
Hafa alltaf haft gaman af
Tinna Tynes, Kristín Malmquist og Sóllilja Björt
Eiríksdóttir eru þrjár níu ára stelpur sem skelltu
sér á skemmtilegt sirkusnámskeið í sumar hjá
Sirkus Íslands. Stelpurnar voru hæstánægðar með
námskeiðið þar sem þær lærðu ýmsar sirkuslistir og
kynntust skemmtilegu fólki. „Mig
langað
i bara
að lær
a að ve
ra
í sirku
s af þv
í
að ég
hef all
taf
haft ga
man a
f
sirkus
. “
Stelpurnar eru allar 9 ára.