Selfoss - 05.06.2014, Blaðsíða 8

8 5. júní 2014
3 m/s - raforkuframleiðsla hefst 15 m/s 28 m/s 34 m/s - raforkuframleiðsla stöðvastKjöraðstæður til raforkuvinnslu
Það er allt í lagi
að það blási svolítið
Í Búrfellsstöð við Þjórsá er gagnvirk orkusýning og skammt norður af stöðinni
eru fyrstu vindmyllur Landsvirkjunar. Þeim er ætlað að veita vísbendingar um
framtíðarmöguleika í beislun íslenska roksins. Við vonum auðvitað að sumarið
verði gott en okkur finnst líka allt í lagi þó það blási hressilega í 50 metra hæð
yfir hraunsléttunni fyrir norðan Búrfell.
Velkomin í heimsókn í sumar!
Búrfellsstöð
Gagnvirk orkusýning er opin alla daga kl. 10-17, frá 1. júní.
Starfsfólk tekur á móti gestum við vindmyllurnar
alla laugardaga í júlí kl. 13-17.
www.landsvirkjun.is/heimsoknir
„Erum bara óskaplega ánægð með að hafa
fengið traustan meirihluta atkvæða.“
Ágúst Sigurðsson rektor Landbúnaðarháskólans leiddi D-lista til sigurs
í Rangárþingi ytra. Ágúst hefur
verið nefndur mögulegur sveitar-
stjóri. Hann myndi þá söðla um.
Hann svaraði spurningum blaðsins:
Hugsar þú þér til hreyfings í stöðu
sveitarstjóra?
Hvernig líst þér á það - ef til kæmi?
„Minn ráðningarsamningur sem
rektor Landbúnaðarháskóla Íslands
rennur út 1. ágúst n. k og ég hef
fyrir allnokkru ákveðið að sækja
ekki um verði staðan auglýst. Ég
hef reyndar þá eindregnu skoðun
að stjórnvöld eigi að taka af skarið
og sameina Landbúnaðarháskóla
Íslands og Háskóla Íslands. Í því sé
ég mörg tækifæri, þá eru landbún-
aðarvísindin komin í sama lið og
verkfræðin, lyfjafræðin, hagfræðin,
viðskiptafræðin o. s. frv. Með því
skapast færi á alvöru nýsköpun
að mínum dómi. Við höfum ekk-
ert ákveðið enn með sveitarstjóra
fyrir Rangárþing ytra, erum bara
óskaplega ánægð með að hafa feng-
ið traustan meirihluta atkvæða. Ég
er mjög spenntur að takast á við
verkefnin hér í Rangárþingi - hér
er gott fólk og mýmörg tækifæri,“
segir Ágúst Sigurðsson.
Hverju þakkarðu þennan sigur?
Það eru auðvitað okkar áherslur sem skapa sigurinn en svo sannarlega líka hinn
mjög samhentur hópur sem hefur
staðið að þessu. Við fundum fljótt
fyrir góðum stuðningi við fram-
boðið og það hefur verið fullt út úr
dyrum hjá okkur í kosningasetrinu
síðustu daga og bros á hverju and-
liti. Þetta hefur satt best að segja
verið alveg óskaplega skemmtilegt.
Hvert verður fyrsta verkefni
ykkar í sveitarstjórn?
Verkefnin eru mörg en grunnurinn
er auðvitað að fara vel yfir fjár-
málin og ganga úr skugga um að
öll plön sem þar hafa verið lögð
séu á áætlun. Önnur mikilvæg
verkefni snúa m. a. að þjónustu
sveitarfélagsins, eflingu skólanna,
umhverfismálum og markaðs- og
kynningarmálum. Svæðið okkar
hér er á blússandi siglingu hvað
varðar uppbyggingu aðstöðu og
afþreyingu fyrir ferðafólk enda
kemur nánast hver einasti ferða-
maður hér við. Sveitarfélagið þarf
að standa sig í því sem að því snýr
til að slík atvinnuuppbygging sem
önnur gangi greiðlega.
Ágúst Sigurðsson.
Af kosningavöku í Hellubíói, úrslit tilkynnt á miðnætti, frá vinstri Þorgils
Torfi jónsson, Sólrún Guðmundsdóttir, Haraldur Eiríksson, Ágúst Sigurðsson
Hagnaður í Ásahreppi 131 þúsund
krónur á hvern íbúa
Hagnaður af resktri sveitar-félagsins 2013 nam 25 milljónum króna.191 íbúar eru í sveitarfélaginu og er hagnaður á mann því 131 þúsund krónur. Ásahreppur er eitt fárra sveitarfélaga í landinu sem er á grænni grein enda tekjur sveitar-félagsins miklar.
Útskrifaðir frá
Laugarvatni fyrir 60 árum!
Á útskrift skólans þann 24. maí 2014 komu níu höfðingjar í
Menntaskólann að Laugarvatni til
að fagna 60 ára útskriftarafmæli
sínu. Mynd var tekin af þeim á sama
stað fyrir utan skólahúsið og gert
hafði verið útskriftarvor þeirra árið
1954 og röðuðu sér upp með sama
hætti og þá. Eins var gert á 50 ára
júbilantaafmæli þeirra vorið 2004.
Illugi Gunnarsson mennta- og
menningarmálaráðherra kom sér-
staklega á Laugarvatn til að vera með
á mynd af hópnum. Á myndinni
er einnig Halldór Páll Halldórsson
skólameistari. Fyrstu nýstúdentar
skólans vorið 1954 voru 10 en einn
þeirra, Árni Ólafsson barnalæknir
er starfaði í Sviss, féll frá í apríl síð-
astliðnum.
Myndina tók
Ívar Sæland ljósmyndari.
júbilantar á meðfylgjandi mynd eru frá vinstri: Árni Bergmann, Þórður Kr.
jóhannsson, Tryggvi Sigurbjarnarson, jóhannes Sigmundsson, Hörður Berg-
mann, Unnar Stefánsson, Óskar H. Ólafsson, Sveinn j. Sveinsson, Víglundur
Þór Þorsteinsson og Illugi Gunnarsson, mennta- og menningarmálaráðherra
og Halldór Páll Halldórsson skólameistari.