Barnablaðið - 13.09.2014, Blaðsíða 5

BARNABLAÐIÐ 5
krökkum frá löndum sem maður þekkir.
Katrín: Ég og besta vinkona mín tölum saman á
hverju kvöldi.
Tómas: Ég ætla líklega að fara til Kanada á
næsta ári og hitta vini mina.
Katla: Sko, þegar mamma fór út fyrir mörgum
árum þurfti að senda bréf. Núna er hægt að tala
við liðið á Facebook, Facetime eða á Snapchat.
Þannig að það er miklu auðveldara að halda
sambandi.
Tinni: Ég ætla að fara til Ítalíu á næsta ári og
hitta nokkra vini mina.
Hvað fannst hinum krökkunum um Ísland?
Tómas: Það töluðu allir um að Ísland væri gott
land.
Katla: Sumir héldu að við værum bara nokkur
sem bjuggum hérna og allir ríkir. Aðrir héldu að
við værum margar milljónir.
Tinni: Á einni kvöldvöku kynntum við Ísland fyrir
hinum. Við vorum búin að taka upp myndband
sem við sýndum.
Þið voruð samanlagt í fjórar vikur,
var þetta ekki langur tími?
Katrín: Þetta var eiginlega bara eins og vika,
eða tveir dagar. Þetta var svo fljótt að líða.
Tinni: Fyrstu helgina hjá kóreskri fjölskyldu, svo
í sumarbúðunum og enduðum svo aftur hjá
fjölskyldu með vinum sem við höfðum kynnst.
Tómas: Það klikkaðasta í ferðinni var að fara í
topp 5 stærsta rússíbana í heimi. Hann var úr
viði og fór á 104 kílómetra hraða.
Mælið þið með því að krakkar fari
í sumarbúðir CISV?
Katrín: Já, klárlega. Það besta er að kynnast
svona mörgum krökkum. Það er mjög gaman að
upplifa þetta og við lærðum helling.
Tómas: Maður æfir sig mjög mikið í ensku.
Katla: Þegar maður kemur heim er maður allt
önnur manneskja, allir jákvæðir og hressir og
með annað hugarfar til lífsins.
Tinni: Við ætlum pottþétt aftur í sumarbúðir
CISV.
Katrín: Ég ætla að biðja um þetta
í fermingargjöf.
Tómas: Þetta er það besta sem
maður getur gert.
Katla: Það er hægt að sækja um og fá allar
nánari upplýsingar á www.cisv.is
Hvert mynduð þið vilja fara næst?
Katrín: Held ég myndi velja Ástralíu.
Katla: Japan eða Nýja-Sjáland.
Tinni: Mig langar til Afríku.
Tómas: Filippseyja.
Hver eru helstu áhugamál ykkar?
Katrín: Söngur og CISV. Svo er ég Íslands-
meistari í handbolta með Gróttu og spila á gítar
og þverflautu.
Katla: Áhugamálið mitt er CISV, vinir mínir og
fjölskylda, fimleikar og píanó.
Tómas: Ég er Íslandsmeistari í karate. Svo finnst
mér gaman að leika mér í fótbolta og búa til
myndbönd og klippa.
Tinni: Fótbolti, handbolti, skák, gítar, myndlist,
bandí. Æfði líka einu sinni tennis.
Hvað ætlið þið að verða þegar þið verðið stór?
Tinni: Forseti.
Katrín: Söngkona eða innanhúsarkitekt.
Katla: Innanhúsarkitekt.
Tómas: Leikstjóri.
Kynnast nýjum
menningarheimi.
Krakkar frá öllum
heimshornum.
KATLA SIGRÍÐUR
TÓMAS NÓI
KATRÍN ANNA
TINNI