Hafnarfjörður - Garðabær - 05.09.2014, Blaðsíða 4
4 5. SEPTEMBER 2014
Stjarnan tók bikarinn
Stjarnan hampaði bikarmeistaratitl-inum á laugardag þegar stelpurnar
unnu Selfoss 4-0 á Laugardalsvelli.
Harpa Þorsteinsdóttir íþróttakona
Stjörnunar fór á kostum í leiknum og
skoraði þrjú mörk. Þetta er í annað sinn
sem meistaraflokkslið Stjörnunnar
hampar þessum eftirsótta titli.
HAFNARFJÖRÐUR / gARÐAbæR
16. TbL. 4. ÁRgANgUR 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. framkvæmdastjóri: Ámundi Steinar Ámundason, netfang:
as@fotspor.is. auglýsingastjóri: Ámundi Ámundason, Suðurlandsbraut 54, 108 Reykjavík.
Auglýsingasími 578 1190, netfang: auglysingar@fotspor.is, Veffang: fotspor.is, Ritstjóri:
Ingimar Karl Helgason, sími: 659-3442 netfang: ingimarkarlhelgason@gmail.com,
Matarblaðamaður: Svavar Halldórsson. Sími. 869-4940. Netfang. svavar@islenskurmatur.is,
Umbrot: Prentsnið, Prentun: Ísafoldarprentsmiðja, 13.500 eintök. dreifing: Póstdreifing.
Fríblaðinu er dreiFt í 13.500 e intökum
í allar íbúðir í HaFnarFirði / Garðabæ
Haraldur L. Haraldsson, nýr bæjarstjóri, bendir á að Hafnarfjarðarbær hafi verið rekinn með afgangi á síðasta ári. Enn megi samt gera betur, án þess að draga úr þjónustu eða segja upp fólki, en um 1900 manns starfa hjá
bænum. Hann segir í ítarlegu viðtali hér í blaðinu frá hugmyndum sínum. Fyrst
þurfi að taka stöðuna. Síðan ákveða aðgerðir. Þetta er ágæt aðferð.
Ekkert hefur verið ákveðið um aðgerðir að sögn, en samt blasir við að einhverjar
hugmyndir eru á sveimi.
Haraldur flutti ræðu á bæjarstjórnarfundi í vikunni og ræddi meðal annars um
áætlun til að jafna laun kynjanna. Það er gott markmið og vonandi sjáum við
árangur. En sömuleiðis kom hann inn á umræðu um „að auka þátt kvenna í
atvinnurekstri.“ Sveitarfélög geti þar sýnt frumkvæði. Hann nefndi sem dæmi að
hátt hlutfall kvenna starfaði á leikskólum, við heimaþjónustu og hjúkrun.
„Ef á að úthýsa slíkum verkefnum tel ég það frumskilyrði að áður verði þau boðin
út, í þeim tilgangi meðal annars að gefa fleiri aðilum tækifæri á að bjóða í slík
verkefni. Þar eiga að skapast möguleikar, meðal annars til dæmis fyrir konur í
atvinnurekstri.“
Það er sannarlega áhugavert að bæjarstjórinn nefni einkavæðingu grunnþjónustu
sveitarfélagsins í sinni fyrstu ræðu. Þetta er pólitík.
Maður fær á tilfinninguna að stefnan sé að fara í aðgerðir af þessu tagi. En það er
jákvætt að menn séu óhræddir við að lýsa hugmyndum. Þá er hægt að ræða þær
og fara yfir kosti og galla. Og þá ekki síður að vandlega verði farið yfir reynslu af
slíku fyrirkomulagi. Auk þess sem fólk getur spurt sig hvort það vilji að skattféð
sem fjármagnar grunnþjónustuna, endi sem arðgreiðslur hjá hluthöfum einka-
fyrirtækja. Þetta er pólitík.
Við skulum líta á þessa hugmyndafræði einkarekstrar í öðru samhengi.
Haraldur segir í viðtali hér í blaðinu að það sé engin pólitík í sveitarstjórnum. En
hvað er það annað en pólitík að fela einkaaðilum að reka grunnþjónustu. Þetta
er ekki bara pólitík, heldur sjálfur kjarninn í því hvernig við högum samfélaginu.
Við höfum nýleg dæmi úr nálægum sveitarfélögum að neysluvatnið var selt einkafyr-
irtæki sem fékk neitunarvald í ákvörðunum fyrirtækisins, þrátt fyrir minnihlutaeign.
Þetta fyrirtæki heitir HS veitur og á Hafnarfjarðarbær hlut í því. Sjálfstæðismenn,
sem voru í stjórnarandstöðu fyrir kosningar, vildu á sínum tíma selja hlut bæjarins,
en ekki þeir sem þá voru við stjórn.
Dreifing á rafmagni til bæjarbúa er í höndum þessa fyrirtækis. Þar vill bærinn gæta
hagsmuna íbúanna og færa ekki ákvörðunarvaldið í málefnum þessa mikilvæga fyr-
irtækisins úr höndum fólksins. Áhrifaleysi fyrir tímabundinn gróða. Þetta er pólitík.
Sveitarstjórnir þurfa sannarlega að takast á við ýmis lögbundin verkefni. Það þýðir
ekki að þar sé engin pólitík. Það er við úrlausn slíkra verkefna sem við sjáum grunn-
pólitíkina í samfélaginu. Menn ættu að varast að reyna að telja fólki trú um annað.
Ingimar Karl Helgason
Þetta er pólitík
Leiðari Við erum til
Við fögnum þeirri umræðu sem var áberandi í að-draganda kosninga og ekki
síst kosningaloforðum um breiðara
samstarf og aukna samvinnu í bæj-
arstjórn Hafnarfjarðar. Með áherslu
á eflingu lýðræðis, opnari stjórnsýslu
og aukna þátttöku íbúa í ákvörðunum
sem varða þeirra líf og aðstæður
hefur samvinna sömuleiðis aukist
milli fulltrúa ólíkra stjórnmálaflokka
í bæjarstjórn Hafnarfjarðar síðustu
ár. Á síðasta kjörtímabili eru þannig
fjölmörg dæmi um vel heppnuð
samvinnuverkefni þar sem öll bæjar-
stjórnin hefur unnið heilshugar saman,
sbr. verkefnastjórn um byggingu nýs
hjúkrunarheimilis, atvinnuátaksver-
kefnið Áfram, úttekt og skýrslu um
fjárhagsleg samskipti Hafnarfjarðar-
bæjar og íþróttafélaganna, vinnu að
umhverfis- og auðlindastefnu, Aðal-
skipulag Hafnarfjarðar og svo mætti
lengi telja. Haustið 2008 tók fulltrúi
Vinstri grænna sömuleiðis fullan þátt
í gerð fjárhagsáætlunar fyrir árið 2009
og aftur fyrir árið 2010 með þáverandi
meirihluta.
Fráfarandi meirihluti lagði sig sér-
staklega fram um að ná samstöðu með
fulltrúum minnihluta um allar stærri
tillögur sem fluttar voru í bæjarstjórn
eða í einstökum ráðum og nefndum.
Það átti meðal annars við um allar þær
tillögur sem samþykktar voru á fyrsta
fundi nýrrar bæjarstjórnar vorið 2010,
af bæjarstjórninni sem einni samstæðri
heild. Sú samstaða spratt ekki af sjálfu
sér heldur byggði hún á virku frum-
kvæði, markvissri vinnu og jákvæðum
samskiptum.
Orð og athafnir
Ef tryggja á jafna aðkomu þeirra sem
koma að starfi bæjarstjórnar verða orð
og athafnir að fara saman. Umfram
allt verður fólk að gæta sanngirni
og virðingar í samskiptum hvert við
annað. Þegar flokkar skiptast í meiri-
og minnihluta hvílir mikil en ólík
ábyrgð á báðum aðilum. Meirihluti
sem vill raunverulega stuðla að breiðri
samvinnu og þátttöku fulltrúa allra
flokka verður að sýna skýrt frumkvæði
í verki og gefa minnihluta raunverulega
aðkomu að undirbúningi ákvarðanna
og mótun hins formlega dagskrárvalds.
Það er ekki sjálfgefið að þeir sem eru
í minnihluta taki slíku boði um beina
þátttöku og mörg dæmi eru um það
á vettvangi íslenskra stjórnmála að
flokkar velji fremur að vera í hefð-
bundinni „stjórnarandstöðu“, hafni
samvinnu og þar með ábyrgð á þeim
ákvörðunum sem teknar eru.
Öðruvísi bæjarstjórn
Í nýlegri grein sem oddviti Bjartrar
framtíðar ritaði og birtist í þessum
miðli er því haldið fram að ekki hafi
verið vilji til að mynda breiða sam-
stöðu í bæjarstjórn Hafnarfjarðar
eftir kosningarnar í vor og látið að
því liggja að það hafi átt jafnt við
um alla flokka. Slíkar fullyrðingar
koma okkur í minnihlutanum á
óvart þar sem fulltrúar Samfylkingar
og Vinstri grænna voru sannarlega
tilbúnir til að láta á slíkar viðræður
reyna og lögðu jafnframt til aðkomu
allra framboðanna að slíku samstarfi.
Sjálfstæðisflokkurinn var hins vegar
ekki tilbúinn til viðræðna um annað
en hefðbundið meirihlutasamstarf og
hefðbundin skil milli meiri- og minni-
hluta. Engar raunverulegar viðræður
fóru því fram um þann möguleika að
mynda meirihlutasamstarf á breiðari
grunni, heldur völdu fulltrúar Bjartrar
framtíðar einfaldlega að leita eftir
meirihlutasamstarfi við Sjálfstæðis-
flokk. Það er því hvorki rétt né sann-
gjarnt að okkar mati að gefa það í skyn
að hugmyndin um breiðari samvinnu
og „öðruvísi“ bæjarstjórn hafi strandað
á þeim flokkum sem voru slíkum við-
ræðum raunverulega fylgjandi.
Önnur tilraun
Þrátt fyrir skýr fyrirheit og á köflum
allt að því hástemmdar yfirlýsingar
hefur nýr meirihluti haldið spilunum
þéttar að sér en tíðkast hefur í bæjar-
stjórn Hafnarfjarðar, ekki kallað eftir
samstarfi eða leitað eftir samráði með
sama hætti og venja hefur verið til.
Tillögur eru bornar fram án kynningar
og án þess að reynt sé að ná um þær
samstöðu fyrirfram og jafnvel ætlast til
þess að bæjarstjórn samþykki þær um-
ræðulaust. Þrátt fyrir yfirlýsingar um
bætt vinnubrögð og aukna samvinnu
hefur veruleikinn því verið allt annar
og í þveröfuga átt þessar fyrstu vikur og
mánuði nýs kjörtímabils. Þeir sem hafa
reynslu af setu í bæjarstjórn upplifa
því sumpart afturhvarf til fortíðar, fyr-
irkomulags sem margir myndu segja
að tilheyrði valdapólitík liðinna ára-
tuga miklu fremur en nútímalegum
og framsæknum umbótastjórnmálum.
Við erum hins vegar hvergi af baki
dottin og erum langt í frá tilbúin að
slá breiðara og aukið samstarf í bæjar-
stjórn Hafnarfjarðar út af borðinu. Við
erum jafn tilbúin og áður til að gefa
þeirri hugmynd tækifæri að fulltrúar
ólíkra stjórnmálaflokka geti unnið
saman að stórum málum til hagsbóta
fyrir bæjarbúa alla. Við erum líka til-
búin til að gefa nýju fólki og nýjum
flokkum svigrúm til að kynnast um-
hverfinu, verkefnunum og nýrri bæjar-
stjórn tækifæri til að vinna saman. Við
skorum því á nýjan meirihluta að koma
með okkur í það verkefni og leggja það
í sem þarf.
Við erum til.
Höfundur eru
Adda María Jóhanns-
dóttir, Guðrún Ágústa
Guðmundsdóttir, Gunnar
Axel Axelsson og Ófeigur
Friðriksson, bæjarfulltrúar
Samfylkingar og Vinstri
grænna í Hafnarfirði.
Frístundabíllinn ekur af stað
Byrjað er að skrá á Frístundabíl-inn í Garðabæ. Bíllinn hefur það hlutverk að aka börnum
frá tómstundaheimilum grunnskóla
í bænum í íþrótta- og tómstunda-
starf. Hann ekur á starfstíma skól-
anna alla virka daga frá 14:15-17:30.
Aksturinn hófst í byrjun vikunnar
og stendur til 19. desember, og hefst
aftur 5. janúar.
Í vetur verða tvær leiðir á vegum
Frístundabílsins. Leið 1 fer frá Mýr-
inni til Sjálandsskóla með viðkomu
í Tónlistarskólanum í Kirkjulundi og
að Ásgarði á hverjum 30 mínútum.
Fyrsta ferð dagsins er frá Mýrinni kl.
14:15. Leið 2 fer á klukkutíma fresti
frá Álftanesi með viðkomu í Ásgarði,
Tónlistarskólanum í Kirkjulundi og
að Mýrinni. Fyrsta ferð frá Álftanesi
er kl. 14:45, segir á vef Garðabæjar.
Aðgangskort í frístundabílinn eru
persónugerð rafræn kort, sem kall-
ast Garðakort, sams konar og notuð
eru í sundlaugunum. Í umsókn um
frístundabíl sem fyllt er út á vef Garða-
bæjar er hægt að panta kort og þar er
einnig hægt að kaupa inneign á kort,
eigi barnið kort fyrir. Kortið kostar 700
krónur. Akstur með Frístundabílnum
kostar 15 þúsund krónur fyrir allan vet-
urinn, en annars 8 þúsund á haustönn,
en 10 þúsund á vorönn. Einnig er hægt
að kaupa 30 stakar ferðir á 7 þúsund
krónur, segir á vef Garðabæjar.
Skáning stendur yfir á vef Garða-
bæjar auk þess sem þar má finna frekari
upplýsingar um bílinn og ferðir.
Hækkun
hjá Jólaþorpi
Menningar- og ferðamálaráð leggur til að leigugjald fyrir
söluþorp í Jólaþorpinu í Hafnarfirði
verði hækkað úr 10 þúsund krónum í
15 þúsund. Ráðið ákvað að leggja þetta
til við bæjarráð.
Mynd: Stjarnan.is