Hafnarfjörður - Garðabær - 13.06.2014, Blaðsíða 4

4 13. júní 2014
HAFNARFJÖRÐUR / gARÐAbæR
11. TbL. 4. ÁRgANgUR 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. framkvæmdastjóri: Ámundi Steinar Ámundason, netfang:
as@fotspor.is. auglýsingastjóri: Ámundi Ámundason, Suðurlandsbraut 54, 108 Reykjavík.
Auglýsingasími 578 1190, netfang: auglysingar@fotspor.is, Veffang: fotspor.is, Ritstjóri:
Ingimar Karl Helgason, sími: 659-3442 netfang: ingimarkarlhelgason@gmail.com,
Matarblaðamaður: Svavar Halldórsson. Sími. 869-4940. Netfang. svavar@islenskurmatur.is,
Umbrot: Prentsnið, Prentun: Ísafoldarprentsmiðja, 13.500 eintök. dreifing: Póstdreifing.
Fríblaðinu er dreiFt í 13.500 e intökum
í allar íbúðir í HaFnarFirði / Garðabæ
Eitt hið ánægjulega við sveitarstjórnarkosningarnar í vor var aukið hlutfall kvenna í bæjarstjórn. Konur eru nú ekki aðeins meirihluti kjörinna full-trúa í Hafnarfirði, heldur tveir þriðju bæjarfulltrúa. Það eitt og sér gæti
verið vísbending um nýja tíma; fyrir utan auðvitað þá staðreynd að hafnfirskir
kratar eru nú í fyrsta sinn um langa hríð ekki í forystu bæjarstjórnarinnar.
Drög að málefnasamningi Sjálfstæðisflokksins og Bjartrar framtíðar hafa verið
kynnt. Þetta eru frekar almennt en síðan er birtur listi yfir brýnustu verkin.
Þar er ýmislegt ágætt að finna. En um leið má halda því til haga að þar er
margt sem þegar er komið í ferli og á leið í framkvæmd, og sömuleiðis þættir
sem hingað til hefur verið samstaða um í bæjarstjórninni. Spurning hvort nýr
meirihluti geti skreytt sjálfan sig með slíkum fjöðrum?
Um leið er jákvætt að almennri yfirlýsingu sé rætt um samstarf, bæði þvert á
flokka og ekki síst við íbúa bæjarins.
Það er einnig mikilvægt að meirihlutinn einangrist ekki og keyri áfram mál án
tillits til sjónarmiða annarra. Það eru ýmis góð dæmi um gott samstarf þvert á
flokka og um að gera að hvetja fulltrúa til að vinna saman yfir flokkslínur. En
það merkir ekki að hinum formlega meirihluta eigi ekki að veita öflugt aðhald.
Sömuleiðis er skiptir máli, t.a.m. ef hugmyndir skyldu koma fram um einkavæð-
ingu á eigum bæjarbúa eða einkarekstur í grunnþjónustu, að slík mál verði
rædd vel og vandlega. Kostir og gallar verði kannaðir ítarlega í samtali og
samráði. Dæmin um misheppnaðar frjálshyggjutilraunir eru fjöldamörg og
brýnt að nýta vel lærdóm reynslunnar annars staðar frá.
Hugmyndir um langtímaáætlun fyrir Hafnarfjarðarbæ eru góðar og gildar.
Slíkar áætlanir verður að vinna í samstarfi og sátt. Vonandi er að því fólki
sem falin hefur verið sú ábyrgð að stýra bæjarfélaginu næstu fjögur árin, beri
gæfa til þess.
Ingimar Karl Helgason
Nýir tímar
í Hafnarfirði?
Leiðari
Skorað á bæjaryfirvöld
„Það er óásættanlegt að raddir sem ala á tortryggni og andúð í garð einstaklinga eða hópa vegna
trúarskoðana þeirra hafi hafið innreið
sína í íslensk stjórnmál. Ísland á að vera
samfélag fyrir alla,“ segir í yfirlýsngu
frá stjórn ASÍ-UNG. Fram kemur í til-
kynningu frá Alþýðusambandinu að
skorað sé á sveitarstjórnir að standa
vörð um mannréttindi og almennt
umburðarlyndi í samfélaginu. Í ljósi
niðurstöðu nýafstaðinna kosninga í
Reykjavík og þeirra ummæla sem einn
nýkjörinn borgarfulltrúi Framsóknar-
flokks og flugvallarvina lét falla um
meint tengsl þvingunarhjónabanda
og bænahúss fólks af ákveðinni trúar-
skoðun, skori stjórn ASÍ-UNG á borg-
arfulltrúa í Reykjavík sem og önnur
stjórnvöld í landinu að standa vörð um
mannréttindi og almennt umburðar-
lyndi í samfélaginu.
Skipulag og framtíðin
Mikilvægt er að vandað sé til verka og hugsað til fram-tíðar þegar stærri svæði
sem minni eru skipulögð. Nútíma-
borgin varð til með iðnbyltingunni
og þessari þróun fylgdu ýmis vanda-
mál þar sem skipulag varð fljótt tæki
til að bæta lýðheilsu fólks. Hugtökin
skipulagsfræði og skipulagsfræðingur
eru þó tiltölulega óþekkt.
Skipulagsfræði er sjálfstæð og
þverfagleg fræðigrein sem m. a. fæst
við landnotkun ásamt byggðarþróun
og tengist fjölda annarra faggreina.
Markmið skipulagsfræði er að tryggja
að skipulagsáætlanir séu byggðar á
breiðum vísindalegum grunni og að
samræmd séu hin fjölmörgu sjónar-
mið fólks um notkun lands og nýtingu
auðlinda.
Starfsheitið skipulagsfræðingur
er lögverndað og starfa skipulags-
fræðingar víðsvegar við skipulagsgerð,
rannsóknir, eftirlit og ráðgjafastörf.
Sérhæfing skipulagsfræðinga felst
m. a. í því að samhæfa niðurstöður
sérfræðinga og ólík sjónarmið hags-
munaaðila. Skipulagsfræðingar þurfa
því að eiga góða samvinnu við, og
nýta sér sérþekkingu þeirra sem við
á hverju sinni. Einnig er mikilvægt er
að skipulagsfræðingar hafi þekkingu
á séreinkennum íslensks umhverfis.
Skipulagsfræðingafélag Íslands var
stofnað árið 1985, í dag eru félagsmenn
yfir fimmtíu talsins og hafa tæplega
fjörtíu skipulagsfræðingar fengið lög-
gildingu ráðuneytisins.
Fjölgun fólks í þéttbýli skapar meiri
kröfur á skipulag til framtíðar og sjálf
gerum við auknar kröfur til umhverfis-
ins sem við búum í. Því er ljóst að vax-
andi þörf er fyrir menntaða skipulags-
fræðinga á Íslandi. Skipulagmál hafa
verið mikið í umræðunni undanfarið
og hefur hún töluvert snúist í kringum
einstakar skipulagsáætlanir sveitarfé-
laga eða smærri breytingar sem mælst
hafa misvel fyrir. Oft á tíðum verða
skipulagsmál að pólitísku bitbeini án
þess að stuðla að upplýstri umfjöllun.
Skipulagsfræðingafélagið vill hvetja
til faglegrar umræðu um skipulagsmál
og minnir á mikilvægi fagþekkingar
þegar unnið er að skipulagi og að horft
sé til framtíðar við skipulagsgerð. Illa
ígrundað skipulag getur haft víðtæk
áhrif til langs tíma og að sama skapi
getur vel skipulagt svæði stuðlað að
bættri líðan og umfram allt gæða
byggð.
Fjölbreytt starf í Vinnuskólanum
„Þetta er virkilega öflugur hópur. Stóra startið var á mánudaginn og þetta fer virkilega vel af stað,“
segir Axel Guðmundsson, skólastjóri
Vinnuskóla Hafnarfjarðar.
Um 700 unglingar á aldrinum 14-
16 ára og 300 til viðbótar 17 ára og
eldri verða við störf í Vinnuskólanum
í sumar.
Axel segir að krakkarnir taki að
sér mjög fjölbreytt verkefni. „Þau eru
bæði að vinna við almenna fegrun
í bænum, en starfa líka hjá íþrótta-
félögunum, FH, Haukum og Björk-
unum, svo ég taki dæmi, en líka á
gæsluvöllum og víðar,“ segir Axel.
Hann bætir því við að list og menn-
ing komi líka inn í starf vinnuskól-
ans. „Við erum líka með fjölmiðlahóp,
graffitihóp, listahóp og jafningja-
fræðslu, þannig að krakkarnir eru
að taka þátt í alls konar skemmtilegu
starfi. Þetta er ekki bara garðvinna,
enda þótt hún sé bæði nauðsynleg
og skemmtileg.“
Höfundur er
Erla Margrét Gunnarsdóttir,
formaður Skipulags=
fræðingafélags Íslands
skipulagsfraedi.is
Búist er við því að mikið verði um dýrðir í Hafnarfirði og Garðabæ á þjóðahátíðardeginum sem haldinn verður
hátíðlegur eftir helgi. ítarlegar dagskrár má finna á vefsíðum bæjarfélaganna. Hér má sjá mannfjölda í miðbæ
Hafnarfjarðar, 17. júní í fyrra.
Nýsköpun í vanda
Í tísku er að hrósa nýsköpun í vísindum og atvinnurekstri og hampa henni í ræðum sem einni af
leiðunum út úr efnahagskreppunni. Og
nýsköpun á Íslandi er vissulega öflug,
spennandi og lofar góðu. Um fimmtíu
nýsköpunarfyrirtæki velta orðið sam-
anlagt á við mjög öflugt stóriðjufyr-
irtæki. Nokkur fyrirtæki, hvert með
álíka marga starfsmenn og fjölda nema
í skólabekk velta 500 til 1.500 millj-
ónum per fyrirtæki á ári. Sum þeirra
grónustu og umsvifamestu eru orðin
stórveldi á mælikvarða okkar. Svo
virðist sem nýsköpunarfyrirtækjum,
er tengjast sjávarútvegi, gangi einna
best við innri uppbyggingu og mark-
aðsmál. En líka eru mörg önnur að
störfum sem ýmist berjast í bökkum
(samt með söluhæfa vöru) eða standa
kyrr við háan þröskuld. Allt og mörg.
Af hverju? Af því að þau skortir fjár-
magn til að taka næsta, eðlilega skref.
Það snýst oft um að koma vöru í fram-
leiðslu, kynna hana og ýta áfram inn á
markað. Sem sagt: Að brúa bilið milli
nýsköpunar og framleiðslu/ sölu.
Nýsköpunarmiðstöð Íslands (NMÍ)
og Nýsköpunarsjóður hafa gegnt
merku lykilhlutverki við að hlúa að
nýsköpun, aðstoða menn á alla lund og
klekja út fjölda fyrirtækja í samvinnu
við hugsuðina.
Aukið fjármagn til fullnustu ný-
sköpunar gæti komið úr tveimur
ólíkum áttum. Frá bönkum eða öðrum
lánastofnunum og frá fjárfestum eða
fjárfestingarsjóðum. Þar stendur
hnífurinn oft í kúnni. Því miður sýna
íslenskir bankar allt of mikið aðhald
í lánafyrirgreiðslu. Lánveitendur al-
mennt hafa ekki mótað eðlilega stefnu
gagnvart nýsköpunarfyrirtækjum sem
ekki eiga öflug veð. Sennilega ræður
mismikil áhætta nokkru um lánatregð-
una eða þá ótti um að lítill hagnaður
fylgi. Ekki bæta gjaldeyrishöftun úr
skák. Fjárfestar hika og horfa fremur
á sjávarútveg eða ferðaþjónustu en ný-
sköpun sem getur falið í sér áhættu.
Sennilega líta einstaklingar og sjóðir
fyrst og fremst til tryggra fjárfestinga
og þeirra sem mest gefa af sér á
skömmum tíma. Samfélagshugsjónir
og þolinmæði koma oftast í annað eða
þriðja sæti,
Hér þar af taka til hendinni, móta
stefnu og finna leiðir til þess að ýta undir
tugi, fyrirtækja sem nýta hugkvæmni og
sköpunarafl svo margra. Þetta á raunar
líka við um mörg önnur lítil fyrirtæki
sem ekki fá lán. Ríkisvaldið er mikil-
vægur ísbrjótur. Með nýjum tilhliðr-
unum í innheimtu skatta og breyttum
reglum um afskriftir eða með sérstökum
sjóðum getur samfélagið tekið ábyrgð á
sjálfu sér og leyft nýsköpun að eiga auð-
veldari leið framávið en nú tíðkast. Svo
á ríkið banka, bólginn af fé. Hafi hann
forgöngu fylgja hinir á eftir. Nýjasta
áætlun stjórnvalda um aukið opinbert
fé til nýsköpunar hrekkur skammt ef
þau standa svo kyrr með útrétta hönd
við lokaðar dyr banka og fjárfesta.
Höfundur er
Ari Trausti Guðmundsson