Selfoss - 09.10.2014, Blaðsíða 14
14 9. OKTÓBER 2014
Gefur á bátinn?
Eitthvað bjátar á hjá þér
augað grátið hefur.
Þetta er mátinn, því er ver
þegar á bátinn gefur.
Arnleif Lýðsdóttir er höfundur
vísunnar hér að ofan. Hún var fædd í
Brattholti 1877 og bjó á Eiríksbakka
sem tilheyrir einnig Biskupstungum.
Arnleif var snjall hagyrðingur eins
og sjá má á hringhendunni næstu
Eftir strangar erjur dags
oft mér langan vekur stríða
að sitja í fangi sólarlags
við sumarangan grænna hlíða.
Í Iðunnarferð var Arnleif beðin
um vísu:
Ef ég svara ætti þér
ei má spara kraftinn.
Örvar fara út frá mér
opni ég bara kjaftinn.
Skáldkonan á vænan ættbálk af
söng- og ljóðelsku fólki vítt um
Suðurland og bera nokkrir afkom-
endanna þetta tignarlega nafn henn-
ar. Vísur Arnleifar og fjölmargra
vísnasmiða má finna á vefsíðum
sem varðveittar er hjá Árnastofn-
un. Bragi.info er gott leiðarhnoða
til að finna síðuna. Ragnar heitinn
Böðvarsson lagði grunn að vísna-
síðu Árnesinga þar sem finna má
vísur Arnleifar og fjölmargra Sunn-
lendinga, en nú er hvoru tveggja að
Ragnars nýtur ekki lengur við og
sá skorni skammtur sem veittur var
til vísnaskráningar er uppurinn og
erfitt að sækja fleiri krónur til frekari
skráningar.
Ragnar tók þátt í starfi Hörpu-
kórsins, sótti söngkvöld og morgun-
og nónsöngva í Grænumörk. Hann
orti líka um sönginn:
Verði stundin leið og löng
læra skaltu þetta:
Ef þú bara iðkar söng
óðar mun þér létta.
Norður við Húnaflóa í Skjalasafni
Austur-Húnvetninga spratt upp
kersknisvers, vel hálfrar aldar gam-
alt og lenti framan á Harðhausnum,
vísa um bankastjóra þar sem kunn-
uglegt örnefni uppi á Kili er notað til
að breiða yfir rótarskapinn:
Það ætti að hreinsa út með sóp
innstu bankasali
og reka alla í einum hóp
upp í Þjófadali.
Úr Harð Haus (19)
Ingi Heiðmar Jónsson
þekkirðu bæinn?
Að þessu sinni birtum við mynd af
óþekktum bæ. Ljósmyndari er Ottó
Eyfjörð. Upplýsingar eru vel þegnar.
Hvaðan er myndin? Hver er sagan á
bak við myndina? Og aðrar sögur vel
þegnar. Vinsamlegast hafið samband
við ritstjóra í síma 8942098 eða á
netfang torlakur@fotspor.is. Þá má
hafa beint samband við Héraðskjala-
safn Árnesinga á Selfossi.
Í síðasta blaði birtum við mynd af samkomuhúsi. Þetta reyndist vera
Vatnaskógur Vindáshlíð. Þar hefur
KFUM haldið hús um árabil. Þar er
allt gróið og sumarbústaðir á víð og
dreif innan um og saman við skóg-
inn. Þar hefur ekki alltaf verið jafn
gjöfult. Um miðja 19. öld féll jörðin
undir Reynivelli í Kjós. Segir um
tekjur af ítökum og hlynnindum:
Ónotuð: „Hin önnur ítök eru að
mestu liðin undir lok, nema lítilfjör-
legt hrísrif í Vindáshlíð ...“
Sunnudag 14. ágúst 1932 drifu
KR ingar sig í „skemtiför“ og buðu
öðrum bæjarbúum með. Stefnt var
í Vatnaskóg í berjamó, danz og
sund. Lagt var af stað með Esjunni
sundvíslega klukkan 8.15 árdegis.
Farþegar fluttir í land að Saurbæ
og þaðan lagt strax af stað upp í
Vatnaskóg. „Í skóginum verður
skemt með hljóðfæraslætti, glímu
og danz. Þeir, sem þess óska, geta
farið í berjamó í nágrenninu.“ Boð-
ið var upp á veitingar í skóginum:
Skyr, mjólk, kaffi, öl og gosdrykki,
sælgæti o.fl. Farmiðar kostuðu 5 kr.
fyrir fullorðna og 2,50 kr. fyrir börn
innan 12 ára.
Fáum okkur far saman
„Við höfum mætt miklum hlýhug og velvilja frá heima-mönnum sem við erum þakk-
lát fyrir. Starfið leggst afskaplega vel
í mig og fjölskylduna. Við hlökk-
um til að gerast sveitafólk og verða
hluti af kröftugu og góðu samfé-
lagi hér í uppsveitunum, “ segir sr.
Óskar H Óskarsson við tíðinda-
mann blaðsins eftir að hann var
settur inn í embætti sóknarprests í
Hrunaprestakalli sl. sunnudag, 5.
október. Fjölmenni var í messu.
Sr. Óskar predíkaði og sagði m.a.
„Boðskapur kirkjunnar, fagnaðarer-
indið skal áfram flutt, sungið, sagt
og téð Guði til dýrðar og okkur
til uppbyggingar. . . . Sem fyrr er
lífið framundan í allri sinni flóru.
Í gleði og raunum, í hversdagslegu
amstri okkar, á tyllidögunum, árið
um kring. Fáum okkur far saman,
sem samfélag og sem kirkja. "
Fjölskyldan mun söðla um. „Það
verður holl áskorun að takast á við
nýjar aðstæður og um leið gerast
bóndi, “ segir sr. Óskar. „Við verð-
um með fé, tíu hænur, tvo ketti og
einn hund; svo það er nú talsverð
breyting á búskaparháttum miðað
við það sem var á Kirkjuveginum á
Selfossi. Um leið og ég er afskaplega
þakklátur fyrir árin sem ég átti á
Selfossi og fyrir allt það góða fólk
og góðu vini sem ég eignaðist þar
þá geng ég fullur tilhlökkunar til
nýrra starfa í Hrunaprestakalli. Allt
hefur sinn tíma, segir í Prédikaran-
um, og það var svo margt í kort-
unum sem sagði mér að nú væri
einmitt rétti tímapunkturinn til
að freista gæfunnar. Að það skyldi
síðan ganga upp - að Gnúpverj-
ar, Skeiðamenn og Hrunamenn
skyldu treysta mér til starfans - er
auðvitað eitthvað sem ég er gríðar-
lega þakklátur fyrir. “
ÞHH
Sr. Óskar var auðvitað mættur í
Skeiðaréttir í haust.