Málfríður - 15.03.2013, Blaðsíða 6

Gerð umsóknar
Gerð umsóknar er tímafrek og mjög mikilvægt að
vanda til verksins þar sem oft sækja fleiri um en fá
styrk. Nauðsynlegt er að byrja á að kynna sér umsókn-
arfrest og gæta þess að hafa nægan tíma til að vinna
umsóknina, ekki minna en einn mánuð.
Þeir sem vilja sækja um styrk, hvort sem það er
Nordplus eða Comenius, skulu ekki hika við að leita sér
aðstoðar hjá Alþjóðaskrifstofunni. Starfsmenn hennar
eru afar hjálpsamir og boðnir og búnir að veita aðstoð.
Ein af ástæðunum fyrir því, hversu tímafrek og
ítarleg umsóknin er, er sú að þar er ferðin eða verk-
efnið skipulagt í smáatriðum frá mánuði til mánaðar.
Umsækjandi þarf að lýsa nákvæmlega hvað á að gera
og hvaða afurðum á að skila.
Val á nemendum
Þegar manni berast þau gleðitíðindi að umsóknin hafi
verið samþykkt er næsta skref að velja nemendur. Gera
má ráð fyrir að við gerð umsóknar sé kennari með
ákveðinn nemendafjölda í huga. Í Nordplus junior
áætluninni er t.d. hægt að sækja um nemendaskipti fyrir
heilan bekk ásamt kennurum. Í Comeniusaráætluninni
er hins vegar gert ráð fyrir í mesta lagi 24 ferðum (far-
seðlum), hvort sem um nemendaskiptaverkefni eða
skólaverkefni er að ræða.
Lokaskýrslan
Lokaskýrslan er til að staðfesta að allt hafi verið gert
sem greint er frá í umsókninni og farið var af stað með.
Þegar lokaskýrslan hefur verið samþykkt eru greidd
síðustu 20% af styrknum.
Afurðir
Alþjóðaskrifstofan vill mjög gjarnan fá fréttir af gangi
verkefna á meðan þau standa yfir og sýnishorn af
afurðum verkefnisins. Hvorttveggja stuðlar að því
að þátttakendur séu að gera það sem tilgreint var í
umsókninni.
Reynsla Verzlunarskólans
Verzlunarskólinn hefur tekið virkan þátt í flestum
gerðum verkefna innan áætlana Nordplus junior
(og Nordplus språk) og Comeniusar ásamt nokkrum
verkefnum studdum af Lenoardo da Vinci áætlun
ESB. Þar hefur auk eTwinning nemendaskipta- og
skólaverkefna einnig verið um að ræða lærdóms-
heimsóknir kennara í skóla erlendis (Comenius Job
Shadowing og Leonardo mannaskiptaverkefni bæði
nemenda og kennara), samstarfsverkefni og yfir-
færsluverkefni.
Verzlunarskólinn hefur oftar en ekki átt frumkvæði
að verkefnum og verið stýriskóli og haft mikla gleði og
ánægju af þeim öllum. Það væri erfitt, ef ekki óhugs-
andi, að ætla sér að segja að einhver ein tegund verk-
efnis væri betri en önnur. Í stað þess viljum við benda á
heimasíðu skólans http://www.verslo.is/erlend-sam-
skipti/ þar sem eru lýsingar á mörgum verkefnanna
frá árinu 1999 – 2012.
Að lokum
Það er skemmst frá því að segja að bæði nemendur
og kennarar sem tekið hafa þátt í alþjóðaverkefnum í
Verzlunarskólanum undanfarin tæp 20 ár hafa haft af
því bæði gagn og gaman. Að fara út úr skólastofunni
og kynnast öðrum menningarheimum er einkar þrosk-
andi fyrir nemendur og gott vegarnesti á lífsleiðinni.
Nemendur uppgötva þá gjarnan að þrátt fyrir ólíka
menningu og siði er fleira sem sameinar þá en sundrar.
Við kennararnir höfum líka svo gott af að hitta kollega
okkar í öðrum löndum, kynnast því hvernig þeir vinna
og ræða störf okkar þvert á landamæri. Þegar vel til
tekst eignumst við oft vini fyrir lífið, bæði nemendur
og kennarar.
6 MÁLFRÍÐUR