Morgunblaðið - 04.09.2014, Blaðsíða 24

24 FRÉTTIRInnlent
MORGUNBLAÐIÐ FIMMTUDAGUR 4. SEPTEMBER 2014
Heimir
Bergmann
Sölufulltrúi
630-9000
Kristján Ólafsson hrl.
Lögg. fasteignasali
414-4488
Höfuðborg fasteignasala • Hlíðasmára 2, 6. hæð • 414-4488
Falleg og rúmgóð 4ra-5 herb. þakíbúð í hjarta Reykjavíkur alls 175,9 m2
skv. nýjum eignaskiptasamningi. Íbúðin er í virðulegu og vel viðhöldnu húsi
við Klapparstíg 29. Um er að ræða sögufrægt hús byggt af V. Poulsen 1927
sem rak þar fyrirtæki sitt til áraraða. Verð 61,5 millj.
Bókaðu skoðun í síma 630 9000.
Klapparstígur 29 • Laus strax
Sigurður Bogi Sævarsson
sbs@mbl.is
„Þetta er glæsiskip og það væri
gaman að vera þarna um borð. Von-
andi á maður slíka lystireisu eftir
þegar fram líða stundir,“ segir Gísli
Jóhann Hallsson, yfirhafnsögu-
maður Reykjavíkurhafnar. Eitt
stærsta skemmtiferðaskipið sem
kemur til Reykjavíkur á þessu ári,
Adventure of the Seas, lagðist að
Skarfabakka í eftirmiðdaginn í gær.
Karlarnir sem eru í áhöfn hafnsögu-
bátsins Magna fóru til móts við lysti-
skipið úti á sundunum, en reglum
samkvæmt þarf lóðs alltaf að fylgja
skipstjórum erlendra skipa þegar
þau koma til hafnar hér.
Vink í kýraugunum
Það var við svonefnda Sjöbauju
nokkuð fyrir utan Engey sem Magni
og Adventure of the Seas mættust.
Báturinn og skipið lögðust sam-
síða og af öryggi sté Stefán Hallur
Ellertsson hafnsögumaður upp á
borðstokkinn og greip svo í kað-
alstigann og klifraði um borð í lysti-
skipið. Allt var þetta af miklu öryggi
gert, enda hefur Stefán lengi verið á
þessari vakt og kann að stíga ölduna.
„Þjónusta við skemmtiferðaskipin
er yfir sumartímann orðin býsna
stór þáttur í starfinu hjá okkur. Í
sumar verða þessi skip alls 89 og
fleiri næsta sumar,“ segir Gísli Jó-
hann. Komu hvers skips segir hann
fylgja að fjórir menn fari út á hafn-
sögubát og gengi sex karla taki svo á
móti þegar lagst er að bryggju. Sá
mannskapur sér um að binda land-
festar og veita aðra þjónustu, svo
sem fyllingu á vatnstanka.
Glaðleg andlit sáust á svölum og í
kýraugum lystiskipsins góða og
vinkað var til Magnamanna þegar
skriðið var inn Sundin. Og það var
ábyggilega ástæða til að brosa, enda
eru siglingar með svona skipum
sagðar mikið ævintýri.
Áfram um norðurslóðir
Sigling Adventure of the Seas til
Íslands frá Southampton, sem er við
Ermarsundsströnd Bretlands, tók
um tvo sólarhringa, en skipið gengur
að jafnaði 20 mílur á klukkustund.
Skipið fer úr höfn í Reykjavík í eftir-
miðdaginn á morgun og stefnir þá til
Akureyrar, en þaðan liggur leiðin
svo áfram um norðurslóðir og aftur
til Englands. Um borð eru 3.189 far-
þegar og um 1.500 manns í áhöfn.
Morgunblaðið/Golli
Hafið Starfsmenn Faxaflóahafna fóru til móts við Adventure of the Seas úti á Sundunum. Hér eru Stefán Hallur Ellertsson hafnsögumaður, til vinstri, og Gunnlaugur Pálmason vélstjóri á Magna.
Frá Southampton að Sjöbaujunni
 Adventure of the Seas er eitt af stærstu lystiskipunum sem koma til Íslands í sumar  Farþegarnir
nærri 3.200 og um 1.500 manns í áhöfn  Magni til móts við skipið  Fer til Akureyrar í dag
Fólk Farþegarnir voru forvitnir og voru úti á svölum eða í kýraugum og fylgdust með öllu því sem fram fór.
Skipstjóri Þjónusta við skemmtiferðaskip er stór þáttur í starfinu hjá okkur, segir Gísli Jóhann Hallsson.