Morgunblaðið - 04.09.2014, Blaðsíða 42
EM 2016
Sindri Sverrisson
sindris@mbl.is
„Við höfðum það með okkur í síðustu
keppni að það reiknaði enginn með
neinu af okkur. Ég held að við séum
núna búnir að breyta því. Það mun
enginn vanmeta okkur núna,“ sagði
Heimir Hallgrímsson, annars lands-
liðsþjálfara karla í knattspyrnu, við
Morgunblaðið, nú þegar undan-
keppnin fyrir EM 2016 hefst í næstu
viku.
Eftir sögulegan árangur í undan-
keppni HM í Brasilíu standa vonir til
þess að íslenska landsliðið komist nú í
fyrsta sinn í lokakeppni stórmóts.
Liðum í lokakeppni EM hefur verið
fjölgað úr 16 í 24, svo tæplega helm-
ingurinn af þátttökuþjóðunum 53 í
undankeppninni kemst í lokakeppn-
ina í Frakklandi. Frakkar hafa þegar
fengið sæti sem gestgjafar.
Þetta þýðir að í sex liða undanriðl-
inum sem Ísland leikur í dugar að ná
2. sæti til að fá öruggt sæti í loka-
keppninni. Undanriðlarnir eru alls 9
og mun liðið með bestan árangur í 3.
sæti síns riðils einnig komast rakleitt
í lokakeppnina. Hin 8 liðin sem enda í
3. sæti síns riðils, fara í sams konar
umspil og Ísland komst í fyrir HM.
Möguleikarnir eru því til staðar en
Ísland er í sterkum riðli með Hol-
landi, Tékklandi, Tyrklandi, Lett-
landi og Kasakstan. Holland er sterk-
asta liðið, enda bronsliðið frá HM, og
hefur unnið 26 af síðustu 28 leikjum
sínum í undankeppnum stórmóta.
Ætli Ísland sér að komast á EM þarf
liðið því líklega að halda Tékkum eða
Tyrkjum fyrir neðan sig.
„Við trúum því að við eigum mögu-
leika á að fara í lokakeppnina en við
gerum okkur alveg grein fyrir því að
þjóðirnar sem við mætum eru gríðar-
sterkar. Maður nær ekki hátt nema
með því að hugsa hátt. En fólk setur
miklar kröfur eftir góða sigra í síð-
ustu keppni, og það er auðvelt fyrir
leikmenn að fara að trúa því að þetta
verði eitthvað auðvelt. Það sem við
þjálfararnir þurfum því að passa er
að stimpla það inn í hausinn á leik-
mönnum að allir leikirnir verða erf-
iðir, meira að segja gegn liðunum sem
eru fyrir neðan okkur á styrkleikalist-
anum,“ sagði Heimir. Lettland og Ka-
sakstan eru bæði fyrir neðan Ísland á
styrkleikalista FIFA en voru meðal
sterkustu liða sem Ísland gat mætt úr
þeirra styrkleikaflokki.
Tyrkland og Tékkland með urm-
ul af sterkum leikmönnum
„Þau eru bæði tvö mjög erfið. Það
hafa sterkar þjóðir farið til Kasakstan
og tapað, og Lettar hafa komist í loka-
keppni EM áður, gerðu það 2004. Við
megum því ekki falla inn í umræðuna
um að við séum orðnir svo góðir, og
búnir að hækka á einhverjum lista.
Allir þessir leikir eiga eftir að ráðast á
smáatriðum og við verðum að vera
með okkar hluti alveg á hreinu,“ sagði
Heimir og vildi ekki taka undir að Ís-
land hefði verið sérlega óheppið með
riðil þegar dregið var í undankeppn-
ina.
„Það fer bara eftir því hvernig litið
er á það. Þetta eru allt sterk lið í okk-
ar riðli og þau munu taka stig hvert af
öðru, sem þýðir að þegar upp er stað-
ið mun ekki þurfa eins mikinn stiga-
fjölda og annars til að ná 2. eða 3.
sæti. Það má því líka segja að þetta sé
jákvætt. Það er ekkert lið að fara að
rúlla upp þessum riðli þó að Holland
sé kannski líklegast til þess miðað við
frammistöðuna á HM,“ sagði Heimir.
Hann segir ljóst að ef baráttan um 2.
og 3. sæti verði við Tyrki og Tékka þá
verði hún gríðarlega erfið:
„Tyrkland og Tékkland eru með
urmul af sterkum leikmönnum. Af
þeim 24 leikmönnum Tyrkja sem við
mætum í næstu viku spila nánast allir
í Meistaradeildinni eða Evrópudeild
UEFA með sínu félagsliði. Þessi
stærstu lið í Tyrklandi hafa verið að
komast á lokastigin í Meistaradeild-
inni síðustu ár og það segir líka sitt.
Tékkarnir eru líka með frábæra leik-
menn úti um allt. Það verður bara
gaman að kljást við þessi lið. Eftir að
liðunum sem komast í lokakeppnina
var fjölgað í 24 þá eru kröfurnar í
þessum löndum örugglega slíkar að
það verður einhver rekinn ef þau
komast ekki þangað.“
Enginn mun vanmeta okkur núna
Auðveldara að komast í lokakeppni EM en áður 23 þjóðir af 53 fara á EM í Frakklandi Ísland
í sterkum riðli en það hefur líka kosti, segir Heimir Barátta við Tyrki og Tékka um 2. eða 3. sæti?
Morgunblaðið/Ómar
Undirbúningur Fyrirliðinn Aron Einar Gunnarsson og félagar á æfingu á Kópavogsvelli í vikunni en lokaundirbún-
ingur er hafinn fyrir leikinn við Tyrki á Laugardalsvelli næstkomandi þriðjudag, þann fyrsta í undankeppni EM.
Leikir Íslands í undankeppni EM
Útileikir Heimaleikir
Lettland
10. október 2014
Tékkland
16. nóvember 2014
Holland
3. september 2015Tyrkland
9. september 2014
Holland
13. október 2014
Tékkland
12. júní 2015
Kasakstan
6. september 2015
Lettland
10. október 2015
Kasakstan
28. mars 2015
Tyrkland
13. október 2015
42 FRÉTTIRInnlent
MORGUNBLAÐIÐ FIMMTUDAGUR 4. SEPTEMBER 2014
DÚKA KRINGLUNNI SÍMI: 533 1322 SMÁRALIND SÍMI: 564 2011 DUKA.IS
Flora, ný lína frá
DUKA, skreytt
draumkenndum
vatnslitamyndum
eftir sænsku
listakonuna
Malin Björklund
Þrátt fyrir sögulegan árangur í
undankeppni síðasta stórmóts, HM í
Brasilíu sem fram fór í sumar, var
íslenska karlalandsliðið í knatt-
spyrnu í fimmta og næstneðsta
styrkleikaflokki þegar dregið var í
undankeppni EM í febrúar.
Þetta stafar af því að undan-
keppni HM hafði aðeins 40% vægi
þegar þjóðunum 53 í undankeppni
EM var raðað niður í styrkleika-
flokka. Undan- og lokakeppni EM
2012 hafði 40% vægi, og undan- og
lokakeppni HM 2010 hafði 20%
vægi. Í þessum tveimur keppnum
gekk Íslandi skelfilega og vann lið-
ið aðeins 2 af 16 leikjum sínum.
Þetta fyrirkomulag gerir að
verkum að þó að Ísland sé 28. sterk-
asta þjóð Evrópu samkvæmt styrk-
leikalista FIFA þá dugar það
skammt að þessu sinni. Ísland er til
dæmis nú 16 sætum fyrir ofan Lett-
land sem þó var í efri styrkleika-
flokki þegar dregið var.
Ísland dróst í sterkasta undan-
riðil keppninnar sé tekið mið af
stöðu liðanna á styrkleikalista Evr-
ópu þegar dregið var. Sú röðun hef-
ur breyst lítillega. Auk Íslands eru í
riðlinum Holland (nú í 2. sæti),
Tyrkland (20. sæti), Tékkland (22.
sæti), Lettland (44. sæti) og Ka-
sakstan (47. sæti).
Til samanburðar má skoða annan
af lökustu riðlum keppninnar þar
sem eru Þýskaland (1. sæti), Skot-
land (17. sæti), Pólland (32. sæti),
Írland (33. sæti), Georgía (42. sæti)
og Gíbraltar (með í fyrsta sinn).
sindris@mbl.is
Síðasta keppni
taldi bara 40%
Ísland var í næstneðsta flokki og
dróst í sterkasta undanriðil EM
Morgunblaðið/Eva Björk
Góðir Kolbeinn Sigþórsson og fé-
lagar komust í umspilið fyrir HM.