Barnablaðið - 16.08.2014, Page 5
BARNABLAÐIÐ
Barnablaðið heimsótti Ágústu í Breiðholt.
Ágústa er 7 ára og er að byrja í 2. bekk í
Seljaskóla.
Hver eru þín helstu áhugamál?
Mér finnst mjög gaman að teikna og hoppa á
trampólíni. Svo finnst mér gaman að snyrta mig
og gera mig fína.
Ég teiknaði t.d. bol þegar stórtón-
leikar Of Monsters and Men
voru haldnir. Ég teiknaði
skrímsli. Svo vann ég mynda-
samkeppni SKB og myndin
endaði á jólakorti félagsins.
Þá teiknaði ég jólasvein,
jólatré og okkur krakkana.
Jólasveinninn var í sparifötum,
í röndóttri skyrtu og með bindi.
Hvað ætlar þú að verða
þegar þú verður stór?
Kannski verð ég listakona og sýni myndir uppi
á vegg.
Áttu systkini?
Já, tvö systkini. Valborg María eldri systir mín er
9 ára og yngri bróðir heitir Friðrik og er alveg að
verða 5 ára.
Af hverju ertu kölluð Ágústa Vá-Gústa?
Það er af því ég búin að vera svo dugleg að
vera með krabbamein og mikið á spítalanum.
Frænka mín fann upp þetta nafn og skrifaði
sögu um ofurhetjuna.
Þar birtist risastórt og ógurlegt bleikt skrímsli
sem bjó í Breiðholtinu. En Ágústa Vá-Gústa bjó
yfir ofurkröftum. Hún gat bæði flogið og gert
ýmsa hluti með stjörnutöfrasprotanum sínum.
Reglulega þurfti Vá-Gústa að fylla á ofurkraft-
ana. Það gerðu vinir hennar í hvítu sloppunum
með því að sprauta á hana glimmerdufti.
Hvernig var á spítalanum?
Það var dáldið erfitt og ég missti mikið úr
skólanum. Það erfiðasta var örugglega að
láta sprauta sig. Sagan um Vá-Gústu hjálpaði
mér samt mikið að sigrast á hræðslunni við
sprauturnar.
Besti vinur minn var eiginlega ísbjörninn
Hringur og Gróa á leikstofunni.
Hringur kom í heimsókn á
afmælisdaginn minn og fylgdi
mér oft þegar við rúlluðum
rúminu yfir á geisladeildina.
Þótt það væri frekar heitt
fyrir ísbirni þá lét hann sig
hafa ýmislegt.
Svo fékk ég skemmtilegar
heimsóknir. T.d. komu í
heimsókn Magni og Eyþór
Ingi, trúðurinn Óliver. Einar
Mikael er líka góður vinur minn.
Sveppi og Villi komu svo hingað heim
í afmælið mitt. Það var mjög skemmtilegt.
Uppáhaldslagið mitt er Ég á líf með Eyþóri Inga.
Hvernig viðbrögð fékkstu í skólanum?
Það var svolítið erfitt að koma aftur í skólann.
Krakkarnir voru mjög forvitnir. Ég var oftast
inni í frímínútum og ég mátti velja krakka sem
máttu vera með mér inni. Ég var dugleg að
sýna þeim og segja frá lífsreynslunni.
Hvernig var tilfinningin að fá að vita að
krabbameinið væri farið?
Ég var svaka glöð. Við fórum út að borða og
ég fékk að velja lag sem var spilað á veit-
ingastaðnum. Ég valdi auðvitað Ég á líf. Nú
erum við bjartsýn að krabbameinið sé farið fyrir
fullt og allt.
Þú misstir hárið, hvernig var það?
Ég þurfti að taka lyf og þá datt allt hárið af
mér. Ég ætla að safna öllu hárinu aftur og er
sérstaklega ánægð með rauða litinn sem er að
koma í ljós.
Eru margir sem hlaupa í nafni Vá-Gústu?
Já, mjög margir. Í fyrra söfnuðust rúmlega tvær
og hálf milljón. Ég kom beint af spítalanum og
fylgdi mömmu í kerru. Valborg systir mín, pabbi
og mamma og fleiri ætla að hlaupa í ár. Ég er
að hugsa málið hvort ég fari sjálf.
Af hverju að styrkja SKB?
Mamma Ágústu segir að þau vilji styðja við
félag krabbameinssjúkra barna vegna þess
að það styður svakalega vel við fólkið sem
læknaði Ágústu. Fyrir það erum við gífurlega
gífurlega gífurlega þakklát. Við viljum láta gott
af okkur leiða og segja takk fyrir okkur. Það er
gott að geta gefið til baka.
Margir sem hlaupa
í nafni Ágústu Vá-Gústu
Ágústa Stefánsdóttir er engin venjuleg stelpa úr Breiðholti. Hún er ofur-
hetjuprinsessan Ágústa Vá-Gústa. Ágústa greindist með krabbamein í
febrúar 2013. Við tók hörð meðferð og margar nætur á spítala. Í dag er
krabbameinið farið og bjartari tímar framundan. Ágústa hefur barist af
miklum dugnaði og um næstu helgi eru fjölmargir sem ætla að hlaupa í
Reykjavíkurmaraþoninu í hennar nafni. Ágóðinn rennur til styrktarfélags
krabbameinssjúkra barna.
Ísbjörninn Hringur
var betri en enginn.
Systurnar Ágústa og
Valborg á spítalanum.
„Reglu-
lega þurfti
Vá-Gústa a
ð fylla á
ofurkraftan
a. Það gerð
u
vinir henna
r í hvítu
sloppunum
með því
að sprauta
á hana
glimmerdu
fti.“
Ágústa og
töframaðurinn
Einar Mikael.
Á mbl.is er hægt
að sjá myndskeið
frá heimsókn
Barnablaðsins til
Ágústu Vá-Gústu.