Selfoss - 14.08.2014, Blaðsíða 4
4 14. ágúst 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. auglýsingastjóri: Ámundi Ámundason, Suðurlandsbraut
54, 108 Reykjavík. Auglýsingasími 578 1190, netfang: auglysingar@fotspor.is. Ritstjóri:
Þorlákur Helgi Helgason, netfang: torlakur@fotspor.is Myndir: ÞHH og ýmsir aðrir.
Umbrot: Prentsnið, Prentun: Ísafoldarprentsmiðja, 9.500 eintök. dreifing: Íslandspóstur
Fríblaðinu er dreiFt í 9.500 eintökum á öll heimili á suðurlandi.
SELFOSS
15. TBL. 3. ÁRGANGUR 2014
Selfoss inn á hvert heimili!
Því dæmist rétt vera ...
Riðið á brokki
alla Ölfusárbrú!
Brúarvörðurinn við Ölfusar-árbrú kærir Sigurð Málm-kvist fyrir að hafa þann 13.
ágúst „riðið á brokki alla brúna.“
Kærði taldi aftur á móti að hestur-
inn hefði tekið smá skokk-kippi.
Með dómi lögregluréttar Reykja-
víkurkaupstaðar uppkveðnum 12.
september 1907 var hinn kærði
dæmdur til að sæta 5 kr. sekt og
allan kostnað sektarinnar. „Sektin
skal að hálfu renna til uppljóstrar-
manns Símonar Jónssonar, en að
hálfu í sýslusjóð Árnessýslu,“ segir
m.a. í dómsorði.
Kærði sagði hestinn hafa verið
fælinn og að hann hafi ekki þekkt
reglurnar fyrir umferð um brúna.
„Þetta getur þó hvorugt leyst hann
(kærða) undan ábyrgð fyrir verkn-
aðinn,“ segir í dómi. Hestinn hefði
kærði átt að teyma fót fyrir fót –
og reglurnar fyrir umferðinni sem
festar eru á við brúarsporðinn var
honum skylt að kynna sér áður en
lagt var á brúna.
Sigurður var sem sé sektaður
um 5 krónur og til að greiða „allan
áfrýjunarkostnað málsins, þar með
talið málflutningskaup til sækjanda
og verjanda við yfirdóminn, er
ákveðst 10 kr. fyrir hvorn þeirra.“
Torfærukeppnin vinsæl
Margt fólk fylgdist með tor-færukeppni sem fór fram í
Jósepsdal 12. júlí. Topplausnator-
færan var haldin af Torfæruklúbbi
Suðurlands. Í götubílaflokki kepptu
m.a. Eðvarð Orri Guðmundsson og
Ívar Guðmundsson frá Selfossi. Í
torfæruflokki gerði Snorri Þór Árna-
son sér lítið fyrir og sigraði.
Leyndardómar steinsins
Gréta Berg Bergsveinsdóttir sýnir ljóðrænar
myndir í Perlunni 3.–31. ágúst.
Gréta Berg stundaði m.a. nám við Handíða- og myndlistar-
skólann, en starfar nú sem hjúkr-
unarfræðingur á Heilsustofnun
NLFÍ. Á sýningunni, sem er sölusýn-
ing, eru 20 olíumálverk. Flest túlka
það sem Gréta sér í steinum sem
hún hefur fundið úti í náttúrunni.
Í hverjum steini geta verið margar
myndir og það er heillandi að sjá
hvað Gréta sér út úr örsmáum lit-
brigðum í steinunum. Einnig verða
til sýnis nokkrir steinar sem tengjast
myndunum.
Gréta er frá Akureyri en hef-
ur búið í Hveragerði í nokkur ár.
Gréta hefur teiknað frá barnsaldri.
Hún stundaði nám við Handíða-
og myndlistaskólann 1966-7, við
Myndlistaskólann á Akureyri 1982,
við kvöldskóla FB vorið 1999, við
Endurmenntunardeild H.Í vor og
sumar 1999 (listmeðferð), við Mynd-
listaskóla Reykjavíkur haustið 1999
(portrettmálun) og við Listabraut
Fjölbrautaskólans í Breiðholti 2002-
2005. Myndir hennar eru ljóðrænar
og út úr þeim má gjarna lesa sögur.
Gréta tók þátt í samsýningum á
Akureyri og starfaði með Mynd-
hópnum þar á árunum 1982 -´90.
Hún hefur haldið margar einkasýn-
ingar; á Akureyri, Ísafirði, í Mosfells-
bæ, Reykjavík og Hveragerði.
Sýningin er opin kl. 10-18 og
stendur út ágúst.
Hvatningarverðlaun
Öryrkjabandalagsins 2014
Á alþjóðlegum degi fatlaðra þann 3. desember hefur
Öryrkjabandalag Íslands veitt
Hvatningarverðlaun árlega frá
2007. Markmið verðlaunanna
er að skapa jákvæða ímynd fyr-
ir fatlað fólk og vekja athygli á
þeim sem þykja hafa skarað fram
úr og endurspeglað nútímalegar
áherslur um jafnrétti, sjálfstætt líf
og þátttöku fatlaðs fólks í sam-
félaginu. Verðlaunin eru veitt í
þremur flokkum; flokki einstak-
linga, fyrirtækja/ stofnana og í
flokknum umfjöllun/kynning.
ÖBÍ óskar nú eftir tilnefningum
til Hvatningarverðlauna Ör-
yrkjabandalags Íslands 2014 sem
berast þurfa fyrir 15. september
næstkomandi.
Tilnefningar má senda rafrænt,
eyðublað er að finna á heimasíðu
ÖBÍ.
Hótel á Orustustöðum eða hvað?
Skaftárhreppur auglýsir eftir athugsaemdum við tillögu að breyttu aðalskipulagi 2010-
2022. Um er að ræða 15 hektara
svæði innan jarðarinnar Orustustaða
á Brunasandi sem gert er ráð fyrir að
færist úr landnýtingarflokki. Í stað
„landbúnaðarsvæðis“ komi „verslun
og þjónusta.“ Þá er einnig skilgreind
svæði til efnistöku, vatnsöflunar og
um vegtengingu að landi Orustu-
staða.
Sem kunnugt er hefur staðið til
að reisa hótel mikið á Orustustöð-
um og standa feðgarnir Hermann
Hreiðarsson og Hreiðar Hermanns-
son þar að.
Athugasemdir við Aðalskipulag
Skaftárhrepps þurfa að berast í síð-
asta lagi 5. september 2014. Til-
löguna í heild má finna á heimasíðu
hreppsins: www.klaustur.is.
ÞHH
Við rústirnar á Orustustöðum. Myndin var tekin í ferð FÍ um Brunasand í
sumar. sjá frásögn í blaðinu í dag.
Hún gerði sig heimankomna kisan í
gesthúsum á selfossi. Kettlingafull
og varð að gera leit að afkvæmunum
sem um síðir fundust í kommóðu-
skúffu. gestum og gangandi er fjöl-
skyldan kærkomin.
Það var orðið loðið grasið á selfosstúninu þegar sláttur hófst. En rosinn hafði
betur og ekki hægt að snúa í marga daga. Líklega dæmigert fyrir tíðina á
suðurlandi fram að þessu.
Myndir: ÓH.
Árborg í
fararbroddi!
Sveitarfélagið á að vera í farar-broddi við að að jafna stöðu allra,
er inntak tillögu S-lista í bæjarráði
Árborgar. „Bæjarráð samþykkir að
láta fara fram skoðun og úttekt á
aðgengismálum fatlaðs fólks í öllum
byggingum og stofnunum sveitarfé-
lagsins. Einnig verði skoðað og fram-
kvæmd úttekt á að aðgengi að upp-
lýsingum á heimasíðunni standist
kröfur um aðgengi fyrir fatlað fólk.“