Hafnarfjörður - Garðabær - 11.07.2014, Blaðsíða 11

1111. júlí 2014
Kartöflurnar inn
í borgarann
HM borgarinn að þessu sinni er með
steiktum kartöfluklöttum. Það þýðir
að kartöflurnar eru innifaldar í borg-
arnum sem gera hann einfaldari til átu
fyrir framan sjónvarpið. Hér á opnunni
er uppskrift að kartöfluklöttunum sem
finna má í Íslensku hamborgarabókinni
sem undirritaður gaf út í fyrra. Byrjið
á því að gera þá. Haldið þeim heitum
í ofni við svona 100 gráður. Gerið svo
borgarana. Hér er töfraráð úr bókinni.
Gott er að kæla borgarana fyrir eldun.
Best er að þeir séu u. þ. b.4 gráðu heitir
– s. s. beint úr ísskáp. Þá tolla þeir í
fyrsta lagi betur saman en aðalmálið
er að þá verða þeir ekki of eldaðir að
innan þegar þeir eru orðnir passlega
steiktir að utan.
Töfrabrauð
Veljið annað hvort gróft eða fínt brauð.
Hér er annað töfraráð. Bræðið dálítið
smjör og penslið brauðin – báða hluta
– og hitið svo. Þetta gerir gæfumuninn!
Saxið niður eitthvað af góðu grænmeti
til að setja á milli. Steikið svo borgarana.
Tíminn fer eftir þykkt þeirra. Svo er líka
afskaplega gott að gera vel við sig í osti
– nota til dæmis hvítmygluosta eins og
Camenbert. Raðið svo öllu heila á klabb-
inu saman; neðra brauði, grænmeti,
borgara efra brauði. Svo má setja líka
sósu ef menn vilja. Þótt á myndinni sé
notuð Heimsins besta hamborgarasósa
úr Íslensku hamborgarabókinni, mælir
matarblaðamaður með því að nota
kalda bearnaisesósu – svona í tilefni
af HM. Uppskriftin fylgir með hér á
opnunni. . . og í guðs bænum þrífið
nú grillið og notið almennileg áhöld.
Gleðilegan úrslitaleik!
svavar@islenskurmatur.is
HM borgarinn með kartöfluklöttum er ekkert slor.
úrvals meðlæti með úrvals borgara á HM grillinu.
Hreint grill og góðar græjur skipta máli.