Selfoss - 14.08.2014, Blaðsíða 6
6 14. ágúst 2014
Það hafa margir farið til Tyrklands á síðari árum á staði eins og Bodrum,
Marmaris, Alanya, Antalya og á marga aðra staði. Það sem einkennir marga
bæi í Tyrklandi eru markaðir þar sem lykt af kryddi, grænmeti, ávöxtum, kjöti,
fiski og öllu mögulegu liggur í loftinu. Sölumenn hrópa og kalla til að ná athygli
viðskiptavina og þeir prútta eins og þeir geta. Þarna er fjörið og allt byggir á
aldagömlum hefðum viðskipta á þessum slóðum. Þarna kaupum við ekki mat
sem er margpakkaður í umhverfishættulegar umbúðir og borgar eins og þér er
sagt – og talar um það þegar heim er komið hvað þetta er rosalega dýrt.
En þetta var nú útúrdúr. Nú leita ég
til dóttur minnar Írisar sem ákvað að
hafa tyrkneskt þema í „saumaklúbbn-
um“ (þar er aldrei saumað) sem hún
hélt um daginn. Eins og algengt
er í Tyrklandi samanstóð maturinn
af smáréttum sem er kallað meze á
þessum slóðum. Hún safnaði saman
uppskriftum víða frá meðal annars
frá systur sinni, Evu Maríu í Hollandi
sem fer oft á tyrkneska markaðinn
þar.
Falafel
Falafel er vinsæll réttur í Mið-Aust-
urlöndum og er ekki ólíkt grænmetis-
buffi.
• 1/4 bolli af myntu
• 1/2 bolli af kóríander
• 1/2 bolli þurrkuð brauðmylsna/
heimatilbúið rasp
• 4 vorlaukar, skornir í bita
• 1 dós kjúklingabaunir
• 1 tsk cummin (broddkúmen)
• 1 tsk tabasco
• salt
Byrjið á því að mauka kóríander,-
myntu og vorlauk í matvinnsluvél.
Bætið næst brauðmylsnu,kjúklinga-
baunum,cummin og tabasco saman
við og maukið vel.
Mótið falafelsneiðar með höndun-
um. Það er ágætt að setja smá olíu á
hendurnar fyrst og ímynda sér síðan
að maður sé að fara að búa til ham-
borgara. Falafelið á sem sagt að vera
eins að lögun og hamborgarar. Þessi
uppskrift gerir fjögur falafel. Það er
líka hægt að móta Falafel í kúlur -
áþekkar kjötbollum að stærð.
Hitið ólífuolíu á pönnu og steikið
í um fjórar mínútur á hvorri hlið.
Eggaldinmauk.
Þrjú heil eggaldin eru látin í 200-
220°C heitan ofn í 45 – 60 mín.
Látin kólna, afhýdd og maukuð ásamt
125ml tahini, safa úr einni sítrónu
og 1 pressuðu hvítlauksrifi. Saltað
eftir smekk
Þetta er ekki fallegt á litin og því
tilvalið að strá fallega rauðu papriku-
dufti yfir.
Caçik - er frábær jógúrtsósa en
einnig má nota tatziki.
½ gúrka
1 lítill laukur
2 hvítlauksgeirar
10 gr. (eða bara góð lúka) steinselja.
Líka gott að nota aðrar jurtir eins og
myntu eða graslauk.
4,75 dl hrein jógúrt (skemmir ekki
fyrir ef hún er grísk)
¼ tsk paprikuduft
Salt og pipar.
Skerið gúrku smátt, saxið lauk og
pressið/maukið hvítlauk. Hakkið
steinselju smátt.
Hrærið jógúrtina í skál og blandið
gúrku, lauk, hvítlauk og steinselju
saman við. Smakkið til með salti og
pipar og stráið paprikudufti yfir (ekki
hræra duftið við). Látið standa í kæli
í a.m.k. klukkutíma og skreytið með
myntu eða öðrum jurtum áður en
borið er fram.
Böreks
35-40 stk.
225 g.r mulinn fetaostur
(ekki í olíu)
225 g.r raspaður mozzarella
2 egg, lauslega þeytt
3 msk. fínsöxuð steinselja
3 msk. fínsaxaður graslaukur
3 msk. fínsöxuð mynta
Ögn af múskati
225 gr fílódeig (helst eiga ”blöðin”
að vera 25x45 cm eða allavega eitt-
hvað nálægt því – má nota smjördeig
en þá þarf að hafa það mjög þunnt)
3-4 msk. brætt smjör
Pipar
Hitið ofninn í 180 gráður.
Blandið feta, mozzarella og eggjum
í skál. Bætið kryddjurtum, pipar og
múskati við og blandið vel saman.
Skerið fílódeigblöðin í fernt þannig
að hver renningur verði ca. 7 cm á
breidd en haldi sér á lengdina (verði
s.s. 7,5 x 45 cm). Best er að vinna með
1-2 renninga í einu og geyma hina
undir rökum klút svo þau þorni ekki.
Smyrjið deiglengjuna með smá
bræddu smjöri, setjið ca. teskeið af
fyllingu næstum því neðst á deigið
og leggið endann á deiginu yfir fyll-
inguna þannig að það myndist þrí-
hyrningur. Síðan þarf bara að velta
þríhyrningnum fram og til baka upp
alla lengjuna (svona eins og þegar
maður brýtur saman plastpoka) og
endurtaka með allar hinar lengjurnar.
Bakið við 180 gráður í ca. 30 mín
og berið fram hvort sem er heitt eða
kalt.
Það er hefð að hafa svona böreks í
þríhyrning en auðvitað má leika sér
að hvaða formi sem er.
Kjötbollur
4oo gr. nautahakk
1.dl. brauðrasp
1. tsk. cummin (broddkúmen)
1 tsk. kóriander
½ tsk. engifer
1.tsk. salt
Chili á hnífsoddi
Pipar eftir smekk
Rifinn börkur af einni sítrónu
2 msk. furuhnetur
Hnoðað saman og búið til bollur.
Settar á plötu og bakaðar í ofni 200°C
í ca. 20mín.
Maríneraðar ólífur.
Grænar og svartar ólífur
Olífuolía
– ekki úr ólífukrukkunum
1 hvítlaukur í sneiðum
2-3 rauðir chilipiprar, skornir
niður og fræhreinsaðir (ef vill)
Perlulaukur
Salt og pipar
Sólþurrkaðir tómatar
Oreganó
Magnið fer eftir smekk
Blandað saman og geymt í kæliskáp
í fjóra daga.
Tyrknest matbrauð
2 ½ tsk. þurrger
3 dl. volgt vatn
1 tsk. hunang
4 msk. ólífuolía
1/2 tsk. salt
100 gr. heilhveiti
350 gr. hveiti
20 fetaostbitar
Kóríanderlauf
Leysið upp gerið, hrærið hunang,
ólífuolíu, salt og heilhveiti út í. Látið á
volgan stað þar til loftbólur myndast.
Bætið þá hveitinu í og látið hefast
í klukkutíma. Deiginu skipt í 8-10
hluta og hnoðað í bollur. Fletjið
bollurnar með hendinni og mótið
upphækkaða brún. Myljið tvo feta-
ostabita á hvert brauð ásamt söxuðum
kórianderlaufum. Látið hefast aftur
í 15-20 mín. Bakað við 180 gráður
í 25 mín.
Að lokum var boðið upp á
Súkkulaðimús sem er nú kannski ekki
alveg tyrkneskt en góð sem eftirréttur.
Súkkulaðimús
300gr. súkkulaði
2 egg
2 tsk. flórsykur
4 dl. rjómi
Egg og sykur þeytt saman.
Súkkulaðið brætt og rjóminn.
Súkkulaðið sett út í eggjahræruna og
rjóminn hrærður varlega saman við.
Skemmtilegt er að skipta súkkulað-
inu í hvítt og dökkt.
Gangi ykkur vel og verði ykkur að
góðu.
Kv. KS
Okkar vinsæli heimilismatur í hádegi alla virka daga kl. 12:00 - 13:30.
Súpa, aðalréttur, kaffi, biti, kaka eða ávöxtur.
Allt þetta á aðeins 1.490,- kr.
Breiðumörk 2b, Hveragerði
Pizzur, smáréttir, veislur, bar.
Gæði - Þjónusta - Lipurð - Stöðugleiki
Leggið aldrei svöng í heiði - Hveragerði anddyri Suðurlands
Blómstrandi dagar 15. – 17. ágúst nk.
PIZZA-sneiðar og dulmögnuð kjötsúpa afgreitt á útisvæðinu fyrir framann SETRIÐ,
Frítt kaffi og frír ís fyrir börnin meðan byrgðir endast, frá kl. 13:00 til 17:00 laugardag.
Okkar vins li hei ilis atur í hádegi alla virka daga kl. 12:00 - 13:30.
úpa, aðalréttur, kaffi, biti, kaka eða ávöxtur.
llt tt i . ,- r.
Breiðumörk 2b, Hveragerði
i
Leggið al rei svöng í heiði - veragerði an yri Suðurlan sLeggið aldrei svöng á Heiði - Hofland-Setrið, heitast veitingastað r á suðurlandi.
TYRKNESK ÁHRIF
Að hætti hússins
Kristjana Sigmundsdóttir
kristjanasig@simnet.is