Morgunblaðið - Sunnudagur - 22.06.2014, Blaðsíða 18

Ferðalög
og flakk
Morgunblaðið/Ómar
*Brátt þurfa bjórþyrstir sólarunnendur ekki aðhafa áhyggjur af því að verða að drekka bjór ískugga eða leita lengi að bar sem sólin skín á.Netfyrirtækið Poke í London vinnur nú aðgerð smáforritsins Sólarkrúsir [e. Pints in theSun]. Ætlunin er að fólk geti leitað að til-teknum bar eða látið forritið finna bar í ná-
grenninu þar sem sólin skín heppilega með til-
liti til þess að sitja úti.
Bjart hjá ölþyrstum
Ár hvert er haldin í Leipzig yfir hvítasunnuhelgina svokölluð Wave-Gotik-
hátíð, sem er ein sú stærsta sinnar tegundar í Evrópu. Þar hittist fólk í
viktoríönskum síðkjólum og göddóttum leðurfrökkum, með pípuhatt, ólar
og í rifnum sokkabuxum og nýtur ýmissa menningarviðburða, s.s. þunga-
rokkstónleika og ljóðaupplesturs. Það bregst þó ekki að á sama tíma ganga
fyrstu hitabylgjurnar yfir Þýskaland, hinum svartklæddu og fölu gestum
hátíðarinnar til mikillar mæðu.
Við gerðumst ekki svo djörf að klæða okkur upp á og taka þátt í hátíðinni,
heldur létum okkur nægja að rölta í gegnum miðbæinn og berja búningana
augum. Næst skelltum við okkur á flóamarkað á gamalli hestaveðhlaupabraut
og keyptum tvær dósir undir jólasmákökur, enda orðið löngu tímabært að hefja
baksturinn. Við enduðum síðan daginn í bjórgarði þar sem við svöluðum
þorsta okkar í kvöldsólinni.
Bestu kveðjur, Bergdís, Jakob & Karl Marx
Horft til framtíðar við risastóran minnisvarða um Karl Marx,
sem áður hékk utan á háskólanum í Leipzig.
Fatahönnuðurinn Bergdís á kaffi-
húsi í Leipzig.
Gotnesk hvítasunna í Leipzig
Eðlisfræðingurinn Jakob í austur-
þýskri blíðu.
PÓSTKORT FRÁ
ÞÝSKALANDI
E
l Retiro er einn af
stærstu almenningsgörð-
unum í Madríd. Hann var
í eigu spænsku konungs-
fjölskyldunnar fram til 19. aldar
en þá var hann opnaður almenn-
ingi. Fullu nafni nefnist garður-
inn Parque del Buen Retiro, eða
Garður hins snotra athvarfs, og
óhætt er að segja að hann beri
nafn með rentu enda er hann
fallegur griðastaður í hjarta mið-
borgarinnar þar sem íbúar og
ferðamenn spássera milli trjánna
eða tylla sér á trébekk og kasta
mæðinni. Retiro er 1,4 ferkíló-
metrar að stærð og er á jaðri
miðborgarsvæðisins til austurs,
skammt frá hinu sögufræga
Prado-listasafni. Séður að ofan er
garðurinn eins og grænt frímerki
sem einhver hefur þrýst ofan á
miðja borgina.
Fagrir tennisvellir í skjóli
náttúrunnar
Retiro er afar fallegur garður og
þar er að finna magnaðar styttur
og gosbrunna á hverju horni.
Götulistamenn sýna fjölbreyttar
kúnstir og fólk slakar á í skugg-
anum undir sólhlífum kaffihúsa,
dreypir á hrímuðum vatns-
flöskum. Í garðinum miðjum er
að finna huggulega tjörn og við
hana er glæsilegur minnisvarði
um konunginn Alfonso XII. Á
tröppum minnisvarðans baðar fólk
sig í sólinni, biður næsta mann
um eld og hugleiðir tilveruna. Á
tjörninni leigja margir sér árabát
og fara í rómantíska siglingu.
Minnisvarði Alfonso XII. er ram-
maður inn af þremur breiðum
göngustígum sem nefnast Paseo
Columbia, Paseo Nicaragua og
Paseo Venezuela.
Í Retiro er ekki óalgengt að
sjá eldri borgara ræðast við á
trébekkjum eða spila teningaspil.
Karlarnir í stuttermaskyrtum og
vönduðum mokkasínum úr leðri,
oftar en ekki með logandi sígar-
ettu í munnvikinu. Konurnar í
litríkum kjólum með skartgripi
sem leiftra í sólskininu. Líkt og í
öðrum almenningsgörðum heims-
ins liggur fólk í faðmlögum á út-
breiddum teppum eða í skugga
trjáa. Retiro hýsir jafnframt feg-
urstu almenningstennisvelli sem
blaðamaður hefur séð með eigin
augum. Að gefa upp í sólinni í
hjarta garðsins, með einkennandi
takt íþróttarinnar ómandi á völl-
unum í kring, og fylgjast með
boltanum þjóta yfir heiðblátt
undirlagið, umkringdur háum
trjám og náttúrukyrrð, er
ógleymanleg lífsreynsla.
Ljósmynd/Carlos Delgado
EL RETIRO VARÐVEITIR FEGURÐ SPÁNAR
Náttúran í miðborginni
Í ALMENNINGSGARÐINUM RETIRO Í MIÐBORG MADRÍDAR RÓA ELSKENDUR ÁRABÁTUM Á TJÖRN, ÍBÚAR DRAGA ANDANN DJÚPT
UNDIR SÓLHLÍFUM OG TENNISLEIKARAR SKIPTAST Á HÖGGUM Í SKJÓLI TRJÁNNA.
Halldór A. Ásgeirsson haa@mbl.is
Minnisvarðinn um Alfonso XII. Spánarkonung er glæsilegt mannvirki, reist árið 1922. Á tröppunum fyrir framan er kjörið að slaka á og njóta út-
sýnisins, fylgjast með árabátunum líða yfir lygna tjörnina. Retiro var í eigu spænsku konungsfjölskyldunnar en var opnaður almenningi á 19. öld.