Selfoss - 08.05.2014, Blaðsíða 8
8 8. maí 2014
Lítt snortið land einstakt á heimsvísu
Landvernd og Eldvötn efndu til málþings um áhrif stórvirkjana á landbúnað og ferðaþjónustu í Skaftárhreppi
miðvikudaginn 30. apríl s.l. kl. 20 í Tunguseli í Skaftártungu. Um 60 manns sóttu málþingið og var það mjög vel heppnað.
DAGSKRÁ:
20.00 Setning málþings: Ólafía Jak-
obsdóttir, varaformaður Eldvatna
20.05 Viðhorf ferðamanna til virkj-
ana í Skaftárhreppi: Anna Dóra Sæ-
þórsdóttir, dósent í ferðamálafræði
við H.Í.
20.30 Skipulagsmál og virkjanir:
Birna Björk Árnadóttir, sérfræðingur
hjá Skipulagsstofnun
20.40 Fyrirspurnir og umræður
20.55 Kaffi
21.10 Austurlandsvirkjanir og Aust-
firðingar: Skarphéðinn Þórisson,
náttúrufræðingur
21.30 Landbúnaður og virkjanir:
Heiða Guðný Ásgeirsdóttir, bóndi
Ljótarstöðum
21.40 Fyrirspurnir og umræður
22.00 Samantekt og slit málþings
Fundarstjóri: Guðmundur Ingi
Guðbrandsson, framkvæmdastjóri
Landverndar.
Fundurinn í Tunguseli var fjöl-
mennur og var fyrst og fremst hugs-
aður sem upplýsingafundur. Birna
Björk Árnadóttir, sérfræðingur hjá
Skipulagsstofnun fór yfir lagum-
hverfið sem fylgir framkvæmdum
eins og virkjunum. Skýrði vel út
hvernig því er háttað t.d. hvað sé
ríkisins og hvað sveitarfélaganna.
Anna Dóra Sæþórsdóttir greindi
frá rannsóknum sínum á Fjallabaks-
svæðunum, nyrðri og syðri. Kemur
vel fram hver viðhorf ferðamanna
eru til virkjana í Skaftárhreppi.
Um gríðarmikla ferðamennsku er
að ræða. 144 þús. manns ferðaðist
um svæðin sumarið 2011. Í máli
hennar kom fram að framkvæmd-
ir á eða í nágrenni við mikilvæg
ferðamannasvæði rýra gildi þeirra.
Þau verða ekki eins verðmæt eftir
framkvæmdir og áður. Lítt snortn-
ar landslagsheildir eins og um er
að ræða alveg samfellt frá Torfa-
jökulssvæðinu yfir Fjallabak syðra
alveg út á Mýrdalssand er einstakt
á heimsvísu og gríðarlega verðmætt.
Hólmsárvirkjun myndi skaða þessa
ímynd og gera svæði verðminna
með tilliti til ferðamennsku. Bent
var á að þar sem „Laugavegurinn“
Landmannalaugar - Þórsmörk
er að verða þéttsetinn þá taki
Fjallabaksleið syðri og nyðri við
af Laugaveginum og myndi hinn
fullkomna hring, gönguleið/hjóla-
leið sem sé alveg einstök í sinni röð
langt út fyrir landsteinana.
Í máli Heiðu Guðnýjar kom m.a.
fram að lónið sem fylgir áætlaðri
Hólmsárvirkjun mun valda mestri
eyðingu á náttúrulegum birkiskógi
frá landnámi. Náttúrulegir birki-
skógar eru friðaðir með lögum.
Skarphéðinn Þórisson greindi frá
áhrifum Kárahnjúkavirkjunar á
hreindýrin og urðu þau umtalsverð.
Hann fór yfir hvaða og hvers eðlis
ágreiningsmál voru uppi í tengsl-
um við gerð Kárhnjúkavirkjunar
og hvernig þau ristu samfélagið í
herðar niður.
„Það kemur enginn
til Íslands bara til
að fara í sund“
Ummæli nokkurra þátttakenda
í könnun um virkjun Hólmsár.
Gimsteinn ferðaþjónustunnar
„Öldufellsleið er hluti af geysilega
mikilvægu ferðamannasvæði sem
tengist bæði Fjallabaki nyrðra og
syðra og því lítur ferðaþjónustan á
þetta svæði allt sem algjöran gim-
stein.“
Einar Bollason hjá Íshestum
„Það kemur enginn til Íslands
bara til að fara í sund.“
„Ísland mun fá miklu fleiri ferða-
menn til landsins á næstu árum,
a.m.k. frá Þýskalandi, Sviss o.s.frv.
Ég held að Ísland laði til sín ferða-
menn ekki út af borgunum eins
og Reykjavík,heldur virkilega út af
náttúrunni.
Ef maður eyðileggur náttúruna þá
er maður að taka það dýrmætasta.
Það kemur enginn til Íslands bara
til að fara í sund.“
Svissneskur læknir
„Óspillt náttúran.“
„Fólk frá meginlandinu hefur
ekkert í líkingu við þetta. Og það
er náttúrulega óspillta náttúran sem
það sækist eftir.“
Sænskur kennari
Óröskuð vatnasvið eru mikil
auðlind sem ber að vernda
Eldvötn og Landvernd stóðu að málþinginu í Tunguseli. Eldvötn eru samtök áhuga-
fólks í Skaftárhreppi um náttúru-
vernd í nafni Eldvatna. Markmið
þeirra er að vera málsvari umhverfis-
og náttúruverndarsjónarmiða, fyrst
og fremst. Þessum markmiðum
hyggjast samtökin ná með því að:
Efla vitund almennings – einkum
íbúa Skaftárhrepps – um gildi nátt-
úrunnar, umhverfismál og náttúru-
vernd.
Veita stjórnvöldum og fram-
kvæmdaaðilum gagnrýnið aðhald.
Eldvötn hafa áður sent frá sér
ályktun um það svæði sem var til
umfjöllunar á fundinum í Tunguseli
á Valborgarmessu:
„Eldvötn leggja mikla áherslu á
jarðfræðilega sérstöðu svæðisins sem
myndar stóra landslagsheild á um 7%
af Íslandi. Svæðið einkennist af mikilli
eldvirkni og samspili elds og íss. Vatna-
svið Kúðafljóts, þar með talin Skaftá,
Hólmsá og Tungufljót og vatnasvið
jökulánna í austurhluta svæðisins,
Djúpá, Brunná og Hverfisfljót eru enn
óröskuð af virkjanaframkvæmdum.
Óröskuð vatnasvið eru mikil auðlind
sem ber að vernda, ekki síst nú á tím-
um þegar lítt eða óröskuð vatnasvið
heyra til undantekninga á heimsvísu“.
Af vef landverndar
Heiða Guðný flytur erindi sitt í Tungu-
seli
Óli Th heiðraður
Ólafur Th Ólafsson, mynd-listarmaður og kennari á
Selfossi, var heiðraður sérstak-
lega á setningu Vors í Árborg.
Ólafur hefur komið víða við á
sinni listabraut, stundað listmál-
un og frægar eru teikningar hans
úr heimablöðum og víðar. Við
óskum honum til hamingju með
viðurkenninguna.