Selfoss - 11.09.2014, Qupperneq 2
2 11. SEPTEMBER 2014
Hitaveitu &
gasskápar
Blikksmiðjan Vík ehf / Skemmuvegur 42, 200 Kópavogi / kt. 4309850279 / Sími: 557-1555 / blikkvik@blikkvik.is
fyrir sumarbústaði og heimili
Gæði • Þjónusta • Öryggi
Hitaveituskápar
Við sérsmíðum og eigum líka hitaveitukassa á lager.
Einnig smíðum við mikið af kössum á kerrur, bíla ofl.
Fáanlegir í mörgum litum.
Gasskápar
Eigum gasskápa á lager. Læsanlegir
og smíðaðir úr áli.
Láttu ekki stela af þér kútunum!
Á prýðilegum fundi með Illuga Gunnarssyni ráðherra á Selfossi í fyrri viku vék hann sérstaklega að gæðum íslenska mennta-kerfisins. Menn eru gjarnari að lýsa veikum stoðum. Reyndar
sagðist Illugi ekki vera að fást við galla kerfisins heldur kosti þess.
Einn af kostum kerfisins væri að hér ríkti jöfnuður milli skóla. Það
væri góðs viti fyrir foreldra að það væri ekki mikill munur á árangri
eftir skólum. Hér ríkir jöfnuður, tækifæri til menntunar væru á jafn-
réttisgrunni. Mismunurinn liggur innan skólanna sjálfra. Munur á
árangri milli nemenda er mjög hár á Íslandi og í samanburði milli
landa. Kennsluhættir þyrftu að breytast. Þá telur ráðherra að líklegt
sé að stefnan um „skóla án aðgreiningar“ valdi þar nokkru um. Það
er efni til frekari pælinga um íslenska skólann.
Félagsleg staða nemenda hefur lítil (eða takmörkuð?) áhrif á árangur
nemenda í skólum á Íslandi. Og aðgengi að menntun er bærilegt; hátt
í þriðjungur þjóðarinnar sækir sér menntun og hér er fólk á öllum
aldri, allt frá leikskóla til fjölbreyttrar framhaldsfræðslu og endur-
menntunar. Eins og greint er frá í blaðinu í dag vekur það athygli að
nemendur sem hafa íslensku að frummáli en eru fæddir erlendis skila
sér best í gegnum framhaldsskólann. 62% úr þessum hópi sem hófu
nám höfðu útskrifast fjórum árum síðar. Borið saman við nemendur
án erlends bakgrunns (en skólagöngu eingöngu á Íslandi) þar sem
45% höfðu útskrifast af framhaldsskólastigi fjórum árum síðar. Það
sem líklegast að verði helst nefnt að styrki stöðu íslenskra námsmanna
sem koma að utan verður eflaust að það sé meiri agi í skólum utan
Íslands. Og þá of lítill agi í íslenskum skólum. Þetta gefur tilefni til
að fjalla frekar um.
Jöfn tækifæri til menntunar er ekki sjálfgefið. „Íslenski skólinn“ hefur
í meira en öld alið á þessu grundvallaratriði. Sumar aðrar þjóðir hafa
vikið af leið. Telja eftirsóknarvert að auka fjölbreytni í rekstri og hafa
boðið heim einkarekstri í ríkari mæli. Ekki hefur það gengið eftir í
bættum námsárangri eða meiri „skilvirkni“ í skólakerfinu. Í vikunni
birtu sænskir niðurstöður úr samræmdum prófum í lokaáfanga grunn-
skólans. „Hræðilegar tölur“ er fyrirsögnin í stærsta dagblaði Svíþjóðar
sl. sunnudag. Frá 2006 hafa einkunnir í grunnfögunum hrapað um
fjórðung. Mismunur milli skóla eykst. Yfirvöld menntamála segja
að lífsskilyrði barna sem lendir í röngum skóla minnki. Og þá ræðst
einkunn að verulegu leyti af skólagöngu og félagsstöðu foreldranna.
Kennarasamtökin kenna því um að aukið frelsi til að velja skóla
fyrir barnið sé meginástæðan. Velstæðir foreldrar aka börnum sínum
framhjá lágtskrifuðum skólum í aðra „betri.“ Það muni taka 6-7 ár
að vinda ofan af þessari þróun.
Reynslan í Svíþjóð á að vekja okkur til umhugsunar um skólann og
velferð barnanna. Jafnrétti til náms er lykilatriði sem ekki má hverfa frá.
Þorlákur Helgi Helgason
Jöfn tækifæri
til náms
LEIÐARI
Um Eyrar-
bakkaprestakall
Þjóðfélagsumræðan hefur færst yfir
á rafræna miðla, samfélagsmiðla. Þar
hafa sunnlendingar látið sig varða
mál kirkjunnar. Sr. Úlfar Guð-
mundsson, fyrrum prófastur reið á
vaðið um Eyrarbakkaprestakall:
Mér finnst athyglisvert og öm-
urlegt að nú hefur ríkisvaldið með
niðurskurði lagt niður fimm presta
í mínu gamla prófastsdæmi. Það eru
prestarnir á: Þingvöllum, Mosfelli,
Stóra Núpi, Hraungerði og nú síðast
hefur enginn verið ráðinn á Eyrar-
bakka. Þá hefur mitt gamla prófasts-
dæmi verið eyðilagt og nær nú frá
Selvogi í vestri og austur í Lónsveit.
Þannig að ætli fólk að hittast tekur
það allan daginn að aka aðra leiðina.
Já þetta er sorgleg þróun. Nú hefur
verið ákveðið að sr. Jón Ragnarsson í
Hveragerði þjóni Eyrarbakkapresta-
kalli til áramóta. Hann hringdi í mig
á fimmtudagsmorgun og spurði
hvort ég gæti ekki tekið eina og
eina messu þegar það rækist á i sinu
skipulagi. Ég sagði NEI. Þessi mál
verða ekki leyst með gamalmenni á
áttræðisaldri í sjálfboðavinnu.
Sædís Ósk og
fleiri íbúar við
ströndina vilja
kjósa um nýjan
prest og spurt er
hvort nýi biskup-
inn sé ekki að standa sig.
Síðasta lag
fyrir fréttir
Kristinn Sig-
mundsson
óperusöngv-
ari segir að
verið sé að
úthýsa söng-
laginu: Nú er
fokið í flest
skjól. RÁS1
hefur hingað
til verið eina stöðin þar sem maður
gat fengið að vera í friði fyrir þessum
ágengu og plebbalegu leiknu aug-
lýsingum sem hafa tröllriðið öllum
öðrum fjölmiðlum. Nú fer að koma
að því að ég slökkvi á útvarpinu.
Ég er ekki viss um að ég kveiki á
því aftur.
Síðasta lag fyrir "leiknar" auglýs-
ingar. Hvers konar idjótí er þetta?
Þetta er greinilega aðferð til að út-
hýsa íslenska sönglaginu. Skammist
ykkar.
Þórunn Sigurðardóttir er afdrátt-
arlaus - en ég segi enn og aftur, ef
menn hreyfa við veðurfréttunum, þá
stofna ég stjórnmálaflokk!!!
Gott að vera á
Heilsuhælinu í
Hveragerði
Aðasteinn Bergdal
hefur dvalið þar:
Þá er liðinn þessi
frábæri föstudag-
ur og við er tekinn
laugardagur, sem
við að sjálfsögðu
gerum að frábær-
um degi einnig,
enda er það okkar að sjá til þess að
svo verði, engin gerir það fyrir okkur.
Veðrið lék við okkur hér í Hvera-
gerði í gær einn daginn enn, nánast
vindlaust, hlýtt og þurrt. Dagurinn
byrjaði snemma á vatnsleikfimi og
var það skolli gott og gefandi fyrir
kroppinn og ég held bara sálina líka,
og svo var ganga og fleira. Heilsuhæl-
ið er dýrðar staður, og nái fólk ekki
að lyfta sér í hæðir hér hvað heilsu
varðar, þá er það hvergi hægt. Hér
er sannarlega verið að bæta heiminn
... Ja, best er að taka ósigrum í lífinu
líkt og manni sé ánægja að þeim og
sigrunum sem eðlilegum hlut.
Gísli Skúla leirar:
Friður sé með yður
Kirkjan mín færist nær funa,
farinn er Óskar í Hruna
– hvað verður um vesælan mig?
Fá nú í friði að vera
fyrirmenn, biskup og séra,
með nánast allt niður um sig.
Skákkennsla í Fischersetrinu
Fischersetrið á Selfossi í sam-starfi við Sveitarfélagið Ár-borg og Skákskóla Íslands
stendur fyrir skákkennslu fyrir
grunnskólabörn í Fischersetrinu
á laugardögum kl. 11.00–12.30.
Yfirumsjón með kennslunni hef-
ur Helgi Ólafsson, stórmeistari og
skólastjóri Skákskóla Íslands.
Alls verða þetta 10 laugardagar
og fyrsti tími verður laugardaginn
20. sept. nk. Það þarf að mæta hálf-
tíma áður en fyrsta æfing hefst til
að ganga frá skráningu og greiðslu
nemendagjalds sem er kr. 4.500
fyrir þessi 10 skipti.
Varðandi frekari upplýsingar þá
vinsamlegast hringið í síma 894-
1275 eða sendið tölvupóst á net-
fangið fischersetur@gmail.com
Fischersetrið á Selfossi.
Eru að uppgötva
Suðurstrandarveginn?
- Umferðin meiri í ágúst en júlí.
„Þetta er mjög athyglisvert sem er að gerast á Suðurstrandarvegi,“ segir Friðleifur Ingi Brynjarsson,
verkefnastjóri hjá Vegagerðinni. Um-
ferð um Suðurstrandarveg var meiri
í ágúst sl. en júlí. „Spurning hvort
menn séu nýlega búnir að uppgötva
veginn því það er afar fágætt að ágúst-
mánuður sé stærri en júlí á þjóðveg-
um út á landi.“ Eins og sést af skýr-
ingarmyndunum sem Friðleifur Ingi
setti upp hefur umferðin aukist milli
áranna 2013 og 2014 alla mánuði ef
mars er undanskilinn. ÞHH
það var og...