Selfoss - 03.07.2014, Blaðsíða 4

4 3. júlí 2014
Forvitnilegur fyrirlestur á Fischersafni
Föstudaginn 11. júlí n. k. held-ur Guðmundur G. Þórarinsson
fyrirlestur um Lewistaflmennina í
Fischersetri kl. 16.00. En Lewis tafl-
mennirnir eru taldir elsta fyrirmynd
nútíma taflmanna. Frítt verður á fyr-
irlesturinn og á safnið þar sem eitt ár
er liðið frá opnun þess.
Taflmennirnir fundust á Lewiseyju
við strönd Skotlands og taldir vera
rúmlega 800 ára gamlir. Telja Bretar
þá eina af sínum merkustu fornmun-
um. Margar kenningar eru uppi um
uppruna þeirra, en Guðmundur G.
Þórarinsson hefur aflað þeirra gagna
er renna styrkum stoðum undir þá
kenningu að þeir séu upprunalega
frá Íslandi.
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. auglýsingastjóri: Ámundi Ámundason, Suðurlandsbraut
54, 108 Reykjavík. Auglýsingasími 578 1190, netfang: auglysingar@fotspor.is. Ritstjóri:
Þorlákur Helgi Helgason, netfang: torlakur@fotspor.is Myndir: ÞHH og ýmsir aðrir.
Umbrot: Prentsnið, Prentun: Ísafoldarprentsmiðja, 9.500 eintök. dreifing: Íslandspóstur
Fríblaðinu er dreiFt í 9.500 eintökum á öll heimili á suðurlandi.
SELFOSS
13. TBL. 3. ÁRGANGUR 2014
Selfoss inn á hvert heimili!
Sveitarstjórn á fyrsta fundi
Fyrsti fundur nýrrar sveitar-stjórnar Hrunamannahrepps var haldinn 19. júní og eftir
fund fóru fulltrúarog kíktu á endur-
nýjaða laugina í Hvammi í hreppn-
um. Þessi mynd var tekin við það
tækifæri.
Sveitarstjórnarmenn eru þau
Halldóra Hjörleifsdóttir, Ragnar
Magnússon oddviti, Unnsteinn
Eggertsson, Sigurður Sigurjónsson
og Bjarney Vignisdóttir.
Verða Kerlingafjöll næstu
„Landmannalaugar?“
Það er jákvætt að það eru að renna fjármunir úr opinber-um sjóðum til ferðamanna-
staða í Hrunamannahreppi. Verk-
efnið Gullfoss austan við Hvítá fær
styrk og einnig renna verulegar fjár-
hæðir til uppbyggingar í Kerlingar-
fjöllum. Að mínu mati er Kerlingar-
fjallasvæðið mest spennandi kostur
í uppbyggingu ferðamannastaða í
sveitarfélaginu og verður gaman
að sjá hvað gerist þegar Kjalvegur
kemst í gott horf því það er mín spá
að þetta verði næstu „Landmanna-
laugar“ Íslands. (Úr Pésanum, frétta-
bréfi Hrunamanna)
Mynd: GÞ, af vefnum blog.is
Tour de Hvolsvöllur
Laugardaginn 28. júní sl. var mikið um að vera á Hvolsvelli því bæði fór fram götuhjól-
reiðakeppnin Tour de Hvolsvöllur
og einnig bæjarhátíðin Hvolsvöllur.is
Götuhjólreiðakeppnin Tour de
Hvolsvöllur var haldin sl. laugar-
dag en þetta er í 4. sinn sem hún
er haldin í núverandi mynd. Saga
keppninnar er þó mun lengri en hún
var haldin fyrst árið 1993 og þá hjól-
uðu 6 manns milli Reykjavíkur og
Hvolsvallar. Í keppninni var boðið
upp á tvær leiðir, Reykjavík – Hvols-
völlur og Selfoss – Hvolsvöllur. Alls
komu 116 manns í mark og þar af 80
frá Reykjavík. Keppnin er orðin ein
stærsta götuhjólreiðakeppni landsins
og fjölgar keppendum ár frá ári.
Meðan á Tour de Hvolsvöllur
stóð var Dr. Bæk og samstarfsfólk
hjá Hjólafærni með aðstöðu í tjaldi
á miðbæjartúninu og tók þar hjól í
skoðun og vottun. ÁLK
Tour de France hjólreiðakeppnin hefur fengið verðugan keppinaut á Hvolsvelli! Þau sem lengst fóru höfðu lagt af
stað í bítið úr Reykjavík. En það var líka hægt að ljúka fjölskylduhring.
Aflaverðmæti í mars 2014
Í mars var aflaverðmæti íslenskra skipa um 13,5% lægra en í mars
2013. Mestur er samdrátturinn í
loðnu eða um 3,4 milljarðar kr. en
verðmæti í þorski jukust um 1,7
milljarða króna.
Aflaverðmæti íslenskra skipa
á tólf mánaða tímabili frá apríl
2013 til mars 2014 dróst saman
um 11,4% miðað við sama tímabil
ári áður. Verðmæti í loðnu dróst
saman um 13 milljarða króna en
samtals í uppsjávaraafla um 31,8%
milli tímabilanna.
Logar í hálfa öld!
Hljómsveitin Logar fagnar 50 ára afmæli í ár. Þeir halda tónleika og létta
sögustund í gömlu Höllinni í Vest-
mannaeyjum á goslokahátíð um
helgina. Þeir eldast vel og brugðu
á leik hjá Bergsteini í Set á Selfossi
þar sem myndin var tekin.