Barnablaðið - 07.06.2014, Blaðsíða 4

Hvað er leikhópurinn Lotta?
Þyrnirós: Úti- og ferðaleikhús fyrir
alla fjölskylduna. Við setjum upp
fjölskyldusýningar á hverju sumri
og höfum gert núna í átta ár.
Heimsækjum 54 staði um allt land
og erum alltaf í Elliðaárdalnum á
miðvikudögum.
Lotta hefur sett upp eftirfarandi
sýningar í gegnum árin: Dýrin í
Hálsaskógi, Galdrakarlinn í Oz,
Rauðhetta, Hans klaufi, Mjallhvít,
Stígvélaði kötturinn, Gillitrutt og í ár
er það Hrói höttur.
Við erum öll menntuð hver á sínu
sviði. Allt frá því að vera leikarar í
að vera lærðir viðskiptafræðingar
og verðbréfamiðlarar sem kemur
sér mjög vel. Ævintýraskógurinn
þarf alveg jafn mikið á verðbréfa-
miðlara að halda og leikara.
Af hverju Hrói höttur?
Hrói höttur: Hrói höttur á rosalega
vel við þessa stemningu sem
Lotta býr alltaf til. Við búum öll í
Ævintýraskóginum og þar er hægt
að koma fyrir öllum ævintýraper-
sónum, allt frá Lilla klifurmús yfir
í Hróa hött eða Stígvélaða köttinn
eða hvað sem er. Nú er Skírisskóg-
ur kominn inn í Ævintýraskóginn
og við blöndum saman við þetta
ævintýrinu um Þyrnirós. Svo bætist
besta vinkona þeirra við, hún
Þöll sem er ný persóna. Það var
ákveðið að taka þetta stykki núna
enda búið að hugsa um þetta í
þónokkurn tíma.
Þekkjast Hrói og Þyrnirós?
Þyrnirós: Já, við erum góðir vinir og
þekkjumst úr Ævintýraskóginum.
Hvað eru margir leikarar í sýning-
unni?
Þyrnirós: Sex leikarar og tveir sem
leysa af. Svo erum við að vinna
með nýjum leikstjóra sem heitir
Vignir Rafn Valþórsson. Hann er
sjóðheitur og hefur slegið í gegn að
undanförnu.
Hvað gerist í Ævintýraskóginum?
Hrói höttur: Það er alltaf stöðug
barátta milli góðs og ills eins
og gerist oft þegar ævintýri eru
annarsvegar. Í þetta skiptið eru
það persónur sem heita Jóhann
prins og Frú fógeti sem verða
þess valdandi að Þyrnirós og öll
konungsfjölskyldan sofnar. Jóhann
prins leggur bölvun á Þyrnirós þeg-
ar hún er barn. Við erum alveg að
sjá fram á að hún verði 16 ára, þá
hættir bölvunin að virka, nema á
ögurstundu þá gerist eitthvað sem
gerir það að verkum að hún sofnar.
Hún stingur sig á snældu. Þá þurfa
Þöll, Hrói höttur, Tóti munkur og
fleiri að gjöra svo vel að reyna að
bjarga málunum.
Þegar Jóhann prins og Fógetinn
komast til valda fara þau líka að
hækka skatta og álögur á þegnana
og gera það mjög erfitt fyrir fólk
að hafa það gott í Ævintýraskóg-
inum. Það þýðir að við þurfum að
bregðast við.
Er það rétt að Hrói höttur steli frá
þeim ríku og gefi þeim fátæku?
Hrói höttur: Tja, meðal annars. Það
er nú kannski ekki nauðsynlegt
að hann sé bara þekktur fyrir það.
Hann er líka alveg fínn gaur.
Hann ákveður þegar þe
ríku eru farnir að beita
óréttlæti að það
þurfi að rétta hlut
fátækra. Hann fer
ásamt vinum sínum
í það verkefni að
færa peningana til.
Sefur Þyrnirós ekki
bara af sér sýninguna
Þyrnirós: Ég held upp á
afmælið mitt og svo sofna ég.
Ég vakna svo í endann... vonandi.
Er ekki erfitt að sýna alltaf undir
berum himni?
Hrói höttur: Það hefur alveg
komið fyrir að við höfum þurft að
færa sýningar inn en reynum eftir
fremsta megni að vera úti. Það er
langskemmtilegast að sýna úti í
Leikhópurinn Lotta sýnir Hróa hött um allt land í sumar. Um er ræða glænýtt
íslenskt leikrit þar sem ævintýrið um Þyrnirós fléttast inn í atburðarásina. Barna-
blaðið hitti Hróa hött og Þyrnirós í Ævintýraskógi rétt áður en þau stigu á svið.
Skemmtilegast
að sýna úti
í náttúrunni
BARNABLAÐIÐ4
ir
?
„Ævintýra-skógurinn þarfalveg jafn mikið áverðbréfamiðlaraað halda og
leikara.“
Tóti munkur og
konungsfjölskyldan.
Áhorfendur fylgjast
spenntir með.