Hafnarfjörður - Garðabær - 13.06.2014, Blaðsíða 14
TÍMAREIMAR – BREMSUR – BILANAGREINING - OLÍUSKIPTI
ÁSAMT ÖLLUM ALMENNUM BÍLAVIÐGERÐUM
Tjónaviðgerðir fyrir öll
tryggingafélöginBílaspítalinn – Kaplahrauni 1 – Hafnarfirði Sími 565 4332 – bsp@bsp.is
CABAS tjónaskoðun
14 13. júní 2014
Grafíker á heimsmælikvarða
Á morgun opnar sýningin Svona geri ég í Hönnunarsafni Íslands á verkum
Hjalta Karlssonar. Hjalti er grafískur hönnuður og sitt eigið hönnunarstudíó,
Karlssonwilker, í New York ásamt Þjóðverjanum Jan Wilker. En þótt sýningin
sé kennd við Hjalta á hann erfitt með að tala um sig í eintölu þar sem þeir Jan
vinna saman að öllum verkefnum fyrirtækisins, þar með talið verkunum á
sýningunni. „Við skiptum sýningunni í tvennt, annar helmingurinn er tímalína
sem sýnir og segir hver ég er og hvað ég hef verið að gera, sýnir nokkur gömul
verk og til dagsins í dag. Verkin í tímalínunni eru mjög fjölbreytt þar sem notast
er við hina ýmsu miðla. Hinn hluti sýningarinnar er byggður á sýningunni í
Gautaborg [sýningin kemur beint þaðan], þar var henni skipt í tvennt líka.
Þá hönnuðum við 14 plaggöt sem voru tengd Svíþjóð, svo sænskir áhorfendur
fengju eitthvað um landið, sjö myndir og sjö portrait myndir af random fólki
í Svíþjóð. Okkur fannst ekki passa að flytja hana þannig til Íslands svo við
yfirfæðrum verkin, gerðum 7 plaggöt af random pælingum um Ísland og svo
eru sex skissur af íslenskum einstaklingum, bæði þekktum og óþekktum.“ Hildur
Björgvinsdóttir, blaðamaður, ræddi við Hjalta Karlsson.
Perónulegra að
sýna á Íslandi
Hjalti hefur verið búsettur erlendis
í yfir tuttugu ár en Karlssonwilker
var stofnað árið 2000. Sýningin í
Hönnunarsafninu er hans fyrsta einka-
sýning hér á landi en áður hefur hann
tekið þátt í samsýningum auk þess að
kenna og halda fyrirlestra á Íslandi í
gegnum tíðina. Hann segir talsvert
persónulegra að sýna á Íslandi þar sem
hann þekkir marga og nálægðin við
gesti sé meiri.
Viðurkenningin
mikilvægust
Í nóvember síðastliðnum hlaut Hjalti
hin virtu Torsten och Wanja Söderberg-
verðlaunin sem eru stærstu verðlaun
sem veitt eru hönnuði á hverju ári,1
milljón sænskra króna. Tilgangur verð-
launanna er að efla, hönnun, handverk
og tísku á Norðurlöndunum en þau eru
aðeins veitt Norrænum hönnuðum.
Hjalti segir að þegar hann hóf nám í
grafískri hönnun hafi hann ekki órað
fyrir að ná þetta langt. Aðspurður
hvort verðlaunin hafi breytt einhverju
segir hann peningana sem slíka ekki
hafa verið það sem skipti hann mestu
heldur viðurkenningin sjálf. „Þetta
var eitthvað sem ég bjóst alls ekkert
við að fá og aðalega rosalegur heiður
að vera valinn úr öllum þessum stóra
hóp hönnuða, gríðarleg viðurkennig á
minni vinnu. Þetta er bara eins og hjá
flestum, maður kemur á skrifstofuna
og svo kemur maður heim og manni
finnst eins og fólk viti ekkert hvað
maður er að gera en viðurkenningin
segir mér að það er ekki rétt“. Hann
bætir við að hann sé annar grafíski
hönnuðurinn frá upphafi sem hljóti
verðlaunin sem voru fyrst veitt 1994
og það sé merki um að grafíkin skipi æ
stærra hlutverk í hönnunarheiminum.
Pantaðir af
Time tímaritinu
Verkefni Karlssonwilker, sem Hjalti
segir litla stofu á New York mælikvarða
með sjö starfsmenn, eru afar fjölbreytt.
Meðal þess sem þeir Jan hafa tekið að
sér er grafík á skó fyrir Puma auk ver-
kefna fyrir MTV sjónvarpsstöðina og
hönnun fyrir Our choice, rit Al Gore
fyrrverandi varaforseta Bandaríkj-
anna. Þá var haft samband við þá frá
tímaritinu Time og þeir beðnir um að
sjá um hönnun forsíðu og 12 blaðsíðna
upplýsingagrafík fyrir eitt tölublað. Í því
verkefni fengu þeir meðal annars pabba
leikarans Ben Stiller til að sitja fyrir á
mynd. Þetta var í fyrsta sinn sem Time
fékk utanaðkomandi hönnuði til að sjá
um útlit blaðsins. „Það er mikið frelsi á
skrifstofunni, við erum að hanna alls-
konar verkefni, engin sérhæfing, höfum
verið heppnir að fá allskonar verkefni.
Fáum mjög oft verkefni sem eru til-
raunaverkefni, erum að prófa hluti
sem við höfum ekki gert áður, kúnnar
treysta okkur fyrir verkefnum sem við
höfum ekki gert áður.“
Hjalti og Jan hafa einnig unnið
fjölda verkefna á Íslandi. Þau nýju-
stu eru hönnun fyrir Hverfisgallerí
á Hverfisgötu 4 og heildarútlit fyrir
nýútkomna plötu hljómsveitarinnar
Gusgus, Mexíkó.
Grafíkin fjölbreytt
Hjalti segir að starf grafíkersins sé að
verða æ fjölbreyttara og færast yfir í
fleiri og fleiri miðla sem sé mjög já-
kvætt. Flestar hönnunarstofur séu
farnar að gera videoverk, teiknimyndir
og jafnvel innsetningar en síðasta verk-
efni Karlssonwilker var 20 metra langur
skúlptúr sem hengdur var í loftið hjá
stofnun í Chicago.
Í umsögn dómnefndar Söderberg-
verðlaunanna segir: „Breið nálgun
Hjalta Karlssonar á leturgerð, grafískri
hönnun og sjónrænum samskiptum
byggir á húmanískum og listrænum
grundvelli. Verk hans spanna allt frá
smáhlutum til heildstæðrar, umfangs-
mikillar grafískrar upplýsingamiðlunar.
Frá tímaritssíðum til hreyfimynda, frá
hönnun sýninga með fræðslugildi
yfir í staðbundnar listinnsetningar –
sjónrænt tungumál Hjalta Karlssonar
í samtíma er markað bæði af klassískri
menntun og íslenskri sagnahefð.“