Málfríður - 15.03.2013, Blaðsíða 9
þátttakendur meðan á dvöl gestanna stóð og meðal
annars. tóku yngri nemendur skólans þátt í móttöku
með söng og sýningum.
E-twinning – markaðstorg ævintýranna
Notkun e-twinning var stór þáttur í verkefninu.
E-twinning er sannkallað markaðstorg ævintýranna.
Á e-twinning-svæðinu geta skólar, kennarar og nem-
endur skapað stórkostleg tækifæri til samstarfs við
aðra skóla í Evrópu. Þar er hægt að vinna með texta,
myndir, myndbönd og fleira. Samstarf getur tengst
öllum námsgreinum og öllum sviðum skólastarfs.
Aukin færni á sviði tungumálanotkunar og aukinn
skilningur á ólíkri menningu samstarfsþjóða stækk-
ar heimsmynd bæði nemenda og kennara. Auðvelt
er að kynna sér notkun e-twinning með því að fara
á heimasíðu e-twinning á Íslandi, www.etwinning.
is. Á skrifstofu e-twinning er einnig mjög elskulegt
starfsfólk sem aðstoðar fúslega við að hefja þátttöku.
Ávinningur Evrópusamstarfs
Í mínum huga er samstarf af því tagi sem Grunnskóli
Bolungarvíkur hefur tekið þátt í gríðarlegur ávinningur
fyrir skólastarfið í heild. Fyrstu skrefin til að hefja þátt-
töku eru þó erfiðust. Umsókn um Comeniusstyrk er
töluverð vinna í upphafi en síðan er auðvelt að miðla
þeirri reynslu áfram til fleiri kennara, og það höfum
við gert í okkar skóla eftir að B.E.L.L. verkefninu lauk.
Nýir kennarar hafa bæst í hópinn og nú hefur skólinn
farið af stað með tvö ný verkefni. Það er gaman að sjá
hve kennarar blómstra og nemendur njóta ávinnings
þessa starfs á svo mörgum sviðum. Það má líka segja
að þátttaka í evrópsku samstarfi sé stór endurmennt-
unarþáttur fyrir kennara.
E-twinning verðlaun
Á e-twinning-ráðstefnu sem haldin var í Lissabon í
mars 2013 hlaut B.E.L.L. verkefnið verðlaun í flokki
verkefna fyrir 16–20 ára nemendur. Það voru glaðir
kennarar og stjórnendur frá Íslandi, Tékklandi, Spáni,
Þýskalandi, Luxemborg og Austurríki sem tóku á móti
viðurkenningunni sem kom ánægjulega á óvart. Í þess-
um hópi hefur skapast kær vinskapur og löngun til að
halda áfram samstarfinu.
Þegar allt kemur til alls er öflugt, evópskt skóla-
samstarf stór þáttur í að vinna að heimsfriði. Þetta fá
nemendur mínir að heyra. Auk inn skilningur, víðsýni,
þekking og eig in
ögrun til samstarfs á
öðru tungumáli eru
mikilvægir þættir í
þessu ferli öllu sam-
an.
Ég hvet íslenska
grunnskóla sem ekki
hafa gert það nú
þegar að hefja þessa
vegferð.
Frá afhendingu verðlaunanna í
Lissabon . Fulltrúar frá Spáni, Þýska
landi, Tékk landi, Íslandi, Luxemborg
og Austurríki .
MÁLFRÍÐUR 9
Allur B .E .L .L . hópurinn saman kominn eftir tískusýningu í Luxemborg, þar sem eingöngu var kynntur Fairtradefatnaður, en auk þessu
sköpuðu nemendur eigin framleiðslu úr endurunnu efni, m .a . skartgripi, töskur, fatnað og fleira .