Selfoss - 22.05.2014, Blaðsíða 9
922. maí 2014
er upprunnið í Wales, leggur áherslu
á að tengja saman í verkinu Ísland
og Wales í gegnum hljóðblæbrigði
vatns. Sungið er á ýmsum tungumál-
um; fornvelsku, ensku og íslensku,
en íslenska part verksins samdi verð-
launaljóðskáldið og rithöfundurinn
Sjón. Að auki verða flutt nokkur af
eldri verkum Taveners og nýleg verk
eftir ung íslensk tónskáld, þau Georg
Kára Hilmarsson, Völu Gestsdóttur
og Margréti Kristínu Blöndal. Öll
eru þessi verk samin séstaklega fyrir
kórinn.
Einsöngvarar með kórnum verða
sópransöngkonurnar Björg Þór-
hallsdóttir, Elísabet Einarsdóttir, Tui
Hirv og Margrét Kristín Blöndal,
ásamt Hrólfi Sæmundssyni barít-
on. Þá syngur með kórnum djúp-
bassasöngvarinn Adrian Peacock,
sem hefur starfað með kórnum um
árabil. Tólf manna barokksveit leikur
ennfremur á tónleikunum, skipuð
félögum úr Bachsveitinni í Skálholti
og Barokk Reykjavík. Þá eru ótaldir
tveir kórar sem hlaupa undir bagga í
verkinu Song for Athene eftir John
Tavener; ungmeyjakórinn sem söng
með Megasi á Passíusálmatónleik-
um í Grafarvogskirkju á nýliðinni
föstu og karlakórinn Vox Humana,
sem var settur saman sérstaklega af
þessu tilefni. Í lok verksins hljómar
sterkt orgel, sem hafði valdið kór-
stjóranum nokkrum heilabrotum,
þar sem ekki er orgel í Hörpu. Loks
hugkvæmdist honum að hóa saman
40 manna karlakór sem mun taka
að sér hlutverk orgelsins. Mynd-
listarkonan Hildur Hákonardóttir
sér um listræna umgjörð tónleik-
anna. Hún fléttar inn í umgjörðina
myndverkum ýmissa listamanna, á
borð við Pál frá Húsafelli og Kristínu
Gunnlaugsdóttur.
Salisbury International
Arts Festival
Tónleikar Kammerkórs Suðurlands
á Salisbury-hátíðinni 2. júní verða
minningartónleikar um Sir John
Tavener. Auk verka hans sem kórinn
syngur á Listahátíð verður flutt eitt
stærsta sellóverk Taveners, Svyati,
þar sem Kristín Lárusdóttir leikur
einleik með kórnum. Á hátíðinni
að þessu sinni verður sjónum sér-
staklega beint að norrænum lista-
mönnum og verður Kammerkór
Suðurlands þar í stóru hlutverki.
Síðastliðið sumar voru gestir há-
tíðarinnar 77.000 talsins.
Um kórinn
Kammerkór Suðurlands var stofnað-
ur árið 1997 og er skipaður tónlistar-
fólki, tónskáldum og áhugamönnum
víðs vegar af Suðurlandi. Stofnandi
og stjórnandi kórsins frá upphafi er
Hilmar Örn Agnarsson.
Myndirnar eru teknar á kóræfingu
í Listasafni Árnesinga í Hveragerði
í fyrri viku. Það var ekki bara sung-
ið. Allra handa upphitunaræfingar
mýkja og styrkja andann. Við óskum
kórnum góðs gengis. Mynd: ÞHH
Önnur saga af sveitarfélagi
Sveitarfélagið Árborg er ungt sveitarfélag sem byggir á traustum grunni fjögurra
hreppa Selfoss-, Sandvíkur-,
Eyrabakka- og Stokkseyrarhepps.
Sveitarfélagið okkar er fullt af tæki-
færum og gott til búsetu. Margt
fólk hefur lagt hönd á plóginn í
sveitastjórnum frá upphafi þessara
hreppa og til dagsins í dag, fólk sem
hefur kappkostað að gera ætíð sitt
besta til að gera sveitarfélagið okkar
betra fyrir okkur öll. Auðvitað erum
við ekki alltaf sammála um alla hluti
en það er eitt af því dýrmæta sem við
Íslendingar eigum, það er að vera
frjáls til að hafa skoðun og geta tjáð
hana í máli og riti. Við getum verið
sammála um að þjónusta við fólkið
sé mikilvægust og að vel sé haldið
utan um æskuna sem er framtíð
samfélagsins.
Ég hef skoðað ársreikninga Ár-
borgar til margra ára og ég get ekki
sagt að ég sé sammála því sem fyrir
okkur hefur verið lagt um afkomu
og skuldir Árborgar í ársreikingi
2013. Að leggja fyrir okkur upp-
lýsingar um að skuldir hafi lækk-
að um 3 milljarða á föstu verðlagi
finnst mér undarlegt, hvað er á föstu
verðlagi meðan verðbólga og verð-
trygging er við líði ?
Skuldir bæjarsjóðs Árborgar voru
2010 rúmir 4.8 milljarðar og eru
um sl. áramót rúmir 4,7 milljarð-
ar. Skuldir bæjarsjóðs og b-deildar
fyrirtækja voru 2010 6.3 milljarðar
og voru 6.2 milljarðar um sl. ára-
mót, sveitarfélagið ber fulla ábyrgð
á skuldum félagsbústaða þó þeir
hafi verið settir í Sjálfseignarstofn-
un. Rekstur bæjarsjóðs hefur verið
með tapi frá því 2007 og eins er árið
2013 en þá vantaði um 36 millj-
ónir króna til að hann væri á núlli.
Rekstur bæjarsjóðs og b-deildar
fyrirtækja skilaði rekstrarhagnaði
um 350 milljónir króna og er það
vegna þess að vatnsveita og fráveita
skiluðu hagnaði.
Rekstur sveitarfélaga um allt land
hefur verið þungur frá því um hrun
eins og nær allra heimila í landinu.
Það hefur verið ærið verkefni hjá
okkur öllum að halda velli á þessum
erfiðu tímum.
Margt gott hefur áunnist hér í
Árborg síðustu fjögur ár í góðri sátt
allra bæjarfulltrúa sem hafa lagt sig
fram við að gera sitt besta eins og
forverar þeirra síðustu áratugina.
Þökkum öllu því góða fólki sem hef-
ur lagt samfélaginu lið frá upphafi.
Árborg er öflugt sveitarfélag sem
er áhugaverður og góður valkostur
til búsetu. Nýtum kosningaréttinn
og veljum okkur fólk til starfa fyrir
sveitarfélagið okkar næstu fjögur ár.
X-B fyrir Betri Árborg.
Margrét K. Erlingsdóttir
Fyrrverandi bæjarfulltrúi og
skipar 18. sæti á lista Framsóknar.
Forgangsröðum rétt
Hlutverk sveitarfélaga er að veita samfélagslega þjón-ustu. Mikið af henni er
lögbundin en þar til viðbótar eru
þau að leggja margt til að eigin
frumkvæði. Hvort heldur er, þá
skiptir öllu hvernig forgangsraðað
er. Fyrir okkur sem aðhyllumst
félagshyggju og jöfnuð, þýðir það
að taka saman ábyrgð á þeim við-
fangsefnum og að gæta jöfnuðar við
val á verkefnum og hvernig þeim
er deilt út.
Oft er sagt að einstakt fólk og
sumar fjölskyldur hafi alveg efni á
einu og öðru af því sem samfélagið
leggur þeim eða börnum þeirra til
og þess vegna eigi að tekjutengja
gjöld fyrir slíka þjónustu. Ég segi
hins vegar: Ef fólk hefur efni á að
borga þjónustuna, þá hefur það efni
á að borga skatta. Með því að hver
og einn borgi fyrir sína þjónustu,
þá er hætta á að sumir fái meiri eða
betri þjónustu en aðrir. Sem er al-
veg sök sér, ef ekki er um að ræða
grunnþjónustu sem jafnt aðgengi á
að vera að. Með tekjutengingu þjón-
ustugjalda verður líka sífellt verið að
flokka fólk eftir tekjum sínum og
það þarf að rekja fjármál sín fyrir
hinum og þessum allsstaðar. Sinn-
um samfélagsþjónustu sameiginlega,
leggjum á sanngjarna og hæfilega
skatta til þess og notum þá til að
veita öllum sömu grunnþjónustu.
Eigum að jafna aðstöðu barna.
Fyrst er að forgangsraða í þágu
barna, það gera foreldrar og það á
sveitarfélagið að gera líka. Það getum
við gert á margan hátt. Við eigum að
bjóða börnum að vera í leikskólum,
grunnskólum, framhaldsskólum
og félagsstarfi á öllum aldri. Það
er löngu orðið almennt viðhorf að
grunnskólinn eigi að vera fyrir öll
börn óháð efnahag foreldra. Hvers
vegna ættu hin skólastigin ekki að
vera það líka? Hvers vegna ættum
við ekki að jafna aðstöðu barna
til félagslegs þroska líka í gegnum
aðgang að íþróttum, listgreinum,
félagsstarfi og margvíslegum öðrum
tómstundum? Mér finnst við eig-
um að gera það sem samfélag. Þess
vegna vil ég lækka leikskólagjöld
jafnt og þétt niður í að vera gjald-
frjáls fyrir börn. Þess vegna vil ég
að máltíðir og öll kennslugögn séu
hluti af rekstri skólans, rétt eins og
laun kennara og ræstingafólks. Þess
vegna vil ég hækka tómstundastyrki
til barna. Þess vegna vil ég hafa
auknar og gjaldfrjálsar samgöngur
innan þessa stóra sveitarfélags okkar.
Ég nefni börn að þessu sinni, af
því þau eru mér efst í huga og af því
að ég hef sömu grunnhugmynd um
það hvernig við stöndum að annarri
brýnni samfélagsþjónustu.
Andrés Rúnar Ingason,
skipar 1. sæti á V-lista
Vinstri grænna í Árborg.
andrés Rúnar Ingason.
margrét K. Erlingsdóttir.
Ég hef skoðað ársreikninga
Árborgar til margra ára og ég
get ekki sagt að ég sé sammála
því sem fyrir okkur hefur ver-
ið lagt um afkomu og skuldir
Árborgar í ársreikingi 2013.
Með tekjutengingu þjón-
ustugjalda verður líka sífellt
verið að flokka fólk eftir
tekjum sínum og það þarf að
rekja fjármál sín fyrir hinum
og þessum allsstaðar. Sinnum
samfélagsþjónustu sameigin-
lega, leggjum á sanngjarna
og hæfilega skatta til þess og
notum þá til að veita öllum
sömu grunnþjónustu.