Morgunblaðið - 04.09.2014, Blaðsíða 32

32 FRÉTTIRInnlent
MORGUNBLAÐIÐ FIMMTUDAGUR 4. SEPTEMBER 2014
Sigrún Jónsdóttir hefur verið valin
sveitarlistamaður Rangárþings
eystra fyrir árið 2014. Þetta var til-
kynnt um síðustu helgi þegar þar
var haldin svonefnd Kjötsúpuhátíð,
þegar íbúar á Hvolsvelli og á nær-
liggjandi slóðum gerðu sér glaðan
dag.
Sigrún býr á Ásvelli í Fljótshlíð.
Er kennari við Hvolsskóla á Hvols-
velli og starfar að listsköpun ým-
iskonar. Sækir myndefni m.a. í
nærumhverfið. Þá hefur Sigrún að-
stoðað einstaklinga og félagasam-
tök í ýmsu. Má þar nefna að hún
teiknaði sviðsmynd í leikritinu
Anna frá Stóru Borg sem Leikfélag
Austur-Eyfellinga setti upp í fyrra-
vetur við miklar vinsældir á fjöl-
sóttum sýningum. sbs@mbl.is
Sigrún var valin
sveitarlistamaður
Kúnst Listakonan í Fljótshlíð, Sigrún
Jónsdóttir með eitt af málverkum sínum.
Morgunblaðið/Sigurður Bogi
Fræðslusetrið Klif í Garðabæ stend-
ur nú í september fyrir námskeiðinu
Grúsk í vísindum sem er fyrir
krakka á aldrinum 9 til 12 ára.
Markmiðið þar er að vekja áhuga
ungs fólks á jarðfræði, eðlisfræði og
himingeimnum. Tekin verða fyrir
undur ýmissa raungreina svo og
himingeimsins. Könnuð verða eld-
fjöll og jöklar og hið stóra samhengi
sköpunar heimsins kannað. Fjallað
verður um jarðskjálfta, eldgos og
eldfjallagrjót, ljós og liti, tunglið,
Mars og fleiri hnetti. Farið verður í
vettvangsferðir og stjörnuskoðun.
Sævar Helgi Bragason jarðfræð-
ingur leiðbeinir á þessu námskeiði.
Hann er formaður Stjörnuskoð-
unarfélags Seltjarnarness og hefur
mikið fjallað um stjarnfræði, bæði
með skrifum og kennslu. Hefur og
fengið ýmsar viðurkenningar fyrir
störf sín, sem hafa vakið áhuga
barna sem fullorðinna.
Að sögn Ágústu Guðmundsdóttur
hjá Klifinu er efnisskrá haustsins
þar á bæ fjölbreytt að venju. Í boði
verða námskeið í vísindum, list-
dansi, leiklist, tónlist, myndlist og
fleiru.
„Svo erum við líka með fjölda
námskeiða sem virkja sköpunarmátt
barna og fullorðinna,“ segir Ágústa.
Sjá nánar www.klifid.is
Morgunblaðið/Golli
Geimur Sævar Helgi Bragason við stjörnukíkinn í Valhúsaskóla á Nesinu.
Horft til stjarna á
námskeiði í Klifinu
Helgi Bjarnason
helgi@mbl.is
Samtök hestamanna á öllum Norður-
löndunum standa í fyrsta skipti sam-
an að Heimsleikum íslenska hestsins
á leikunum sem fram fara í Herning í
Danmörku í byrjun ágúst á næsta
ári. Úrval-Útsýn býður að venju
ferðir á Heimsleikana í samvinnu við
Landssamband hestamannafélaga
og vonast forsvarsmenn þeirra til að
yfir þúsund Íslendingar fari í ferðina.
Hingað til hafa einstök lönd staðið
að umsókn og mótshaldi. Mótið hefur
því verið haldið víða um Norður-
löndin og önnur Evrópulönd. Raunar
var það haldið í Herning 2003 og
þótti takast vel. „Hugmyndin á bak
við sameiginlega umsókn Norður-
landanna var að halda mótið á þeim
stað sem hefur mesta möguleika til
að draga að sem flesta gesti. Dan-
mörk liggur vel við meginlandinu og
flugsamgöngur þangað eru góðar,“
segir Haraldur Þórarinsson, formað-
ur LH, sem á sæti í stjórn Norður-
landasamtakanna NIF. Danir eru
mótshaldarar enda er gert ráð fyrir
því í lögum FEIF, alþjóðasamtaka
um íslenska hestinn, en fulltrúar
hinna Norðurlandanna taka þátt í
skipulagningu.
Góð aðstaða í Herning
Mótið er haldið á sýningarsvæði í
Herning þar sem stórar landbún-
aðarsýningar eru haldnar. Haraldur
segir að miklar hallir og annað hús-
næði sé á svæðinu og miklir mögu-
leikar til að gera góða hluti. Hins
vegar sé takmarkað hótelrými í
borginni. Það sé meðal annars leyst
með því að útbúa tjald- og hjólhýsa-
svæði.
Ennþá betra væri að halda mótið í
Kaupmannahöfn en þar hafa hesta-
menn ekki aðgang að hentugu svæði.
Haraldur vonast til að gert verði ráð
fyrir slíku, ef byggt verður upp á
Amager eins og áform eru um.
„Keppikefli okkar er að mótið
verði góð kynning fyrir Íslandshesta-
mennskuna en um leið verði í um-
gjörðinni um hestinn lögð áhersla á
það sem sameinar Norðurlöndin,“
segir Haraldur.
Hluti fargjalds til landsliðsins
Íslendingar hafa fjölmennt á suma
Heimsleika og hefur það átt þátt í að
gera þá eftirminnilega. Það skiptir
keppendur Íslands máli að hafa sem
flesta stuðningsmenn að heiman og
getur einnig haft fjárhagslega þýð-
ingu fyrir landsliðið. Áætlað er að
kostnaður við að senda hesta og
landslið út sé um 30 milljónir kr.
Unnið er að fjáröflun, meðal annars
með ístöltmótum á veturna. Samn-
ingur sem LH hefur gert við Úrval-
Útsýn er einnig þýðingarmikill því
ákveðinn hluti af hverjum farmiða
rennur til landsliðsverkefnisins.
Norðurlöndin standa sam-
eiginlega að HM 2015
 Undirbúa þátttöku Íslands í Heimsleikum íslenska hestsins í Herning að ári
Morgunblaðið/Helgi Bjarnason
Íslendingastúkan Íslensku áhorfendurnir stóðu vel við bakið á sínum keppendum á Heimsleikunum í Berlín í fyrra.
Í tilefni þess að
hálf öld er liðin
frá því að Ís-
lendingar hófu
hagnýtingu á
loðnu verður
haldin ráð-
stefna í Háskól-
anum á Akur-
eyri föstu-
daginn 5. sept-
ember klukkan 9.30. Flutt verða 13
erindi.
Markmiðið með ráðstefnunni er
að ná heildstæðu yfirliti um nýtingu
á loðnu og sýna hvað hefur áunnist
á fimmtíu árum. Farið verður yfir
stöðu stofnsins, þróun iðnaðar,
helstu afurðir og markaði, efna-
hagslegt mikilvægi loðnu og mögu-
leg sóknarfæri.
Ráðstefnan er ókeypis og öllum
opin.
Rætt um loðnuveið-
ar í hálfa öld í HA
Lífið er
litríkt
Heildsöludreifing: ACT ehf, Dalvegi 16b, 201 Kópavogi, sími 577 2150
60 ára reynsla á Íslandi
Fæst í eftirfarandi verslunum:
Húsasmiðju búðirnar, BYKO búðirnar, ELKO búðirnar, Hagkaups búðirnar,
Byggt og Búið, Kaupfélag Skagfirðinga, Geisli, Skipavík, Heimkaup.is
Úrval-Útsýn hefur tryggt sér mikinn
fjölda miða í stúku við keppnisvöll-
inn í Herning. Íslendingarnir sem
fara á þeirra vegum geta því haldið
hópinn.
Herning er þannig staðsett að Ís-
lendingar geta farið þangað á ýms-
an hátt. Útval-Útsýn býður því fjöl-
breytta „pakka“, ýmist ferð með
hóteli og aðgöngumiða, allan tím-
ann eða hluta vikunnar, eða hluta
pakkans. Sigurður Gunnarsson,
deildarstjóri íþróttadeildar ferða-
skrifstofunnar, segist renna blint í
sjóinn með fjöldann en miðað við
vaxandi áhuga Íslendinga á Heims-
leikum íslenska hestsins hafi Úrval-
Útsýn tryggt sér aðstöðu til að
þjóna miklum fjölda fólks.
Úrval-Útsýn skipuleggur ferðina í
samvinnu við mótshaldara og LH
og styður landsliðið fjárhagslega.
Von á mörgum Íslendingum
ÍSLENDINGASTÚKA HJÁ ÚRVAL-ÚTSÝN