Selfoss - 18.12.2014, Blaðsíða 2
2 18. Desember 2014
Frábær gjöf fyrir dömur
á öllum aldri
Fáanleg í 12 litum
Nánar um sölustaði á facebook
Verð: 3390 kr. og
3190 (barnastærð 3-9 ára)
Ústölustaðir:
Mótívó Selfossi, Lyf og heilsa Vestmannaeyjum
Þær unnu allar afrek á árinu. Konurnar sem segja frá jólahaldi í blaðinu
í dag. Jólum fyrir hálfri öld í Þorlákshöfn og allt til jólanna í fyrra á
íslenskri grund. Á leiðinni heim úr námi - „með litlu fjölskylduna“.
Þær eiga það sameignlegt að hafa lagt sig fram hver á sinn hátt. Þannig
verður hvunndagurinn sérstakur í hvert eitt sinn. Og þannig boða jólin
gleði, kærleika og umhyggju. Sigþrúður í Þorlákshöfn er upp á hvern dag
að fræða og skapa börnunum öryggi í skólanum þar sem hún vinnur.
Anna Birna lauk lista- og arkitektanámi og hélt eftirminnilega sýningu
í Listasafni Árnesinga á árinu. Rannveig Anna er frumkvöðull og rekur
konubókastofu á Eyrarbakka. Árný Erla er kynningarfulltrúi síns sveitar-
félags, Rangárþings eystra. Mikils virði að sveitin sé á kortinu. Halldóra
er í framvarðasveit síns verkalýðsfélags. Fimm konur, fimm frásagnir.
Hverjar eru þessar framsæknu konur? Þær sækja fram á eigin forsendum.
Á öllum tímum hafa konur sótt fram. Á jólunum eru þær fulltrúar þess
fagra, þess umfaðmandi. Jólin eru tákn þess sem er mest virði. Gleði,
góðra minninga, umhyggju, öryggis. Hvers virði er lífið? Jólin. Minning
um fæðingu. Minning um tíma og ókomna tíma. Við segjum hvert við
annað: Gleðileg jól.
Jón úr Vör orti svo fallega:
Jól,
kertaljós í bláum fjarska,
bak við ár,
æskuminning um fegurð.
Þorlákur Helgi Helgason.
Kertaljós
í bláum fjarska
LEIÐARI
það var og...
Sú gleðí er þó opt eigi eins
saklaus og alvarleg.
Á aðfangadagskveldið
fyrir jól sópar og prýðir hver húsmóðir
heimili sitt og uppljómar hvert herbergi
með ljósum eptir því, er föng eru á.
Í sveitum er þetta kveld opt hin gleðilegasta
stund á árinu, þá er friður og rósemi
ríkjandi á hverju heimili, þá gleðst hið örvasa
gamalmenni sem æskumaðurinn og allir
sem geta gleðja sig með saklausum skemmtunum,
þar er ekkert heimili, er eigi minnist
hátíðarinnar með andlegum söngvum og
bænariðju. Í kaupstöðunum skipar gleðin
einnig öndvegi þetta kveld og eigi síst hér
í Reykjavík, en sú gleðí er þó opt eigi eins
saklaus og alvarleg, og fremur blandin hégómadýrð
en í sveitinni, hér skemmta menn
sér meira með spilum og vínföngum og getur
það líka ef það fer vel og hófiega fram
verið saklaus skemmtan, en opt verður hætt
við því, að slíkar skemmtanir hafi eigi hinar
heppilegustu afleiðingar í för með sér og
þótt þær séu byrjaðar með friði og ánægju,
leiða þær opt til sundurþykkis og óánægju
eins á jólanóttina sem endrarnær. Einkum
eru það guðræknisiðkanirnar, er eigi eru
jafn almennar það kveld1 hér og í sveitunum,
reyndar er haldinn hér kveldsöngur í
kirkjunni, hún uppljómuð af ljósum og mjög
fjölsótt af tilheyrendum, en sú guðsdýrkun
það kveld verður þó opt eigi eins kyrrlát og
þýðingarmikil sem húslestrarnir í sveitunum.
(Máni 1879)
„Í minningunni hreinlega stoppaði
klukkan á meðan messan stóð yfir“
Jólin, jólin eru að koma hljómar alls staðar og mikil tilhlökkun í gangi. Það er mikil stemning
í gangi og margar freistingar. Flest-
ir eru það heppnir að eiga góðar
minningar um þennan tíma og geta
yljað sér og öðrum með því að rifja
upp liðinn tíma.
Jólin eru hefðbundin hjá flestum
og almennt er haldið í hefðirnar
þegar kemur að þessari hátið ljóss
og friðar. Jólin á mínu æskuheimili
byrjuðu alltaf þegar bróðir minn
átti afmæli 20. des. Þá byrjaði fyrsta
smakkið af smákökum, lagtertum,
rúllutertum og kakói. Ég var svo
heppin að alast upp í Þorlákshöfn
með stórfjölskyldunni í móðurætt.
Það var mjög skemmtilegur siður
í götunni okkar um hver jól, Þor-
láksmessukvöld kveiktu allir í einu
á útiseríum í rauðum og gulum
litum. Í framhaldinu var skreytt
innandyra. Skreytingar voru mjög
látlausar í þá daga og var ein inn-
isería í stofuglugganum, jólatré í
stofunni og borðskreyting á stofu-
borðinu með hýasintu, yndislegt
og fallegt. Á þorláksmessukvöldi
fórum við krakkarnir að bera út
jólakort og jólagjafir sem við bár-
um í stórum bala á milli okkar um
allt þorp. Spennan stigmagnaðist á
aðfangadag og gott að gleyma sér
smá stund yfir jólastund sjónvarps-
ins milli klukkan 14: 00 og 16: 00.
Klukkan stoppaði á meðan
messan stóð yfir.
Móðir mín Lilja Bóthildur söng í
Söngfélagi Þorlákshafnar og vor-
um við alltaf í kirkju þegar jólin
voru hringd inn. Í minningunni
hreinlega stoppaði klukkan á meðan
messan stóð yfir og var búið að telja
allt sem hægt var að telja í kirkj-
unni þegar loksins var farið heim
í rjúpurnar. Stórfjölskyldan kom
saman í kvöldkaffi hjá Halldóru
ömmu minni sem var ómissandi
liður í jólahaldinu. Í fjölskyldunni
var mikið spiluð vist og það má
segja að allt hafi verið undirlagt
öll jólin í spilamennsku. Stundum
var hreinlega allt vitlaust því allir
voru svo tapsárir og vændu hvorn
annan um að spila af sér. Eftir spila-
mennskuna, ef niðurstaðan varð
ekki frú Halldóru ömmu minni í
vil þá lét hún okkur krakkana leggja
saman aftur því hún var viss um að
svindlað hefði verið á sér og ætlaði
ekkert að gefa eftir.
Á „kalkúnatímabilinu“ varð
einu sinni mikið uppistand.
Hefðbundinn jólamatur á heim-
ilinu voru rjúpur sem eru algjört
lostæti. Það hefur nú alltaf verið
partur af tilverunni að fylgjast með
nýjum straumum og stefnum.
Móðir mín var ekki undantekn-
ing í þeim efnum og farið var að
hafa kalkún á jólunum. Í þá daga
var ekki farið út í næstu verslun að
kaupa gripinn því opinberlega var
þetta ekki til í verslunum. Þetta var
innflutt matvara eftir einhverjum
krókaleiðum og ég held hreinlega að
menn hafi verið komnir í áskrift. Á
þessu „kalkúnatímabili“ varð einu
sinni mikið uppistand á heimilinu.
Snemma á aðfangadag fengum við
upphringingu frá kaupmanninum
og okkur tilkynnt að við yrðum
að skila gripnum því einhverjir
ónefndir hryðjuverkamenn hefðu
sprautað einhverjum óskapnaði í
framleiðsluna. Drottinn vor var
títtnefndur þennan morgun, „guð
minn góður Svenni (faðir minn)
ég býð ekki eftir því hver dettur
fyrst niður dauður við jólaborðið“.
Nú voru góð ráð dýr. Farið var með
skepnuna í höfuðstaðinn henni skil-
að á „ákveðinn stað“ og í staðinn
fenginn hamborgarahryggur eftir
sömu krókaleiðum því ekki fékkst
hryggurinn í verslunum. Þetta var í
fyrsta skipti sem við fengum þennan
hefðbundna íslenska jólamat en upp
frá því fór hryggurinn að að verða
algengur jólamatur á heimilinu eins
og á öðrum heimilum á Íslandi.
Eitt er víst að jólin koma alltaf
hvað sem umgjörð og öðru líður.
Tíminn þýtur áfram og þrátt fyrir
válind veður og ýmislegt sem getur
truflað okkur í hinu daglega lífi þá
er svo mikilvægt að njóta hverrar
stundar. Að lokum við ég senda
bestu óskir um gleðileg jól, farsæld
og frið á komandi ári.
Halldóra Sigr. Sveinsdóttir,
formaður Bárunnar, stéttarfélags.
Pakkaþjónusta
jólasveinanna
í Ingólfsfjalli
Eins og áður mun Ungmennafé-lag Selfoss aðstoða við pakka-
þjónustu jólasveinanna fyrir þessi
jól en jólasveinarnir hafa lengi séð
um að bera út pakka á Selfossi á að-
fangadagsmorgun milli kl. 10-13.
Tekið er á móti litlum pökkum
í Tíbrá, félagsheimili Umf. Selfoss
að Engjavegi 50, á Þorláksmessu kl.
18-21. Gjald fyrir systkinahóp er
kr. 1.000.
Ungmennafélag Selfoss
JÓLaHaLD
Þarna erum við systkinin á aðfangadagskvöld nýbúin að taka upp pakkana.
Halldóra og Dagbjartur.
SELFOSS-SUÐURLAND
kemur næst út 15. janúar 2015