Selfoss - 03.07.2014, Blaðsíða 6
6 3. júlí 2014
10 bragðtegundir
gelato
Ítalskur
ís
Nýtt nýtt nýtt
Nú þurfa selfyssingar ekki lengur að fara til Reykjavíkur
til að fá ekta ítalskan kúluís.
Við erum með 10 bragðtegundir af ekta ítölskum gelato.
Verði ykkur að góðu..........
Endurhæfingarstöð í samhljómi náttúru og manns
Sérstæð sýning á verðlaunaverki Önnu Birnu Björnsdóttur í Listasafni Árnesinga.
„Ég er uppalin í Hveragerði og flutti þaðan í bæinn þegar ég var unglingur. Ég vissi alltaf
að ég ætlaði að fara í einhvers-
konar hönnun svo mér fannst það
nauðsynlegt að hafa einhvern bak-
grunn í viðskiptum. Það gerist svo
oft að listamenn og hönnuðir kunna
bara ekki að selja sig, en eru ekkert
síðri en þeir sem þekktastir eru. Þess
vegna ákvað ég að fara í Verzlunar-
skóla Íslands og taka þar stúdentinn
af viðskiptabraut,“ segir Anna Birna.
Spennandi verðlaunaverk.
„Ég hef alltaf haft mikinn áhuga á
því hvernig umhverfið hefur áhrif á
okkur.“ Lokaverkefni Önnu Birnu
úr Lista- og hönnunarháskólanum
í Bergen í Noregi, Vítamín Náttúra,
er nú sett upp sem sérstök sýning
í Listasafni Árnesinga í heimabæ
hennar. Um verðlaunaverkefni er
að ræða. Fjallar það um áhrif um-
hverfis á heilsu og samskipti og er
líkan að endurhæfingarstöð fyrir
fjölskyldur. Hefur Anna Birna stað-
sett stöðina við lítinn foss í Varmá
sem heitir Baula, rétt fyrir ofan
Hveragerði. Þar er hægt að baða sig
í ánni og við lítinn hver sem hitar
upp vatnið. Náttúran á svæðinu er
hluti hönnunarinnar og notuð sem
meðferðarúrræði.
„Þegar stúdentsprófi var lokið
hafði ég ekki úr miklu að moða til
þess að sækja um í góðum skólum úti
svo ég fór á hönnunarbrautina í Iðn-
skólanum í Hafnarfirði. Ég komst
inn í Kunst- og Designhögskolen
i Bergen sem var skólinn sem mig
langaði mest að komast í. Þar tók
ég bæði bachelor og master í innan-
húsarkítektúr og húsgagnahönnun.
Þetta er rosalega spennandi nám og
ég fann mig algerlega í þessu.“
Á námstímanum hefur Anna Birni
vakið athygli fyrir verk sín. Þegar ný-
sköpunarmiðstöðin Impact Hub var
að koma sér fyrir í Bergen var nem-
endum nokkurra hönnunarskóla í
Noregi boðið að mynda vinnuhópa
og senda inn tillögur að innréttingu
aðstöðunnar. Tíu nemendahópar
tóku þátt í þessari samkeppni og
tillaga hópsins sem Anna Birna var í
varð fyrir valinu. Impact Hub er með
aðsetur í 36 borgum 5 heimsálfa og
býður aðstöðu fyrir frumkvöðla til
þess að vinna, hittast, læra, tengjast
og koma framsæknum hugmyndum
af stað með sjálfbærni að leiðarljósi.
„Innanhúsarkitektúr snýst mikið
um að hanna rými á sem bestan og
praktískastan hátt fyrir notandann.
Þetta nám snerist því mikið um að
skilja rýmið og þá sem ætla að nýta
það. Við vorum hvött til að leita út
fyrir kassann. Við máttum til dæmis
ekki tala um svefnherbergi og eld-
hús heldur rými til að sofa í og rými
til að elda eða borða í. Kennararnir
voru jafn mismunandi og litirnir eru
margir en þeir kenndu okkur að vera
gagnrýnin í hugsun og opin fyrir
ferlinu og hvernig hugmyndir geta
þróast úr einu í eitthvað allt annað.
Ég lærði samt ekkert síður mikið
af samnemendum mínum en við
vorum hvött til að hjálpa og læra
sem mest hvert af öðru.“
Náttúra landsins
gleymist oft í skipulagi.
Anna Birna ætlar sér að vinna á Ís-
landi. „Ég er mjög spennt að komast
inn á vinnumarkaðinn og sé fyrir mér
að geta jafnvel einhverntíma stofnað
mitt eigið hönnunarfyrirtæki. Mig
langar að taka þátt í að koma Íslandi
á kortið í heimi hönnunar og nýta til
þess fallega landið okkar. Mig langar
líka að auka skilning fólks á áhrifum
umhverfisins á okkur. Náttúran er
til dæmis okkur alveg rosalega mik-
ilvæg en hún gleymist oft í skipulagi
á fjölbýlum. Það hefur einmitt sýnt
sig að skortur á náttúrulegum þátt-
um í umhverfinu getur haft neikvæð
áhrif á okkur líkamlega og andlega.
Þróunin á okkar byggða umhverfi
hefur á margan hátt aðskilið okkur
frá náttúrunni, svo hví ekki að snúa
þróuninni við og líta aftur til nátt-
úrunnar þegar við búum til hús?“
Hugmyndir Önnu Birnu um
endurhæfingarstöð í Hveragerði
eru spennandi.
„Þessar hugsjónir voru mér stoðir
fyrir mastersverkefnið mitt sem er nú
verið að sýna í Listasafni Árnesinga.
Þar nýti ég fallegu íslensku náttúr-
una sem part af hönnuninni sem
heilsufarsúrræði.“ ÞHH
Við opnun sýningarinnar. Anna Birna listhönnuður kynnir Aldísi Hafsteins-
dóttur bæjarstjóra hugmyndir sínar um endurhæfingarstöð.