Selfoss - 23.04.2014, Síða 2
2 23. apríl 2014
Þörf á 150-200 leiguíbúðum á Suðurlandi
Langmest aðkallandi í Árborg
Forsvarsmenn sveitarfélaga á Suðurlandi telja að reisa þurfi 150-200 leiguíbúðir vð þær
sem fyrir eru. Í tveimur sveitarfélög-
um er talið ástæðulaust að bæta við.
Þetta er í Ásahreppi og Flóahreppi.
Það eru SASS sem lét kanna þörf
á leiguhúsnæði. Árborg sker sig úr
þar sem þörfin er talin samsvara því
að allt að helmingur allra leiguíbúa
sem nauðsynlegt er að byggja á
Suðurlandi öllu verði á Selfossi og
í nágrenni. Þrátt fyrir að þar séu
flestar leiguíbúðir til staðar miðað
við höfðatölu. Aðspurð um vilja
sveitarfélaganna til að taka þátt í
byggingu leiguíbúða eru skoðanir
skiptar en í 13 af 15 sveitarfélögum
er talin þörf á auknu leiguhúsnæði.
Í Mýrdalshreppi og Skaftárhreppi
eru sveitarstjórnir hlyntar því að
taka þátt, nokkur telja þátttöku
sveitarfélagsins hugsanlega, en í
flestum er hugur sveitarstjórnar
neikvæður eða þau telja að mark-
aðurinn leysi vandann. Í úttetk
SASS segir m.a. Í meirihluta
sveitarfélaganna er talið að mark-
aðurinn eigi að leysa vandann en
þó er ljóst að í sumum tilfellum
eru sveitarfélög tilbúin að hliðra
til með gatnagerðargjöld og hugs-
anlega að kaupa hluta þeirra íbúða
sem byggðar yrðu.
Um sátt og samlyndi
Mánuður er til stefnu. Svo virðist sem kosningar til sveitarstjórna í vor
verði með mildari blæ en oft áður. Fjölbreytnin er þó meiri. Við bætast
í Árborg framboð Bjartrar framtíðar og Pírata auk hinna sem fyrir eru.
Sérstaða flokkanna er ekki fyrirsjáanleg. Í Vestmannaeyjum var bæjar-
stjórnin til dæmis að samþykkja samhljóða nýja gjaldskrá fyrir þjónustu
og auknar niðurgreiðslur. Yfir landið og miðin eru sveitarstjórnir að
greiða niður skuldir - óháð lit á framboðum. Víða er bærilegur afgangur
af rekstri eftir samdrátt á ýmsum sviðum. Deilur um fjármál eru ekki
áberandi. Það er frekar að deilt sé á ríkisvaldið. Umræðan um stækkun
sveitarfélaga fær byr undir vængi.
Á Suðurlandi er augljóst að bilið breikkar. Aðstöðumunur er sláandi.
Byggðin þéttist vestan megin og síðan hallar á þegar austar dregur.
Fréttin í dag um húsnæðismarkaðinn er dæmigerð. SASS lét kanna hver
þörfin væri á íbúðum til leigu. Árborgin sker sig úr. Allt að helmingur
allra leiguíbúa sem nauðsynlegt er að byggja á Suðurlandi á næstu árum
verður að öllum líkindum á Selfossi og í nágrenni. Vinnumarkaðurinn
er allt annar þar og búseta en þegar kemur austur um. Í Vík er allt að
þriðjungur íbúða sumaríverustaðir. Á Klaustri er uppbygging í kringum
vaxandi ferðaþjónustu. Skilyrðin eru með öðrum orðum mismunandi.
Ábyrgðin er hins vegar hin sama. Suðurlandið er eitt. Umræða um
samvinnu og mögulega stækkun sveitarfélaga er mikilvæg.
Þorlákur Helgi Helgason
Í sátt og samlyndi
– út á við
LEIÐARI Okkar val - okkar framtíð
Bæjaryfirvöld í Svf Árborg hafa tekið þá ákvörðun að láta fara fram skoðanakönnun,
samhliða sveitarstjórnarkosningun-
um í vor um viðhorf íbúa sveitar-
félagsins til sameiningar við önnur
sveitarfélög í Árnessýslu. Það er
mín skoðun og hefur verið lengi að
sjálfsagt og eðlilegt sé að kanna hug
fólks til sameiningar sveitarfélaga.
Sveitarstjórnarstigið er annað af
tveimur stjórnsýslustigum lands-
ins, og hafa fyrir vikið fjölmargar
lögbundnar skyldu. Stærstu mála-
flokkarnir eru fræðslumálin, rekstur
grunnskólanna, skipulagsmálin, og
félagsmálin svo nokkur séu nefnd.
Yfirfærsla stórra verkefna frá ríki til
sveitarfélaga er ein öflugasta leiðin
til þess að efla sveitarstjórnarstigið
og færa þjónustuna nær íbúunum.
Í mínum huga er eitt sveitarfélag
í Árnessýslu besti kosturinn. Það
myndi þýða markvissari stjórnsýslu
og meiri kraft til uppbyggingar sam-
félagsins. Eftir því sem sveitarfélög-
in eru minni er stoðkerfið veikara.
Minni sveitarfélög ráða oft illa við
þau lögbundnu verkefni sem þeim
ber skylda til þess að sinna. Það er
mín skoðun að íbúar í minni sveitar-
félögum séu ekki að missa vald með
sameiningu sveitarfélaga heldur mik-
ið frekar að öðlast það. Víða um land
þar sem sveitarfélög hafa sameinast
hefur orðið gríðarmikil uppbygging
þar sem hægt er að veita íbúum og
atvinnulífi betri þjónustu. Að sam-
eina sveitarfélög í Árnessýslu í eitt
öflugt sveitarfélag yrði til þess að
mynda öfluga og kraftmikla einingu
utan um sameiginlegt atvinnu- og
þjónustusvæði.
Er rétti tíminn núna ?
Það sem oft hefur verið talað um
í umræðu um sameiningu sveitar-
félaga er að áhrif einstakra svæða
minnki í sameinuðu sveitarfélagi.
Þá er talað um þau almennu rök
að eftir því sem einingin stækki því
minna telji hver einstaklingur. Að
sumu leiti er þetta rétt , en sem hluti
af stærri heild fær hver einstakling-
ur tækifæri til að hafa áhrif á fleiri
mál á stærra svæði. Möguleikar
þeirra sem áhuga hafa á því að hafa
áhrif á það samfélag sem þeir búa
í ættu að aukast með frekari sam-
einingu sveitarfélaga. Sveitarfélög
hafa ákveðnu forystuhlutverki að
gegna, þar sem íbúarnir gera kröfu
til þeirra um þjónustu og frumkvæði
í málefnum samfélagsins, eins t.d
þróun atvinnulífs, menningar og
íbúabyggðar. Það er mín skoðun að
sameining sveitarfélaga í Árnessýslu
í eitt myndi verða íbúum svæðisins
til framdráttar, og opna fjölmörg
tækifæri til þess að efla atvinnulíf-
ið og bæta þjónustuna við íbúana.
Eitt stórt sveitarfélag í Árnessýslu
snýst um að mynda öfluga einingu
utan um sameiginlegt atvinnu- og
þjónustusvæði og frekari valkosti
í atvinnulífinu. Þannig getum við
búið til stærra atvinnusvæði, þar sem
gott mótvægi getur skapast gagnvart
höfuðborgarsvæðinu.
Eggert Valur Guðmundsson, bæj-
arfulltrúi Samfylkingarinnar
Rannsóknarnefnd Alþingis um
Sparisjóð Vestmannaeyja:
Engar árangurstengdar
greiðslur til starfsmanna
Í skýrslu Rannsóknarnefndar Al-þingis um sparisjóðina segir um
Sparisjóð Vestmnnaeyja að starfs-
menn sparisjóðsins hafi ekki not-
ið sérstakra fríðinda. Þá voru ekki
greiddar árangurstengdar greiðslur
og hvatagreiðslur sem töldust ekki
til hefðbundinna launagreiðslna á
tímabilinu. Og ekki voru gerðir
neinir starfslokasamningar sem fólu í
sér réttindi umfram þau sem bundin
voru í kjarasamninga.
Samanlagður hagnaður Sparisjóðs
Vestmannaeyja á tíu ára tímabili fyrir
efnahagshrunið, á árunum 1998 til
2007, nam rúmum tveimur millj-
örðum króna miðað við meðalverð-
lag ársins 2011. Sparisjóðurinn tap-
aði samtals tæpum 2,3 milljörðum
króna á árunum 2008–2011 á með-
alverðlagi ársins 2011. Niðurfærslur
á hlut í Sparisjóðabankanum nam
884 milljónum króna. Skoðun óháðs
endurskoðunarfyrirtækis á eignum
sparisjóðsins sýndi að framlag úr
ríkissjóði myndi ekki duga til að
endurreisa hann. Eftir fjárhagslega
endurskipulagningu sparisjóðsins
fór Bankasýsla ríkisins með 55,7%
stofnfjárhlut í sjóðnum. Formaður
stjórnar Sparisjóðs Vestmannnaeyja
er nú fulltrúi Bankasýslunnar.
Starfslokanámskeið í boði
stéttarfélaganna
Báran stéttarfélag, Verslunarmannafélag Suðurlands, Félag iðn- og
tæknigreina, Félag opinberra starfsmanna á Suðurlandi, Verkalýðs-
félag Suðurlands og Vörður félag stjórnenda á Suðurlandi í samvinnu
við Fræðslunetið bjóða þeim félagsmönnum sem huga að starfs-
lokum vegna aldurs að sækja námskeiðið Á tímamótum.
Á námskeiðinu verður m.a. fjallað um: Breytingar sem verða á lífi fólks við starf-
slok, þjónustu sveitarfélaga, Tryggingastofnunar og málaflokka sem heyra undir
hana og Sjúkratryggingar Íslands. Reglur um greiðslur ellilífeyris verða kynntar.
Þá verður fjallað um hvernig hægt er að undirbúa sig heilsufarslega undir efri árin.
Einnig mun félag eldri borgara á Selfossi kynna starfsemi sína
Skráning fer fram hjá Fræðslunetinu í síma 560-2030.
Námskeiðið er félagsmönnum að kostnaðarlausu.
Tímasetning: 29. apríl. – 15. maí
Staður: Fjölheimar á Selfossi
Þriðjudaga og fimmtudaga kl. 16.50-19.00