Hafnarfjörður - Garðabær - 11.07.2014, Blaðsíða 14

Klettagörðum 8-10 | 104 Reykjavík | Sími: 590 5100 | www.klettur.is
DEKK FYRIR
VINNUVÉLAR
NÝTT
14 11. júlí 2014
Fjör í Strandgötunni
löng var röðin eftir pulsum af grillinu.
Ungir og efnilegir listamenn á fallegum degi í Strandgötunni.
Þessar teiknuðu hest.
Hallmundur Kristinsson
á Akureyri yrkir um flutninga
Fiskistofu norður
Tekur Fiskistofa stökk
stefnir út um koppagrundir.
Mörgum þykir framsókn frökk
og fruntaleg um þessar mundir.
Hallmundur yrkir áfram.
Færsluglaða flutningsmenn
Framsóknar má lofa;
hér mun kannski hafna senn
Höfuðborgarstofa!
Hjálmar Freysteinsson
læknir á Akureyri yrkir um
hefðbundinn veðráttumeting.
Reykvíkingarnir reyna að stikna,
rífa sig fötum úr,
en sumarið þeirra er sextán vikna
samfelldur gróðrarskúr.
Og Hjálmar yrkir þessa limru um
Torfa.
Allt er gott sem endar vel:
Að gleðjast Torfi var tregur
og torsóttur ævivegur.
En eftir hann dó
er hann aldeilis þó
nokkuð skondinn og skemmtilegur.
Sigurlín Hermannsdóttir orti eftir
ferð í heita pottinn.
Drjúg varð mér sú morgunstund,
mikið er nú lífið gott.
Búin mér að bregða í sund
(en bara að vísu í heitan pott).
Hreinn Guðvarðarson, Sauðárkróki
yrkir
Þá allt er mælt á mammons-vog
og mikinn, skjótan frama,
er gott að vera gamall og
geta verið sama.
Gunnar J. Straumland yrkir um
sumarveðrið.
Gráminn þekur grund og tinda
í grasið lekur kólgutár.
Hryðjur vekja hífingsvinda
það haustar frekar snemma í ár.
Kristján Runólfsson, Hveragerði
yrkir.
Dropar falla á skorpinn skalla,
skepnur allar leita í var.
Blómin valla, höfði halla,
hér er gallað veðurfar.
Fyrripartur:
Súr er þessi sumartíð,
sífellt rok og væta.
Hvet ég lesendur til að senda botna,
vísur og fyrriparta í þáttinn.
vísnastund
Pétur Stefánsson
pest@visir.is