Selfoss - 13.02.2014, Blaðsíða 14

www.polardoors.com
Júpíter hw Júpíter t5 Herkúles t4 Neptúnus t4 Merkúr t4 Júpíter t4
Hlerar til allra togveiða
14 13. febrúar 2014
Þekk ir Þú fóLk ið?
Héraðsskjalasafn Árnesinga hef-
ur á undanförnum árum feng-
ið fjölda merkra ljósmynda.
Hérðasskjalasafnið fékk ásamt
Héraðsskjalasöfnunum á Egils-
stöðum og Sauðárkróki styrk frá
Mennta- og menningarmálaráðu-
neyti til atvinnuskapandi verkefn-
is við innskönnun og skráningu á
ljóstmyndum. Sveitarfélagið Ár-
borg og Menningarráð Suðurlands
styrkja verkefnið svo sérstaklega hér
í héraði.
Á héraðsskjalasafninu eru nú
um 150.000 ljósmyndir. Rúmlega
70.000 ljósmyndir er nú búið að
skanna og skrá um 50.000.
Mikil vinna liggur að baki skrán-
ingu á ljósmyndum og oft á tíðum
er ekki hægt að greina nákvæmlega
frá viðburðum eða þekkja einstak-
linga á myndunum. Mikilvægt er
að geta leitað til almennings og fá
aðstoð við skráninguna. Birting
ljósmynda með þessum hætti er í
raun samvinnuverkefni þeirra sem
lesa blaðið og héraðsskjalasafnsins.
Þeir sem hafa frekari upplýsingar
eru hvattir til að senda okkur tölvu-
póst á myndasetur@heradsskjala-
safn.is eða heimsækja okkur. Þá
minnum við á myndasíðuna okkar
myndasetur.is en þar eru myndir
aðgengilegar.
úr Harð Haus (3)
Af heiðaförum
Stór hópur manna sinnir því starfi að aka bílum yfir heið-ar, fjöll og sléttar grundir á
degi hverjum, komast helst í frétt-
ir þegar óhöpp verða eða slys svo
sanngirnislaus sem sú ráðstöfun
annars er. Hinir fjölmörgu sem
komast hjá slysum fá sjaldnar
inni hjá fjölmiðlum en farþegar
strætisvagna og aðrir vegfarendur
njóta ferðaláns þeirra. Vaðlaheiði/
Víkurskarð og Oddsskarð eru
meðal fjallvega sem takast brátt
af með jarðgöngum, sem er stór
umbreyting eins og þeir þekkja
sem aka um jarðgöng, s.s. Hval-
fjarðargöngin.
Kalla má að fjórir fjallvegir
bíði þeirra sem aka af Suðurlandi
til Akureyrar og er þá meðtalið
Vatnsskarðið og Víðivörðuás milli
Húnavatnssýslu og Skagafjarðar,
leiðin sem Marka-Leifi
fetar sig veginn einn í ótíðinni
óskilatrippi milli byggða rekur.
Ríki Marka-Leifa átti sér höfuð-
setur við Stafnsrétt, þangað sem
sveitamenn söfnuðust tvo daga á
hausti til að hirða kindur sínar og
hross svo og til að blanda geði.
Austasti fjallvegurinn á þessari
norðurleið, Öxnadalsheiði býr yfir
hrikaleið sem nefnist Giljareitir og
þar lætur Þórir Bergsson, prestsonur
og skáld frá Mælifelli eina af skáld-
sögum sínum gerast. Annað skáld af
sömu slóðum í Lýtingsstaðahreppi
segir frá draumi sínum að fá að
verða kúskur við vegagerð á þessari
sömu heiði. Þá var hann ellefu ára
en kom draumi sínum áleiðis með
því að þrábiðja foreldra sína. Hannes
Pétursson fékk þar sína níðvísu, var
ekki orðinn maður til að svara fyrir
sig sem tæpast var von en vísuna
er að finna hjá minningamynd-
um Hannesar í bókinni Jarðlag í
tímanum og snjalla lýsingu hans á
heimi þeirra vegamanna Kota-Valda,
sumarið síðasta fyrir jarðýtuna. Þeir
lentu í hroðarigningum:
„Ég blotnaði inn að skinni og
hríðskalf þrátt fyrir vaðstígvél,
regnkápu, sjóhatt. Flokksstjórinn
sem ég þekkti ekki baun sá aumur
á yngsta þegni sínum, lét mig setjast
inn til bílstjórans og þar hlýnaði mér
fljótlega. „Bílstjórarnir hafa það flott
á fullum launum“ heyrði maður oft
sagt í daglaunavinnu og nú naut ég
sambærilegra flottheita. Út um rign-
ingarlamstur á framrúðunni grillir í
vegavinnuþjarkana, hjakkandi með
skóflum og hökum. Ég dáist með
sjálfum mér að seiglu þeirra í þessari
köldu hrábleytu ofar byggðum.“
Ferðir Marka-Leifa yfir Vatnsskarð
voru nefndar fyrr í þessum þætti, en
honum og ferðum hans reisti Jónas
Tryggvason nokkurn bautastein með
ljóðinu Marka-Leifi. Því lýkur svo:
Liðin er tíð og framar fást ei svör
við farandgestsins spurn, hvort yrði
hann fær um
ennþá einn dag að hitta á veðrahlé.
Aldrei um Vatnsskarð oftar beinir för
útigangsmaður, krýndur silfurhærum
aleinn á ferð með óheimt vonarfé. JT
Ingi Heiðmar Jónsson
Hvaðan er
hún þessi?
Myndin að þessu sinni sýnir svo
að ekki verður um
villst kirkju og sveitabæ
(prestsetur). Hvaðan er
myndin og kunnið þið
frekari skil á , t.d. hvenær
myndin gæti hafa verið
tekin. Upplýsingar eru
vel þegnar, á ritstjórn:
torlakur@fotspor.is eða í
síma 8942098. Þá má hafa
samband beint við Hér-
aðsskjalasafn Árnesinga.
Samræður á laugardag
og brugðið á leik
Ólafur Gíslason listfræðingur „glæðir hversdagslegar vangaveltur heimspekilegu
ívafi.“ Hann ræðir við gesti um sýningarnar tvær í Listasafni Árnesinga í
Hveragerði, laugardaginn 15. febrúar kl.15.
Björg Erlingsdóttir, einn þriggja
sýningarstjóra sýningarinnar Sam-
stíga-abstraktlist, ræðir við gesti
og bregður á leik síðasta sýningar-
daginn, sunnudaginn 23. febrúar
kl.15.
Undir yfirheitinu Hliðstæður og
andstæður, kallast sýningarnar Rósa
Gísladóttir – skúlptúr og Samstíga –
abstraktlist á bæði í tíma og rúmi.
Margir þekkja Ólaf Gíslason sem
fararstjóra. Honum er fleira til lista
lagt (í orðsins fyllstu merkingu).
Ólafur er þekktur listgagnrýnandi.
„Hann þekkir vel þau minni sem
verk beggja sýninganna fela í sér.
Ólafur var einn af SÚMurunum,
samstarfs og sýningarvettvangi lista-
manna, sem kynntu nýjar leiðir í list-
sköpun upp úr 1965, sumpart sem
andsvar við abstraktlistinni sem ríkt
hafði áður.“ Ólafur hefur líka fylgst
með listsköpun Rósu í nokkurn tíma
og sem fararstjóri bæði í Grikklandi
og á Ítalíu þekkir hann vel hinn
klassíska heim Forn- Grikkja og
Rómverja sem verk hennar vísa til.
„Ólafur mun fjalla um stóru spurn-
ingarnar sem verk beggja sýninganna
ná að vekja um stöðu listarinnar,
tækninnar og siðmenningu,“ segir
í frétt Listasafns Árensinga.
Listasafn Árnesinga býður gesti
velkomna til þessarar samræðu þar
sem Ólafur mun glæða hversdags-
legar vangaveltur heimspekilegu
ívafi. Og Listasafn Árnesinga býður
gesti velkomna annan sunnudag,23.
febrúar til þess að njóta leiðsagnar
um sýninguna Samstíga-abstraktlist
og skoða hvernig sú sýning kallast
á við sýninguna Rósa Gísladóttir –
skúlptúr en yfirheiti sýninganna er
Hliðstæður og andstæður. Þetta er síð-
asti sýningardagur þessara sýninga.