Selfoss - 06.11.2014, Blaðsíða 12

Auglýsing um skipulagsmál í
Rangárþingi eystra
Samkvæmt 31. gr. skipulagslaga nr. 123/2010, er
auglýst eftirfarandi tillaga að breytingu á aðal-
skipulagi Rangárþings eystra 2003-2015.
Hvolsvöllur – Stækkun miðsvæðis
Sveitarstjórn Rangárþings eystra leggur til að aðalskipu-
lagi Rangárþings eystra 2003-2015, verði breytt á þann
veg að miðsvæði (M2) verði stækkað til norðvesturs um
4,5 ha. Svæðið sem stækkunin nær til, var áður skilgreint
sem opið svæði til sérstakra nota/íþróttasvæði og land-
búnaðarsvæði, sem minnka að sama skapi. Svæðið er
innan þéttbýlismarka Hvolsvallar. Umrætt svæði austan
þjóðvegar, sem breytingin nær til, er stækkun á miðsvæði
M2 úr 5,7 ha í 10,2 ha. Þar er aðeins gert ráð fyrir upplifu-
nar- og fræðslumiðstöð, ásamt hóteli og tengdri starfsemi.
Samkvæmt 41. gr. skipulagslaga nr. 123/2010,
er auglýst eftirfarandi tillaga að deiliskipulagi í
Rangárþingi eystra.
Hvolsvöllur – Deiliskipulag vegna eldfjallaseturs
Tilefni deiliskipulagsins er uppbygging alhliða uppli-
funar- og fræðslumiðstöðvar fyrir ferðamenn, helguð
eldstöðvum á Suðurlandi, eldgosum, jarðskjálftum,
hamfarahlaupum, jarðfræði og jarðsögunni með sérs-
taka áherslu á gosið í Eyjafjallajökli og Kötlu jarðvang.
Stærð skipulagssvæðisins er um 4,5 ha. og er aðkoma frá
Þjóðvegi 1 og Hvolsvegi. Gert er ráð fyrir tveimur lóðum,
annarsvegar 27.005 m² lóð fyrir upplifunar- og fræðslu-
miðstöð með leyfilegu byggingarmagni allt að 5000m² og
hinsvegar 18.291 m² lóð fyrir fyrirhugaða hótelbyggingu
með leyfilegu byggingarmagni allt að 5000m².
Ofangreindar skipulagstillögur er hægt að skoða á
heimasíðu Rangárþings eystra www.hvolsvollur.is og á
skrifstofu skipulags- og byggingarfulltrúa að Ormsvelli 1,
860 Hvolsvelli, frá 29. október 2014. Tillaga að aðalskip-
ulagsbreytingu liggur einnig frammi hjá Skipulagsstof-
nun. Hverjum þeim sem telur sig eiga hagsmuna að gæta
er gefinn kostur á að gera athugasemdir við tillögurnar
og er frestur til að skila inn athugasemdum til og með
10. desember 2014. Athugasemdum skal skila skriflega á
skrifstofu skipulags- og byggingarfulltrúa.
F.h. Rangárþings eystra
Anton Kári Halldórsson
Skipulags- og byggingarfulltrúi
Skipulags- og byggingarfulltrúi
Rangárþings eystra
NÝ SENDING AF SÓFASETTUM
Teg. Giulia 3 - 1 - 1 og 3 - 2 - l leður.
Reykjavíkurveg 66 220 Hafnarfirði sími 565 4100
6. Nóvember 201412
GÚMMULAÐI
Ég var með bókaklúbb um daginn en þá er mikið mál að hafa eitthvað gott með
kaffinu meðan spjallað er um bók-
ina sem við lesum. Nú vorum við
að ræða um Konuna við 1000° eftir
Hallgrím Helgason.
Þegar maður er í svona klúbbi fer
maður að hugsa um hvað var síðast
og þar áður og alltaf var eitthvað
sem sló í gegn. Oftast er það samt
eitthvað rosalega hollt sem gefur
frískandi útlit og allt það sem konur
á besta aldri þrá. Ég var orðin nær
græn í framan að hugsa alla þessa
hollustu og viti menn. Allt í einu
datt mér í hug að þær væru orðnar
svo hollar að þær hefðu bara gott af
smá gúmmulaði.
Ég ákvað því að hafa einn heit-
an brauðrétt og tvær kökur. Annars
vegar valdi ég Sachertertu sem ég
hef oft bakað við góð tækifæri.
Sachertertan er ættuð frá Vín í Aust-
urríki. Hún var fyrst búin til af Franz
Sacher 1832 sem þá var yfirkokkur
hjá Metternichi fursta. Þessi á að vera
ekta Sacherterta en auðvitað veit ég
það ekki - en góð og sæt er hún.
Sacherterta.
Í deigið þarf:
170 gr. smjör
170 gr. sykur
6 stór egg
I tsk. vanillu
170 gr. suðusúkkulaði
70 gr. brauðmylsnu
150 gr. aprikósumauk
150 gr. hjúpsúkkulaði
Súkkulaðið er brætt í vatnsbaði. Lint
smjörið er hrært með 2/3 af sykrin-
um og vanillunni. Þá er súkkulaðinu,
smjörinu, sykrinum og eggjarauðun-
um bætt við og hrært vel saman þar
til deigið verður samfellt og gljáandi.
Eggjahvíturnar eru stífþeyttar með
afganginum af sykrinum. Brauð-
mylsnunni er bætt í deigið og svo
hvíturnar varlega hrærðar saman
við. Sett í form með lausum botni
og bakað við 180° í ca. 45 mínútur.
Aprikósumaukið er hitað og hellt yfir
kökuna áður en hún verður köld. Að
síðustu er hjúpsúkkulaðið brætt og
kakan hulin með því.
Á netinu fann ég svo mjög góða
skyrtertu.
Botninn er:
Heill Lu Bastogne kexpakki.
80 – 100 gr. íslenskt smjör.
Kexið er mulið í matvinnsluvél
og linu smjörinu bætt við. Þrýst í
botn á formi og kælt.
Fyllingin er:
250 ml rjómi
400 gr. vanilluskyr (gæti líka verið
gott að nota karamelluskyr frá Kea).
1 tsk vanillusykur
80 gr. hvítar súkkulaðiperlur frá
Nóa Síríus (brætt).
40 gr. karamellu pipp (brætt).
2 stór Daim (smátt söxuð).
Byrjið á því að þeyta rjómann og
bætið síðan vanilluskyrinu saman við.
Hvíta súkkulaðið er brætt í potti við
vægan hita og látið það kólna aðeins
áður en því er bætt við í fyllinguna .
Saxið niður daimið og blandið saman
við ásamt vanillusykrinum. Hellið
fyllingunni ofan á botninn og kælið.
Bræðið karamellupippið í smá rjóma
og smá sýrópi. Þetta er notað til að
skreyta kökuna.
Mér finnst góðir heitir brauðréttir
sem er aðeins bragð af og prófaði
þennan frábæra pepperóni brauð-
rétt.
1/2 samlokubrauð
1 bréf pepperoni (frá Krás)
1 blaðlaukur
250 gr. sveppir
1/2 eða ein lítil krukka sólþurrk-
aðir tómatar
5 dl matreiðslurjómi
1 mexíkó ostur
1 poki gratínostur
Skorpan skorin af brauðinu, það
skorið í litla bita og sett í botninn
á smurðu eldföstu móti. Pepperoni,
blaðlaukur, sveppir og sólþurrkaðir
tómatar er skorið smátt og bland-
að saman í skál. Gott er að blanda
dálítilli olíu af tómötunum út í
blönduna. Dreift yfir brauðið. Skerið
mexíkó ostinn í bita og bræðið í potti
ásamt rjómanum. Látið kólna örlítið,
hellið svo blöndunni yfir brauðið og
dreifið gratínostinum yfir. Bakið við
200°C í ca. 20 mínútur.
Þetta var frábært kvöld með
skemmtilegum konum. Takk fyrir
mínar kæru bókaklúbbskonur.
Gangi ykkur vel og verði ykkur
að góðu.
Kv, Kristjana
Að hætti hússins
Kristjana Sigmundsdóttir
kristjanasig@simnet.is