Málfríður - 15.03.2005, Side 6
6 MÁLFRÍÐUR
áhersla á fjölmenningarlega álfu þar sem fólk lærir
a.m.k. 2 erlend tungumál og kynni sér fleiri og er
það liður í því að auka skilning á milli þjóða og efla
friðarfræðslu.
Hugleiðingar um áframhaldandi samstarf
á alþjóðagrundvelli
Eins og minnst er á hér að framan kom fram
óánægja með tímasetningu á atburðum sem tungu-
málasamtökin skipuleggja. Þegar STÍL hélt sína
ráðstefnu í Reykjavík mætti nokkur fjöldi íslenskra
kennara, en á ráðstefnuna í Tallin mættu 2 kennarar
frá Íslandi, auk fyrirlesarans og það sama endurtók
sig nú í ár. Er enginn áhugi á alþjóðlegu samstarfi?
Er tímasetningin röng? Eða er ekki lengur áhugi á
námskeiðum á alþjóðlegum vettvangi? Við vitum
öll að nokkuð hefur dregið úr aðsókn á námskeið
undanfarin ár í kjölfar síðustu samninga, en liggur
öll sökin í því?
Heimsþing FIPLV var haldið í Jóhannesarborg
sumarið 2003 og sóttu það Íris Mjöll Ólafsdóttir og
Þórhildur Oddsdóttir, sem báðar sitja í stjórn STÍL.
Gagnrýna þær mjög skipulag þingsins og hversu
mjög faglegt það var og telja þær að slíkt þing höfði
ekki til hins almenna kennara, sem samt hefur áhuga
á því að hitta erlenda starfsfélaga sína og kynn-
ast þeirra aðstæðum. Samtök tungumálakennara í
Englandi, í Þýskalandi og Frakklandi hafa einnig
gagnrýnt mjög starfsemi FIPLV og hafa ekki greitt
gjöld sín til þeirra, sem jafngildir því að þau hafa
sagt sig úr þeim samtökum. Gagnrýni þeirra bygg-
ist einkum á þremur atriðum: of há aðildargjöld (um
36.000 Ikr), mjög dýrt að sækja fundi og ráðstefnur
sem haldnar eru út um allan heim og minnkandi
starfsemi Vestur- Evrópu deildar FIPLV, sem þau
telja að endurspegli ekki Evrópu eins og hún er í
dag. Evrópunefndin hefur hvatt þessi samtök til að
stofna ný evrópsk samtök og hefur STÍL verið boðið
að taka þátt í umsókninni til nefndarinnar. Á síðasta
stjórnarfundi STÍL var ákveðið að kanna ástæður
fyrir þessari umsókn og taka þátt í henni ef ástæða
þætti til þess. Var það gert og eru ástæður þessar
helstar lítil aðsókn að málþingum og ráðstefnum
NBR, eins og að ofan getur, há aðildargjöld, langt að
sækja þing á vegum FIPLV, sem ekki heldur höfða
til okkar, og von um að í sameinuðum evrópskum
samtökum verði öflugt samstarf við fleiri þjóðir
sem eru okkur nákomnar. Við viljum þó taka fram
að samstarfið við norrænu samtökin og Eystrasalts-
löndin hefur verið mjög gott, einkum hefur verið
verðmætt að kynnast og aðstoða kennara í Eistlandi
og Lettlandi við að stofna samtök og standa fyrir
málþingi. Hefur það samstarf orðið til þess að þessir
kennarar finna að þeir tilheyra þessum hluta Evr-
ópu og einnig höfum við átt þess kost að kynnast
aðstæðum þeirra og sjáum ríka ástæðu til að halda
því samstarfi áfram til að styrkja stöðu þeirra. Stjórn
STÍL er ekki reiðubúin að segja samtökin úr FIPLV
að svo stöddu vegna
hins góða samstarfs
sem við höfum átt við
NBR, en við munum
skoða málið þegar
ljóst verður hvernig
hin evrópsku samtök
verða og hversu há
gjöld þarf að borga
til þeirra. Það væri
vel þegið að þeir sem
skoðun hafa á þessum
málum komi skoðun-
um sínum á framfæri
í sínum fagfélögum
eða við stjórn STÍL.
Hérna er viðeigandi
að minna á vefsíðu
STÍL www.stil.is, þar
sem er að finna upp-
lýsingar um fagfélög-
in, stjórnir þeirra sem
og stjórn STÍL.
Goethe-Zentrum
Reykjavík
Kulturprogramm
Kurse und Stipendien
Bücher, Videos, Zeitungen, Zeitschriften
Ideen für den Deutschunterricht
goethe@goethe.is
www.goethe.is
Laugavegi 18, í húsi Máls og menningar, sími 551 6061