Málfríður - 15.03.2013, Page 8
Það voru mikil gleðitíðindi þegar Grunnskóla
Bolungarvíkur bárust þær fréttir að hann hefði hlotið
styrk úr Comeniussjóði Evrópusambandsins til að fara
í samstarf við erlenda skóla. Skólinn hafði ekki tekið
þátt í slíku verkefni áður og því var bæði spennandi og
ögrandi að leggja í þá vegferð.
Segja má að tilviljun ein hafi ráðið því að þessi vinna
hófst, því einn af fyrrverandi starfsmönnum skólans,
Iris Kramer tónlistarkennari, hafði frumkvæði að því
með skemmtilegum hætti að undirrituð og skólastjóri
skólans sem Íris starfar nú við í Hamborg í Þýskalandi
ræddu saman í beinni útsendingu um skólamál á
svæðisútvarpsstöðinni Lífæðinni sem rekin hefur verið
í Bolungarvík í desember ár hvert. Til að gera langa
sögu stutta bauð þýski skólastjórinn okkur að taka þátt
í umsókn um Comeniusstyrk sem hann ásamt fimm
öðrum skólum í Evrópu var með í undirbúningi. Það
var því ekkert að gera annað en bretta upp ermar, „ráð-
ast á umsóknarpappírana“ og byrja að fylla út!
B.E.L.L. Business of Economics and
Language Learning!
Logo Fairtrade .
Samstarfsverkefnið sem hlaut
nafnið Business Economics
Language Learning, skamm-
stafað B.E.L.L., átti að fjalla um
hugmyndafræði Fairtrade, um
sanngjörn viðskipti, að kenna
nemendum að búa til viðskipta-
og markaðsáætlanir, og megin-
áhersla var lögð á ensku sem
viðskiptatungumál.
Skemmst er frá því að segja
að verkefnið hefur verið einstaklega lærdómsríkt og
viðfangsefnin fjölbreytt innan þess, þar sem nem-
endur og kennarar hafa fengið að takast á við fjölþætt
úrlausnarefni af ýmsu tagi, á ensku. Kennarar hafa ekki
síst ávinning af samstarfinu. Verkefnin voru fjölþætt
og mikið af nýrri þekkingu, sem ekki hefði verið rúm
fyrir innan hefðbundins námsefnis, varð til í gegnum
samstarfið.
Þátttökulöndin í verkefninu voru sex. Auk Íslands
voru þátttakendur frá Tékklandi, Spáni, Lúxemborg,
Þýskalandi og Austurríki.
Ferðalög, fjör og frábærar hugmyndir
Logo „Café horse“, hannað
af Patryk, nemanda í 10 .
bekk .
Allir nemendur í 10. bekk
Grunnskóla Bolungarvíkur
fengu að fara til útlanda vegna
verkefnisins, en auk þess tóku
bæði skólastjóri og aðstoðar-
skólastjóri auk enskukennar-
ans þátt í verkefninu. Tveir til
fjórir nemendur fóru í hverja
ferð og voru ákveðin við-
fangsefni tengd hverri ferð.
Við vorum til að mynda stolt
af því að meðal verkefna nem-
endanna var að koma með viðskiptahugmynd sem átti
síðan að vinna viðskipta- og markaðsáætlun fyrir.
Haldin var samkeppni innan hópanna í hverju landi,
en síðan átti hvert land að velja eina viðskiptahug-
mynd og fullvinna hana. Í ferðinni til Hamborgar var
svo samkeppni um bestu viðskiptahugmyndina og
voru fagaðilar í markaðsmálum og Fairtradeviðskiptum
dómarar. Við vorum afskaplega stolt af því að íslenska
viðskiptahugmyndin um „Café horse“ hlaut fyrstu
verðlaun dómnefndarinnar en hún gengur út á að
opna kaffihús í litlum húsum nærri hesthúsahverfum á
Íslandi þar sem eingöngu verði boðið upp á
Fairtradekaffi og meðlæti!
Við tókum svo að sjálfsögðu á móti gestum til
Bolungarvíkur. Það er óhætt að segja að allir bæjarbúar
hafi tekið þátt í verkefninu því einn þáttur þess var m.a.
að kynna hugmyndafræði Fairtrade á okkar svæði. Í
dag hafa líklega flestir Bolvíkingar heyrt um Fairtrade
og vara merkt Fairtrade fannst einnig í verslunum
í bænum okkar! Meðal annars voru framkvæmdar
kannanir meðal íbúa um þekkingu á Fairtrade-
hugmyndafræðinni. Foreldrar voru einnig virkir þátt-
takendur, m.a. með þátttöku í móttöku nemenda og
kennara. Allir starfsmenn skólans voru einnig virkir
8 MÁLFRÍÐUR
Soffía Vagnsdóttir, skólastjóri
Grunnskóla Bolungarvíkur
Tungumálaferðir og nemendaskipti:
Grunnskóli Bolungarvíkur
– lítill skóli í miklu samstarfi