Málfríður - 15.03.2013, Blaðsíða 5

Árið 1989 hóf Verzlunarskólinn, undir forystu
Kirstenar Friðriksdóttur, þátttöku í erlendu samstarfi
af alvöru, upphaflega í gegnum Nordplus áætlunina.
Grunnurinn var lagður 1987 en síðan þá hefur mikið
vatn runnið til sjávar og starfsemin hefur dafnað
og aukist jafnt og þétt. Fjöldi þeirra nemenda sem
tekið hafa þátt í erlendum verkefnum er orðinn æði-
mikill. Nákvæmar tölur yfir fyrstu árin eru ekki til
en frá árinu 1997 reiknast okkur til að hátt í 2.000
nemendur hafi tekið þátt í alþjóðaverkefnum, ýmist
með eða án styrkja. Ástæðan fyrir þessu blómlega
alþjóðastarfi er ekki hvað síst sú að skólastjórar skól-
ans hafa ávallt staðið við bakið á þessari uppákomu
og stutt starfsemina og kennara sem í þessu hafa
staðið. Í upphafi voru nemendaverkefnin eingöngu
í gegnum Nordplus junior en fljótlega bættust við
verkefni innan Comeniusar-og Leonardo da Vinci
áætlananna.
En hvað gerir kennari sem hefur áhuga á að taka
þátt í verkefnum með erlendum skólum?
Finna samstarfsaðila
Fyrst þarf að finna skóla sem maður telur að hægt sé
að vinna með. Mikilvægt er í þessu sambandi að hafa
í huga aldur nemenda, þannig að hann sé mjög svip-
aður hjá þeim aðilum sem eru að vinna saman, og að
skólinn sem vinna á með sé á svipuðu stigi. Hægt er
að fara inn á heimasíðu Nordplus junior, http://www.
nordplusonline.org/eng/nordplus/find_a_partner, og
leita að samstarfsaðila á Norðurlöndum og í Baltnesku
löndunum. Fyrir verkefni innan Comenius áætlunar-
innar er hægt að skrá sig á eTwinning, http://www.
etwinning.is/, og leita þar að samstarfsaðila. Mjög
gott er að byrja verkefni með eTwinning. Þannig geta
kennarar og nemendur byrjað að vinna saman og ef
vel gengur haldið áfram og sótt um styrk til nemenda-
skipta eða annarra samstarfsverkefna.
Tegund verkefna
Verkefni sem eru styrkt af Nordplus junior eru nem-
endaskiptaverkefni.
Um er að ræða tvenns konar verkefni sem styrkt eru
af Comenius. Annars vegar nemendaskiptaverkefni og
hins vegar skólaverkefni. Nemendaskiptaverkefni eru
eins og nafnið segir styrkir til gagnkvæmra nemenda-
skipta milli tveggja landa. Hægt er að sækja um styrk
fyrir allt að 24 persónur (nemendur og kennara).
Skólaverkefnin standa yfirleitt yfir í tvö ár. Þau eru
nemenda- og kennaraverkefni og eru samstarfsverk-
efni að minnsta kosti þriggja landa og verða minnst tvö
þeirra að vera ESB-lönd. Sótt er um styrk til að vinna
verkefni sem öll þátttökulöndin hafa komið sér saman
um að unnið sé með. Styrkurinn er veittur til funda
í aðildarlöndunum en þangað fara nokkrir nemendur
með kennurum sínum. Dæmi um slíkt verkefni sem
Verzlunarskólinn stýrði og er nýlega lokið er verkefnið
Finding My Voice en heimasíðu þess má sjá á http://
findingmyvoice.verslo.is.
Tryggja þarf að samskipti kennara í verkefninu séu
góð og regluleg. Það er mikilvægt að fundargerðir séu
vel og samviskusamlega unnar og að öllum sé ljóst
hvað eigi að gera, hvenær og hvernig. Ef samskiptin
ganga ekki vel og eru ekki opin og einlæg er hætt við
að minna verði úr framkvæmdum en greint er frá í
umsókninni og að fullur styrkur fáist þá ekki. Við sam-
þykkt umsóknar eru greidd 80% af styrknum.
Stuðningur skólastjórnenda
Erlend samskiptaverkefni eru tímafrek og því er
mikilvægt að stjórn skólans sé hlynnt þeim og styðji
við bakið á þeim kennurum sem vilja taka þátt í þeim.
Skólinn verður einnig að gera ráð fyrir að þurfa að
greiða einhvern kostnað við móttöku nemenda og
kennara, hvort sem er á fundum eða í nemendaskipt-
um.
MÁLFRÍÐUR 5
Kirsten FriðriksdóttirBertha S .
Sigurðardóttir
Bertha S. Sigurðardóttir, enskukennari og verkefna-
stjóri alþjóðaverkefna við Verzlunarskóla Íslands.
Kirsten Friðriksdóttir, fyrrverandi dönskukennari og
verkefnastjóri alþjóðaverkefna við Verzlunarskóla
Íslands
Tungumálaferðir og nemendaskipti:
Framhaldsskólanemendur á faraldsfæti