Hafnarfjörður - Garðabær - 10.01.2014, Blaðsíða 14

14 10. janúar 2013
Hvernig verður árið 2014?
Blaðamaður sest niður með Völvunni í eldhúsi á ónefndum stað í Norð-
urbænum í Hafnarfirði. Hún rýnir í kristalskúlu sína (sem virðist samt
sem áður vera heldur til skrauts finnst blaðamanni) og sýpur á kaffi. Hún
bíður þess að síðustu droparnir klárist úr bollanum og snýr honum síðan
á hvolf. Brúnir blettir vísa veginn inn í komandi ár.
„Árið gæti orðið mörgum erfitt,“ mælir Völvan þung á brún. „Það er næstum sama hvert er litið. Ég
sé deilur, verkföll og mótmæli. Fólk
á erfitt með að sætta sig við mikinn
niðurskurð og engar launabætur. Það
verður talað um Landspítalann. Fólk
verður mjög tvístígandi og það gæti
soðið upp úr þegar bið verður á ávísun-
inni frá Framsóknarflokknum,“ segir
Völvan og heldur áfram. „Ólga verður
í Sjálfstæðisflokknum og menn munu
áfram spyrja sig hvort stjórnarsam-
starfið sé þess virði. En það gerist ekki
fyrr en eftir sveitarstjórnarkosningar.“
Íslandsmet í
auðum seðlum
„Úrslitin í sveitarstjórnarkosningunum
munu koma á óvart. Niðurstaðan hjá
Framsóknarflokknum verður köflótt.
Þeim mun ekki ganga illa úti á landi,
en á höfuðborgarsvæðinu verður fylgið
ekki mikið. Það verður hins vegar hrun
hjá Sjálfstæðisflokknum heilt yfir. Í
framhaldinu munu menn spyrja sig um
stjórnarsamstarfið. Ég sé stjórnarslit,
en ég sé ekki hvort það verður vegna
sjálfstæðismannanna eða hvort and-
staða fólksins verður ráðandi þáttur,“
segir Völvan.
„Ég er samt ekki endilega að sjá
hverjir ríða feitum hesti frá kosn-
ingunum. Reykjavík er stórt spurninga-
merki. Það á eftir að kvarnast úr fylgi
Bjartrar framtíðar og Pírataflokkurinn
mun vaxa mjög, en tölvupóstur, sem
óvart er sendur á vitlausan stað, mun
hafa slæm áhrif á gengi flokksins þegar
upp er staðið. Það verður sett Íslands-
met í auðum seðlum.“
- Hvað um Hafnarfjörðinn?
„Ég sé ekki stórar breytingar, en það
veltur þó á gengi Vinstri grænna.
Annað hvort nær flokkurinn tveimur
inn í bæjarstjórn eða engum. Gerist það
síðara, er ljóst að meirihlutinn fellur og
þá er tækifæri fyrir Sjálfstæðisflokkinn.
Flokkurinn mun samt sem áður verða
í hálfgerðum sárum í kosningunum,
því innanflokksátök í tengslum við
prófkjörið munu draga dilk á eftir sér.
Óþekkt kona mun stíga fram á sjón-
arsviðið í bæjarpólitíkinni og vinna
hug og hjörtu bæjarbúa. Hafnfirðingar
munu samt sem áður halda ró sinni
enda ýmsu vanir. Í Garðabæ sýnist mér
að allt verði eins og venjulega.“ Völvan
hikar „… að mestu, athyglin verður á
ríkisstjórninni.“
Makríllinn flytur úr landi
„Verðbólgan kemur. Hún er búin að
vera að bíða. En það eru líka jákvæð
teikn á lofti. Það mun aukast ferða-
mannastraumurinn. Skandinavar sem
hafa lesið ókeypis Íslendingasögur á
netinu munu flykkjast til landsins.
Gjaldeyrinn mun samt að mestu leyti
fara beint úr landi aftur. Makríllinn
gefst upp á deilum við Evrópusam-
bandið og syndir út úr lögsögunni.
En hann verður áfram veiddur, með
kvóta sem útgerðarmennirnir kaupa
í Færeyjum. Pyngjurnar verða léttari
hjá flestum. Visareikningurinn í febr-
úar verður vondur. En verra verður
þegar landsmenn þurfa að borga fyrir
sumarfríið.“
Hekla vaknar úr dvala
„Móðir náttúra verður í stóru hlut-
verki,“ segir Völvan. „Hekla lætur
á sér kræla og viðbrögð umheims-
ins vera miklu meiri en áður vegna
minninganna frá Eyjafjallajökli. Þetta
verður enn til að auka á ferðamanna-
strauminn hingað til lands en líklegt
að nokkrir vinsælir ferðamannastaðir
láti verulega á sjá. Bláa lónið tæmist
óvænt vegna virkjanaframkvæmda á
Reykjanesskaga. Það vekur líka athygli
í útlöndum og dregur hingað forvitnar
sálir. Jarðhræringar út af Skjálfanda
verða til þess að mönnum verður ljóst
að öll áform um byggingu álvers þar
verða endanlega slegin út af borðinu.“
Ný stjarna stígur fram
Völvan beinir sjónum annað. „Hingað
til lands koma þó nokkrar stórstjörnur
en ástarsamband einnar þeirra við
íslenskan karlmann vekur athygli
heimspressunnar. Davíð Oddsson
hættir á Mogganum en skrifar ævisögu
sína „Eftir sjálfan hann“. Hún verður
mest selda bók Íslandssögunnar. Hér
verður bollinn óljós, blettirnir renna
saman, en ég sé áfram ólgu á Ríkis-
útvarpinu og ljóst að þar eru ekki öll
kurl komin til grafar, og Hannes Hólm-
steinn Gissurarsson fær óvænta upp-
hefð á nýjum vettvangi. En um stund
gleymist allt þegar ný stjarna stígur
fram á sjónarsviðið fyrir Íslands hönd
í Eurovision eftir að hafa unnið hug
og hjörtu landsmanna. Það verður þó
ekki til að landa stóra sigrinum úti en
niðurstöðurnar verða vel við unandi.“
Ekkert ár án
útrásarvíkinga
„En gamlar stjörnur fá líka óvænta
athygli. Skattamál forsetafrúarinnar
komast óvænt í hámæli í umræðum
um niðurskurð og kjaraskerðingu al-
mennings. Ekki er útséð hvernig þeim
málum lyktar en frægt áramótaávarp
forsetans verður rifjað upp, þegar hann
talaði um að fólk sýndi því skilning
ef hann sæti ekki út kjörtímabilið.
Vinátta Dorritar og Yoko Ono kemst
í hámæli í nóvembermánuði. Síðan sé
ég útrásarvíkinga. Mér sýnist að málið
snúist um gistingu hjá hinu opinbera.“
Óvæntustu tíðindi ársins
Völvan okkar pírir augun ofan í boll-
ann og heldur áfram. „Höfundur þjóð-
hátíðarlagsins um verslunarmanna-
helgi verður úr nokkuð óvæntri átt
en lagið verður feykivinsælt og upp-
selt verður á hátíðina. Veit ekki með
veðrið samt,“ Völvan hikar um stund
en heldur svo áfram. „Ný íslensk kvik-
mynd sem frumsýnd verður á árinu
slær aðsóknarmet og býðst leikstjóra
hennar að taka þátt í fjölmörgum ver-
kefnum erlendis í kjölfar þess, bæði í
Hollywood en einkum þó í Skandin-
avíu. Íþróttakonurnar íslensku, Aníta
Hinriksdóttir hlaupari og Thelma
Björg Björnsdóttir sundkona standa
sig sérstaklega vel. Ég er ekki frá því að
Íslandsmeistaratitill lendi í Hafnarfirði.
En stærstu tíðindin á árinu verða af
íslenska karlalandsliðinu í fótbolta.“
Blaðamaður sperrir eyrun. „Það
kemur upp lyfjamál í röðum króatíska
landsliðsins. Við það mun aftur vakna
von um að liðið komist í lokakeppni
heimsmeistarmótsins í Brasilíu. En
hvort þeir fara alla leið … sé ég ekki í
bollanum,“ segir Völva bæjarblaðsins
Hafnarfjörður/ Garðabær og biður
blaðamann fyrir góðum kveðjum til
lesenda.