Morgunblaðið - Sunnudagur - 22.06.2014, Blaðsíða 56
Þýska hljómsveitin JugendJazzOrchester Nordrhein-Westfalen er þekkt fyrir áhugaverða tónleika.
Þýska hljómsveitin JJO NRW, eða Jugend-
JazzOrchester Nordrhein-Westfalen, mun
halda tónleika laugardaginn 21. júní kl. 19.30
í Fríkirkjunni í Reykjavík. Þar mun hinn
landskunni saxófónleikari Sigurður Flosason
leika með sveitinni, en auk tónleika í höf-
uðborginni kemur hljómsveitin fram á Ísa-
firði og í Vestmannaeyjum.
Sveitin var stofnuð árið 1975 og hefur get-
ið sér gott orð fyrir sérstaka og á margan
hátt nýstárlega tónleika. Sveitin hefur haldið
tónleika víðs vegar um heiminn, m.a. í Ástr-
alíu, Indlandi, við Karíbahaf og í gömlu Sov-
étríkjunum. Hljómsveitin hefur einnig þrisv-
ar sinnum heimsótt Kína, fyrst árið 1996, og
seldust þá allir miðar á tónleika hennar upp.
Í apríl árið 2001 ferðaðist sveitin til Hvíta-
Rússlands til að minnast þess að fimmtán ár
voru liðin frá hörmungunum í Tsjernobyl.
Meðlimir JJO NRW sömdu af því tilefni
svítu fyrir sinfóníuhljómsveit og stórsveit
sem leikin var í fyrsta sinn í Minsk af Fíl-
harmóníusveit Minsk. Á afmælistónleikum
hljómsveitarinnar 2010 komu m.a. fram kúb-
verski saxófónleikarinn Paquito d’Rivera,
leik- og söngkonan Katja Riemann og pían-
istinn Frank Chastenier. Fengur er að komu
sveitarinnar til landsins en þess má geta að
hljómsveitin mun einnig spila á Jómfrúnni,
laugardaginn 28. júní kl. 15.
ÞÝSK HLJÓMSVEIT HELDUR TÓNLEIKA Í FRÍKIRKJU
Erlend
hljómsveit
í Fríkirkju
Sigurður Flosason saxófónleikari leikur með
hljómsveitinni í Fríkirkjunni í Reykjavík.
ÞÝSK UNGMENNAHLJÓMSVEIT HELD-
UR TÓNLEIKA ÁSAMT SIGURÐI
FLOSASYNI Í FRÍKIRKJUNNI Í REYKJAVÍK.
Guðrún Ingibjörg Þorgeirsdóttir gith@mbl.is
56 MORGUNBLAÐIÐ SUNNUDAGUR 22.6. 2014
Djassgítarleikarinn og tónsmiðurinn Andrés
Þór Gunnlaugsson hefur sent frá sér nýja
plötu sem ber heitið Nordic quartet. Andrés
hefur gefið út þrjár aðrar plötur sem hlotið
hafa góðar viðtökur. Má þar nefna plötuna
Mónókróm, sem út kom fyrir tveimur árum.
Hún var tilnefnd til Íslensku tónlistarverð-
launanna og í framhaldinu útgefin í Þýska-
landi.
Auk þess að spila sem sólisti hefur Andrés
komið fram með þekktum listamönnum,
bæði hérlendis og erlendis.
Á nýju plötunni eru níu frumsamin verk
eftir Andrés en með honum leika Anders
Lønne Grønseth á saxófón og bassaklarinett,
Andreas Dreier á kontrabassa og Erik Ny-
lander á trommur.
ANDRÉS ÞÓR GEFUR ÚT PLÖTU
NÝ DJASSPLATA
Andrés Þór Gunnlaugsson, gítarleikari og tón-
smiður, gefur út plötuna Nordic quartet.
Morgunblaðið/Kristinn
Jón Ólafsson tónlistarmaður syngur lög og leik-
ur á píanó á stofutónleikum á Gljúfrasteini.
Morgunblaðið/Árni Sæberg
Jón Ólafsson tónlistarmaður mun syngja og
leika á píanó á stofutónleikum á Gljúfrasteini
sunnudaginn 22. júní. Lögin sem hann syngur
eru lög sem hann hefur samið við íslensk
ljóð, en meðal þeirra skálda sem ljóðin eiga,
eru Halldór Laxness, Jónas Guðlaugsson,
Stefán Máni og Hallgrímur Helgason.
Jón hefur verið áberandi í íslenskri tónlist í
mörg ár, m.a. sem flytjandi og höfundur.
Nokkuð er liðið frá síðustu sólótónleikum
hans og bíða því margir tónleikanna á
Gljúfrasteini með eftirvæntingu.
Tónleikarnir hefjast kl. 16 en miðaverð er
kr. 1500.
TÓNLEIKAR Á GLJÚFRASTEINI
STOFUTÓNLEIKAR
Sérfræðingar hafa fundið
falið málverk undir mál-
verki Picassos, Bláa her-
berginu (e. The Blue Ro-
om). Falda málverkið
fannst með innrauðri tækni
árið 2008 en fundurinn var
tilkynntur í nýliðinni viku.
Grunur um að eitthvað
leyndist á bak við Bláa her-
bergið vaknaði þó fyrr, en
sérfræðingar tóku fyrst eftir undarlegum
pensilförum á verkinu árið 1954. Hið ný-
fundna málverk er portrett af manni með
þverslaufu er styður fingrum við höfuð sér.
Ekki er vitað hver maðurinn var en vangavelt-
ur eru þegar uppi. Þetta er ekki í fyrsta sinn
sem falin mynd finnst undir málverki eftir Pi-
casso en strigi var dýr á hans yngri árum og
hugsanlega hefur listamaðurinn viljað end-
urnýta gamlan striga undir nýjar hugmyndir.
MÁLVERK EFTIR PICASSO
FALIÐ MÁLVERK
Chicagobúar
dást að Picasso.
Menning
S
tarfsári Sinfóníuhljómsveitar Ís-
lands er lokið en tónlistar-
unnendur þurfa þó ekki að ör-
vænta, því að komandi starfsár
verður bæði fjölbreytt og spenn-
andi. Í upphafi skyldi endinn skoða og er
við hæfi að nefna fyrst lokatónleika kom-
andi starfsárs. Þeir verða helgaðir hátíða-
höldum í tilefni af hundrað ára afmæli
kosningaréttar íslenskra kvenna, en þar
mun hin brasilíska Ligia Amadio stýra
verkum eftir konur, m.a. Jórunni Viðar,
Önnu Þorvaldsdóttur og bresku súffragett-
una Ethel Smythe. Segja má að fyrstu tón-
leikar Sinfóníunnar á nýju starfsári gefi síð-
an tóninn fyrir það sem koma skal, því að
hljómsveitinni hefur verið boðið að taka
þátt í Proms, tónlistarhátíð BBC sem hald-
in er í London. „Það er stórkostlegt að
hefja starfsárið í Royal Albert Hall og fá
þar tækifæri til að sýna hvað í okkur býr,“
segir Arna Kristín Einarsdóttir, fram-
kvæmdastjóri Sinfóníunnar. „Efnisskráin
samanstendur af íslenskum og erlendum
verkum. Erlendu verkin eru eftir Beethoven
og Schumann en með okkur verður píanó-
leikarinn Jonathan Biss. Íslensku verkin
eru Magma eftir Hauk Tómasson og Geysir
eftir Jón Leifsson. Í verkunum fást þeir við
landið okkar og teikna íslenska landslagið
með tónum. Proms-hátíðin er stór viðburður
og þetta er gríðarleg landkynning. Yf-
irskrift tónleikanna verður Classical Tecto-
nics og í titlinum er einmitt leikið með
jarðskorpufleka Íslands, auk þess sem
þarna er vísun í Tectonics-tónlistarhátíðina
sem kom til þegar Ilan Volkov hóf störf
sem aðalhljómsveitarstjóri.“
Nýr aðalgestastjórnandi
Ilan Volkov hefur gegnt starfi aðal-
hljómsveitarstjóra Sinfóníuhljómsveitar Ís-
lands frá árinu 2011 en lætur nú af störfum
og segja má að með tónleikunum úti í
London nú í haust kveðji hann hljómsveit-
ina. Leit Sinfóníunnar að nýjum aðal-
hljómsveitarstjóra er því hafin. Arna segir
slíka leit geta tekið nokkurn tíma, jafnvel
einhver ár, enda mikilvægt að hljómsveitar-
stjóri og hljómsveit nái vel saman. „Sá tími
sem hljómsveitin hefur með hljómsveitar-
stjóra fyrir tónleika er naumur, einungis
nokkrir dagar, og sambandið þarf því að
vera gott. Þar er traust lykilatriði, eins og í
öðrum samböndum,“ segir Arna.
Nýlega var samið við finnska
hljómsveitarstjórann Osmo Vänskä um að
vera aðalgestastjórnandi
Sinfóníuhljómsveitarinnar næstu þrjú ár, en
hann var aðalhljómsveitarstjóri 1993 til
1996. „Ráðning Osmo Vänskä sem aðal-
gestastjórnanda hefur þeim mun meiri þýð-
ingu í ljósi þess að hljómsveitin hefur ekki
fengið nýjan aðalhljómsveitarstjóra. Osmo
nær einhverju alveg einstöku út úr hljóm-
sveitinni og samband hans við Sinfóníuna er
sterkt. Hann er dýnamískur hljómsveitar-
stjóri, dregur fram ólíka þræði tónlistar-
innar og gerir það af miklu listfengi.“
Arna segir Sinfóníuna alla tíð hafa lagt
áherslu á að byggja upp náið samband við
aðalhljómsveitarstjóra sinn. „Við stöndum
aldrei ein og margir stjórnendur koma aft-
ur og aftur, t.d. Vladimir Ashkenazy, sem
er heiðurshljómsveitarstjóri Sinfóníunnar,
Petri Sakari og fleiri. Ótrúlegan mun má
heyra á hljómi tónlistarinnar eftir því hver
stjórnandinn er hverju sinni. Hljómsveitar-
stjórinn kemur með sínar áherslur og sé
hljómsveitinni líkt við hljóðfæri má segja að
stjórnandinn sé hljóðfæraleikarinn í þeirri
líkingu.“
Sinfónían vex og dafnar í Hörpu
Mikil umbreyting hefur orðið á starfi Sin-
fóníunnar síðan hún flutti úr Háskólabíói
yfir í Hörpu. „Það tekur auðvitað tíma að
finna sig í nýju umhverfi,“ segir Arna.
„Mér finnst gott að líkja þessu við um-
pottun. Þeir sem hafa græna fingur þekkja
það hvernig planta getur lifnað við og byrj-
að að vaxa og dafna þegar hún er flutt úr
minni potti yfir í stærri. Í okkar tilfelli tók
tíma að læra inn á Eldborg. Í henni eru
nær endalausir möguleikar hvað hljómburð
varðar og ýmist er hægt að lengja eða
stytta óm tónlistarinnar með ómrýmum
SPENNANDI STARFSÁR FRAM UNDAN HJÁ SINFÓNÍUHLJÓMSVEIT ÍSLANDS
Sinfóníuhljómsveit Íslands
í Royal Albert Hall
SINFÓNÍUHLJÓMSVEIT ÍSLANDS BYRJAR NÝTT STARFSÁR MEÐ TÓNLEIKUM Í ROYAL ALBERT HALL Í LONDON.
ARNA KRISTÍN EINARSDÓTTIR, FRAMKVÆMDASTJÓRI SINFÓNÍUNNAR, RÆÐIR VIÐ BLAÐAMANN UM TÓN-
LEIKANA, VÖXT HLJÓMSVEITARINNAR SÍÐUSTU MISSERI, RÁÐNINGU HLJÓMSVEITARSTJÓRANS OSMO VÄNSKÄ
SEM GESTASTJÓRNANDA OG SAMBAND SINFÓNÍUNNAR VIÐ STJÓRNENDUR SÍNA OG ÁHEYRENDUR.
Guðrún Ingibjörg Þorgeirsdóttir gith@mbl.is
Osmo Vänskä, aðalhljómsveitarstjóri Sinfóní-
unnar 1993 til 1996 og nýráðinn aðalgesta-
stjórnandi hennar til þriggja ára.