Selfoss - 27.03.2014, Blaðsíða 4
4 27. MARS 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. auglýsingastjóri: Ámundi Ámundason, Suðurlandsbraut
54, 108 Reykjavík. Auglýsingasími 578 1190, netfang: auglysingar@fotspor.is. Ritstjóri:
Þorlákur Helgi Helgason, netfang: torlakur@fotspor.is Myndir: ÞHH og ýmsir aðrir.
Umbrot: Prentsnið, Prentun: Ísafoldarprentsmiðja, 9.500 eintök. dreifing: Íslandspóstur
Fríblaðinu er dreiFt í 9.500 eintökum á öll heimili á suðurlandi.
SELFOSS
6. TBL. 3. ÁRGANGUR 2014
Selfoss inn á hvert heimili!
Brúartollur á Ölfusárbrú
Langanessbændur yfir sig hrifnir. Gjaldið mun standa undir smíði göngubrú-
ar. Allir fá mynd af sér. „Þetta er
eins og að fá Tryggva Gunnarsson
í kaffi,“ segir staðarhaldarinn í
Tryggvaskála.
Mikil tíðindi berast utan af
Langanesi, fyrir utan Á, á Selfossi.
Byrjað verður að innheimta sér-
stakan Brúartoll við Ólfusárbrú á
Selfossi næstkomandi þriðjudag.
Hver og einn sem fer um brúna
verður rukkaður um 3 evrur.
Ákveðið var að festa gjaldið aftan
í evru sem er erlendur gjaldmiðill
og fer víða. Gjaldinu er ætlað að
standa straum af byggingu göngu-
brúar milli Selfoss og Langaness.
Brúargerðin hefur lengi staðið til og
nú er tækifærið, segir í fundargerð.
Langanesþing fyrir utan Á – á
Selfossi hefur leitt þetta þjóðþrifa-
mál til lykta. Hefur þingið falið
staðarhaldaranum í Tryggvaskála,
Tómasi Þóroddssyni, það vanda-
sama verk að hafa umsjón með
gjaldtökunni. „Þetta er afar mikil
viðurkenning en þessu fylgir líka
mikil ábyrgð,“ segir Tómas. „Ég er
Langanesþingi sérlega þakklátur, en
þingmenn hafa fylgst með störfum
mínum að undanförnu og vita því
að hverju þeir ganga. Fyrir okkur í
Tryggvaskála er þetta mikill atburð-
ur. Þetta er eins og að fá Tryggva
Gunnarsson í kaffi.“
Fyrstu árin mun Brúartollurinn
renna til göngubrúarinnar sem
einmitt nemur land sunnan megin
við Ölfusá, á lóð Tryggvaskála. Er
gert ráð fyrir að Brúartollurinn
greiði göngubrúna að fullu upp 1.
apríl 2020 klukkan 20.20. Frá þeim
tíma mun gjaldið renna til upp-
byggingar félags- og dvalaraðstöðu
á Langanesi, fyrir utan Á. Þess skal
getið að enginn verður rukkaður
oftar en einu sinni á dag. Nýjung
er að með hverjum aðgöngumiða
fylgir ljósmynd af viðkomandi.
Þannig getur fólk safnað allt að
365 myndum af sjálfum sér á ári.
Á hlaupári mun hlaupársmyndin
fara á Héraðsskjalasafn Árnesinga.
Með þessu mun myndast öflugasta
ljósmyndasafn sem sögur fara af.
Fólk er hvatt til að æfa svokallað
brúarkall vilji það komast yfir ána
og ferjumaður er ekki til staðar það
augnablikið.
ÞHH
Eigi að sameina sveitarfélög á
að gera það hraustlega, segir
Róbert Hlöðversson, bæjar-
fulltrúi í Hveragerði
„Ég hallast að því að ef eigi að fara í sameiningar skuli það gert hraustlega t.d. öll Árnessýsla.Tel
litlar sameiningar skila litlu. Getum
t.d. borið saman Árborg og Hvera-
gerði þar sem lítill munur er á kostn-
aði per bæjarbúa við rekstur bæjar-
skrifstofa. Held að það sé um 21
þús. /íbúa í báðum þessum sveitar-
félögum á meðan t.d. Kópavogur er
með um 12 þús. /íbúa,“ segir Róbert
Hlöðversson bæjarfulltrúi. A list-
inn í Hveragerði bar upp tillögu í
bæjarstjórn sem gerði ráð fyrir að
samhliða sveitarstjórnarkosningum
yrðu kjósendur spurðir um áhuga á
sameiningu Hveragerðis við Ölfus.
„Held að veruleg stækkun sveitar-
félaga sé líka nauðsynleg ef færa á
fleiri verkefni frá ríkinu til þeirra.
Ég er hlynntur slíkri tilfærslu en því
verða auðvitað að fylgja tekjustofnar.
Í því sambandi væri best að auka
sjálfstæði sveitarfélaganna og gera
þau minna háð ríkisvaldinu varðandi
fjárveitingar. Á Norðurlöndum eru
sveitarfélögin með 70% ríkisútgjalda
á meðan ríkið er með 30% - hér er
þessu öfugt farið sem ég tel óheppi-
legt.“
Smávirkj-
anir og
orlofshús
Fjölmargar sveitarstjórnir á Suðurlandi eru að breyta skipulagi hjá sér. Er verið
að mæta aukinni ferðaþjónustu
og þá vekur athygli að smá-
virkjanir eru á dagskrá. Þannig
stendur til að reisa 50 orlofshús
auk þjónustuhúss í landi Klaust-
urhóla í Grímsnesi og á Kjóa-
stöðum í Biskupstungum stendur
til að byggja upp ferðaþjónustu.
Smávirkjun er fyrirhuguð í landi
Lækjarhvamms í Laugardals-
hreppi og aðra fyrir Neyðarlínuna
við Bláfell í Bláskógabyggð. Frek-
ari upplýsingar má fá á heimasíðu
Bláskógabyggðar.
Verður Árnesþing að einu sveitarfélagi?
Verður Hveragerði og Ölfus að einu sveitarfélagi eða ganga öll sveitarfélög
í Árnessýslu í eina sæng? Bæjastjórn Hveragerðisbæjar hefur samþykkt
að kanna hug íbúa til sameiningar við önnur svietarfélög. Á skoðana-
könnunin að fara fram samhliða sveitarstjórnarkosningum 31. maí.
Merki fólk við já geta kjósendur valið milli 3-4 kosta um sameiningu.
Líklegt verður að teljast að einn þessara kosta verði sameining í eitt
sveitarfélag í Árnessýslu. Er Árnesþing að verða til?
Bæjarstjórn Hveragerðisbæjar vek-
ur athygli annarra sveitarstjórna á
þessum áformum. Í samþykktinni í
bæjarstjórn er tekið fram að: „Öðr-
um sveitarfélögum í Árnessýslu verði
kynnt þessi áform bæjarstjórnar
Hveragerðisbæjar og geta þau þá
fylgt í kjölfarið með eigin skoðana-
könnun sjái þau ástæðu til þess.“
Hveragerðisbær ríður sem sé á vaðið
og býður öðrum að gjöra hið sama.
Efna til skoðanakönnunar á sama
hátt.
Bæjarstjórn Hveragerðisbæjar
samþykkti að samhliða sveitar-
stjórnarkosningum í vor fari fram
skoðanakönnun meðal bæjarbúa þar
sem spurt verður um afstöðu þeirra
til sameiningar við önnur sveitar-
félög. Í skoðanakönnuninni verði
spurt um það hvort viðkomandi vilji
sameinast öðru sveitarfélagi. Verði
svarið já verða gefnir 3-4 kostir um
sameiningu sem viðkomandi getur
þá valið um.
Það voru fulltrúar A lista í Hvera-
gerði sem lögðu fram tillögu á bæj-
arstjórnarfundinum 13. mars sl um
hugsanlega sameiningu Hveragerð-
isbæjar og Sveitarfélagsins Ölfus.
Lögðu þau til að bæjarstjóra yrði
falið að leita eftir samstarfi við
Sveitarfélagið Ölfus um að íbúar
sveitarfélaganna fái tækifæri til að
kjósa um sameiningu þeirra sam-
hliða bæjarstjórnarkosningum 31.
maí 2014. "Kjósi meirihluti beggja
sveitarfélaga með sameiningu verði
í framhaldinu teknar upp formlegar
viðræður um sameiningu sveitarfé-
laganna.“
Flutningsmenn töldu ýmislegt
mæla með sameiningu: „Sífellt
fleiri málaflokkar eru færðir fá ríki
til sveitarfélaga. Árið 2011 voru mál-
efni fatlaðra færð til sveitarfélaga og
líklegt er að sveitarfélögin taki að sér
fleiri verkefni innan skamms tíma.
Nauðsynlegt er að sameina og efla
sveitarfélög til þess að þau séu betur
í stakk búin til að taka að sér þessi
verkefni. Hveragerðisbær og Sveitar-
félagið Ölfuss hafa auk þess nú þegar
náið samstarf á mörgum öðrum
sviðum. Má þar nefna sameinilega
félagsþjónustu og skólaþjónustu
auk þess sem mörg börn úr Ölfusi
sækja skóla og leikskóla í Hvera-
gerði. Sveitarfélögin vinna einnig
náið saman að ýmsum verkefnum
í gegnum Héraðsnefnd Árnesinga.
Fjárhagsleg staða sveitarfélagana
er mjög sambærileg eins og neðan-
greindar tölur úr ársreikningum
þeirra fyrir árið 2012 sýna:
(Í milljónum króna) Hvera-gerði Ölfus
Rekstrartekjur 1675 1579
Heildarskuldir 2560 2160
Rekstrarafkoma
eftir fjármagnsl.
11 236
Heildareign 3375 4046
Eigið fé 815 1886
Við sameiningu þessara ná-
grannasveitarfélaga yrði til næst
stærsta sveitarfélagið á Suðurlandi
með rúmlega 4.200 íbúa. Enginn
vafi er á því að bæði sveitarfélögin
mundu hagnast verulega á sam-
einingu. Miklir fjármunir mundu
sparast í yfirstjórn auk þess yrðu
öll samskipti mun auðveldari og
samkeppnisstaðan sterkari. Sam-
starf þessara sveitarfélaga er nú
þegar víðtækt og eykst stöðugt
vegna yfirfærslu verkefna frá ríkinu.
Því er sameining þeirra fyrirsjáanleg
í nánustu framtíð.“
Meirihluti bæjarstjórnar lagði
fram breytingatillögu, sem að lok-
um var samþykkt.Í henni segir m.a.
„Skoðanakönnunin verði ráð-
gefandi fyrir næstu sveitarstjórn
sem vinna mun úr niðurstöðunni
í samvinnu við önnur sveitarfélög
og í samræmi við 119. grein sveit-
arstjórnarlaga nr. 138/2011.
Öðrum sveitarfélögum í Árnes-
sýslu verði kynnt þessi áform bæj-
arstjórnar Hveragerðisbæjar og geta
þau þá fylgt í kjölfarið með eigin
skoðanakönnun sjái þau ástæðu til
þess. Skipaður verði starfshópur
sem leggi fram tillögu að endan-
legri fram setningu spurninganna
fyrir næsta fund bæjarstjórnar. Sami
starfshópur sjái um framkvæmd
skoðanakönnunarinnar og skili
niðurstöðum um leið og niður-
stöður í sveitarstjórnarkosningum
liggja fyrir.“
Breytingartillagan var samþykkt
samhljóða.
ÞHH
Tómas staðarhaldari er við öllu bú-
inn. Spenningur er í loftinu. Rétt eins
og Tryggvi Gunnarsson hafi brugðið
sér í kaffi.
Við sameiningu í Árnesþing myndaðist öflugasti ferðakjarni landsins. Hvílík
tækifæri! Hér eru ferðalangar lóðsaðir um Eyrarbakka.