Barnablaðið - 08.11.2014, Blaðsíða 4
BARNABLAÐIÐ4
Getið þið sagt mér aðeins frá
Töfraflautunni?
Fanný: Þetta er mjög skemmtileg
sýning.
Jasmín: Þetta er ópera sem er
sérstaklega gerð fyrir börn.
Birta: Þessi sýning getur kennt
krökkum ýmislegt, til dæmis hvað
ópera er skemmtileg.
Hvert er hlutverk ykkar í
sýningunni?
Fanný: Ég er fyrsta vætt.
Birta: Ég er þriðja vætt, við sjáum
um að bjarga málunum. Við
birtumst á þeim tímum þar sem allt
er á leiðinni í vaskinn. Þá komum
við og gefum góð ráð.
Jasmín: Við erum hálfgerðir
sögumenn.
Hvernig myndir þú lýsa verkinu?
Jasmín: Þetta er mjög spennandi.
Þetta er sannkallað ævintýri.
Birta: Já, þetta er svona
ástarævintýri.
Hvað gerið þið í sýningunni?
Fanný: Við syngjum, leikum og
tölum.
Jasmín: Já, við
hreyfum okkur
mikið um sviðið
og erum
einskonar
sviðsmenn.
Er þetta
ekkert erfitt,
að leika í
svona stórri
sýningu?
Birta: Við höfum leikið
í þessu verki áður, þá fyrir
fullorðna, þannig að sú reynsla
hjálpar. Þetta er bara svo rosalega
skemmtilegt.
Hvernig komust
þið inn í
leiklistina og
sönginn?
Jasmín:
Ég hef
verið að æfa söng
og svo hef ég líka
æft leiklist. Svo
er ég í kór.
Birta: Já, ég er
búin að vera í
kór síðan ég var
þriggja ára og svo
fór ég í söngnám
þegar ég var sjö ára
Fanný: Ég hef verið
í kór frá fimm ára aldri
og líka æft ballett. Svo er ég að
kenna ungum krökkum leiklist. Svo
er ég í fiðlunámi.
Hvað mynduð þið
vilja segja við þau
börn sem hafa
áhuga á leiklist og
sönglist og íhuga
að taka þátt í
leikriti?
Jasmín: Þetta er
mjög skemmtilegt
og kennir manni
mikið, þetta hjálpar
þó að maður ætli
ekki að verða leikari
eða söngvari þegar
maður verður stór.
Birta: Já, ég
mæli með því að
fara þá í kór eða
sækja einhver
leiklistarnámskeið.
Þetta er alveg þess
virði.
Fanný: Já, maður
lærir mjög mikið.
Er ekkert krefjandi að æfa fyrir
leikrit?
Fanný: Jú, svolítið en ég reyni að
pæla ekkert í því. Þetta getur verið
erfitt en á sama tíma er þetta svo
skemmtilegt. Ef maður hugsar til
baka þá minnist maður þess hvað
þetta var skemmtilegt.
Birta: Þetta er alltaf þess virði,
þetta er svo skemmtilegt og
svakalega góð reynsla.
Jasmín: Svo kynnist maður svo
skemmtilegu fólki. Maður þarf
oft að bíða í langan tíma en
þá er maður alltaf umkringdur
skemmtilegu fólki.
Hvað eruð þið búnar að æfa ykkur
lengi fyrir Töfraflautuna?
Birta: Ekki lengi, kannski svona
tvær til þrjár vikur.
Hver eru áhugamál ykkar?
Jasmín: Myndlist og auðvitað
leiklist og söngur. Svo hef ég líka
áhuga á náttúrunni.
Birta: Ég er algjör sveitastelpa og
svo hef ég gaman af motorcrossi.
En annars er það bara söngurinn,
númer eitt, tvö og þrjú.
Fanný: Ég er mikið fyrir að koma
fram, það er mitt aðaláhugamál.
Svo er sýningin frumsýnd
16. nóvember, eruð þið ekki
spenntar?
Birta: Ótrúlega spenntar!
Jasmín: Jú, mjög.
„Þetta
er alltaf
þess virði,
þetta
er svo skem
mtilegt
og svakale
ga góð
reynsla.“
Þær Fanný Lísa Hevesi, Jasmín Kristjánsdóttir og Birta Dröfn Valsdóttir
leika í skemmtilegri barnaóperu sem heitir Töfraflautan og verður
frumsýnd hinn 16. nóvember í Hörpu. Fanný, Jasmín og Birta eru á
aldrinum 14-18 ára og þær hafa allar brennandi áhuga á leiklist og
söng. Sýningin, sem er samstarfsverkefni Töfrahurðarinnar, Íslensku
óperunnar og Hörpu tónlistarhúss, er fyrir alla þá sem hafa gaman af
spennandi ævintýrum að sögn þeirra Fannýjar, Birtu og Jasmín.
ÆTLA AÐ NJÓTA
ÞESS Í BOTN AÐ
VERA Á SVIÐINU
Þær Fanný, Birta og Jasmín leika í
barnaóperunni Töfraflautan.
Það er sko fjör að fá að leika á stóru sviði.