Málfríður - 15.03.2005, Blaðsíða 20
20 MÁLFRÍÐUR
Í tilefni 75 ára afmælis frú Vigdísar Finnbogadóttur
15. apríl stendur Stofnun Vigdísar Finnbogadóttur
í erlendum tungumálum fyrir veglegri alþjóðleg-
ri ráðstefnu undir fyrirsögninni „Samræða milli
menningarheima“. Framámenn og virtir sérfræð-
ingar víðsvegar að úr heiminum fjalla um hnatt-
væðingu og fjölbreytileika, en þessir þættir hafa
óneitanlega áhrif á þá öld sem nú er hafin. Sjónum
verður beint að fjölbreytileika menningar og tungu-
mála, efnahagslífi, stjórnmálum og tækniþróun.
Ráðstefnan er haldin í samvinnu við rektor Háskóla
Íslands, utanríkisráðuneytið, menntamálaráðuneyt-
ið, Reykjavíkurborg og Norrænu ráðherranefndina.
Heiðursnefnd skipa: Kofi Annan, framkvæmda stjóri
Sameinuðu þjóðanna, Valéry Giscard d’Estaing,
fyrrum forseti Frakklands, Richard von Weizsäcker,
fyrrum forseti Vestur-Þýskalands, Halldór Ásgríms-
son, forsætisráðherra, Davíð Oddsson, utanríkis-
ráðherra, Þorgerður Katrín Gunnarsdóttir, mennta-
málaráðherra, Rannveig Guðmundsdóttir, forseti
Norðurlandaráðs, Steinunn Valdís Óskarsdóttir,
borgarstjóri Reykjavíkur, Sigurður Blöndal, fyrrver-
andi skógræktarstjóri (1978-1990) og Páll Skúlason,
rektor Háskóla Íslands.
Lykilfyrirlesarar
• Mary Robinson - Forseti Írlands 1990-1997.
Mannréttindafulltrúi Sameinuðu þjóðanna 1997-
2002. Fyrirlestur á ensku.
• David Crystal - Prófessor og sérfræðingur í tungu-
málum í útrýmingarhættu. Fyrirlestur á ensku.
• Blandine Kriegel - Prófessor og sérfræðingur
í málefnum innflytjenda. Sérstakur ráðgjafi
Jacques Chirac, forseta Frakklands um mannrétt-
indi og málefni nýbúa. Fyrirlestur á frönsku.
• Rufus H. Yerxa – Aðstoðarframkvæmdastjóri
Alþjóðaviðskiptastofnunarinnar (WTO).
Málstofur verða á íslensku og erlendum málum.
Nauðsynlegt er að skrá sig fyrirfram á málstofurnar.
Skráningareyðublað má finna á vef ráðstefnunnar
http://vigdis.hi.is/sm/. Dagskráin er enn í vinnslu
og nýjar upplýsingar eru færðar inn daglega á vef
ráðstefnunnar. Þar er að finna nánari upplýsingar
um flestar málstofurnar, bæði um efnið og um fyrir-
lesara. Eins eru þar gefin upp staður og stund fyrir
hverja málstofu fyrir sig.
Málstofur á íslensku
1. Ferðamál, tungumál og menning
Þróun ferðaþjónustu á Íslandi. Menningartengd
ferðaþjónusta. Hvað ræður för erlendra ferða-
manna? Þáttur bókmennta, myndlistar og tónlistar.
Samskipti Íslendinga við erlenda ferðamenn. Hvaða
áhrif hafa ferðamennirnir á íslenskt menningarlíf?
2. Veljum Vigdísi. Á forsetastóli 1980-1996
Aðdragandi framboðs Vigdísar og kjör hennar,
umræðan og viðbrögðin. Hvað einkenndi Vigdísi
í samanburði við aðra forseta?
3. Heilsa, samfélag og hjúkrun
Fjallað verður um hjúkrun og alþjóðavæðingu á
fyrri hluta 20. aldar, geðheilsu barna og unglinga,
kynheilbrigði í alþjóðlegu samhengi og hvernig
ýmsir áhrifaþættir geta stuðlað að eða dregið úr
kynheilbrigði fólks og menningu og samskipti
starfsfólks og vistmanna á öldrunarstofnunum.
4. Biblíu- og sálmaþýðingar að fornu og nýju
Fjallað verður um biblíu- og sálmaþýðingar hér
á landi að fornu og nýju, gildi þeirra og áhrif á
þróun íslensks máls og einnig hugað að hvernig
greina megi málhreinsunarstefnu í þeim og jafn-
vel sjálfstæðisbaráttu þjóðarinnar.
5. Að yrkja (um) landið
Málstofa um landvernd, landgræðslu og skóg-
rækt. Birtingarmyndir íslenskrar náttúru í mynd-
list, bókmenntum og kvikmyndum.
6. Fólksflutningar og tungumál
Dregin verða fram sameiginleg þemu í afstöðu
og hugmyndum innflytjenda til nýja málsins og
hins gamla.
7. Tækniþróun og umhverfisvernd - óásættanleg
sjónarmið?
Fjallað verður um þau vandamál sem mikil hag-
vöxtur getur skapað og fórnir sem þarf að færa við
verndun umhverfis og náttúru samfara honum.
8. Menntun, menning og mannrækt
Í samvinnu við skorar í uppeldis - og menntunar-
fræði. Lýsing er væntanleg.
9. Íslenska - í senn forn og ný.
Fjallað verður um íslenska tungu með hliðsjón
af því að hún er í senn þrautræktað bókmennta-
mál með fornar rætur og óvenjulega lítt breytt
að formgerð frá elstu tíð – og samskiptatæki í
háþróuðu nútímasamfélagi sem er undirorpið
sífelldum breytingum og nýjungum.
Samræður milli menningarheima
Ráðstefna til heiðurs frú Vigdísi Finnbogadóttur 14. og 15. apríl 2005